多謝車仔

身為一個球迷，我甚少響 BLOG 度提及足球。


今年四大聯賽競爭激烈。

各有各精采。


但要數最令我熱血沸騰嘅。

就一定係尋晚 車路士 響歐聯踢 巴塞隆拿 出局。

一雪前恥。


車仔唔係我最鍾意嘅球隊。

但巴塞就一定係我最唔鍾意嘅球隊。


英超情意結好，摩連奴情意結又好。

睇見 巴塞 淪落比見到我愛隊 曼聯 拎冠軍仲要來得開心。


好耐無試過睇波睇到瘋狂大叫。

多謝車仔！

多謝達明

今晚睇咗呢世人到目前為止最精采嘅一場演唱會。

《達明一派兜兜轉轉演演唱唱會》


「古肅」如我，都聽到企起身拍晒手又叫又跳。


一個我從來都未見過嘅我。


放開懷抱享受快樂嘅感覺真好。


多謝達明一派！

外面的世界很精彩

已經唔記得有幾多個風和日麗嘅星期日都係屈響屋企冇出街。

原來好天出去行下嘅感覺都唔錯。

無假放

其實好多時星期六放假我都仍然要工作。

基本電話對答或作出工作指引走唔甩。

更甚嘅係可能要響屋企遙控公司電腦解決問題。

唔係我啲同事搞唔掂啲嘢。

而係我始終對每件事都放心唔落。

過份上心。

即使過咗辦公時間。

我都仍然會間中 check 下 email.


遲早癲。


要我真正放假放鬆自己。

相信只會係喺出門去旅行無電話無電腦嘅時候。

反正空虛 沒什麼想發生

死氣沉沉。

係我最近嘅單一感覺。



鄭秀文《回到我身邊》

反正空虛　沒什麼想發生

屍橫遍野

每朝返工時行經嘅嗰條路都好多死曱甴。


究竟係有人咁得閒半夜落街殺死佢哋？

定係啲曱甴唔想家人傷心而死出街呢？


（為免讀者不安所以沒有相片提供）

草稿系列 (1) - 水仙

最近發現原來寫埋寫埋一大堆草稿未發佈。

呢篇係其中一篇。



菊花以外，我最鍾意嘅花香應該就係水仙了。
（舊文：沒有鳥語）


照片攝於農曆年。

《世紀戰疫》

成套戲得兩樣嘢令我印象深刻。

1/. 有響香港取景。

2/. 其中一句對白："Blogging isn't writing. It’s just graffiti with punctuation."

眼看手勿動

做 IT 少不免要四圍坐下同事啲位整電腦。


雖然我都八卦。

但我一向嘅原則都係齋望唔掂。

即使係有嘢阻住我。

我都會叫原來個同事幫我搬開。


最近我發現原來好多人都會手多多。

因為好多人埋我位問我嘢時都會順手搞下我啲嘢。

又或者隨手揭下我啲文件咁。


我唔明白啲人嘅呢啲習慣係點樣形成。

可能佢哋會覺得無傷大雅。

但我確實好唔鍾意。


遲早要響檯頭貼返個告示。

《請勿觸摸　面斥不雅》

悠然自得

好天氣。

都係攤響屋企涼冷氣。


睇套戲，打下機。

睇下電視上下網。

悠悠閒閒又一日。


最重要係。

一個人。

無人騷擾。


好多朋友都話我放假唔出街好嘥。

但我覺得我可以留響屋企休息一日做自己喜愛嘅事。

係好幸福至真。


咦？喂？

我幾時學識「感恩」架？

買豬肉搭舊靚豬骨

終於記得去搵返《SCHINDLER'S LIST（舒特拉的名單）》呢套戲嚟睇。

俾錢嘅時候店員作出一個溫馨提示。

「先生。單買呢套戲係 $189。
　如果你去搵埋有相同 label 嘅碟，就可以 2 for $269 喇。」

於是我繼續尋寶。

響一堆唔太揀得落手嘅選擇入面俾我搵到《SHUTTER ISLAND（不赦島）》。

雖然睇過但完全唔記得內容只記得當時睇完感覺唔錯。


一向唔識評論電影。

亦唔識分析導演手法探討劇本編法研究鏡頭分鏡之類。

對我嚟講只有好睇唔好睇，吸引唔吸引。

純個人感覺。


《舒特拉的名單》

做人嘅嘢，幫得就幫。

唔需要問回報。


《不赦島》

癲，可能真係俾清醒快樂。


一晚睇兩套戲雖然攰。

但確實好耐冇試過好似今晚咁過足戲癮。

找我

睇住自己近排嘅 BLOG 不禁問自己一句。

以往嘅「晶哥」去咗邊？


事緣係響 Facebook 見到有啲人講《盛女愛作戰》。

「妳想搵白馬王子？白馬王子都想搵白雪公主而唔係搵你。青蛙就有你份。」

「白馬王子幾時出現？通常咪等個公主死咗之後囉！」

諸如此類一大堆。


記得我以前都會有好多呢啲「絕核」嘅說話去挖苦人或挖苦自己。

但最近唔好話寫出嚟。

係連諗都冇諗過。


又諗起呢首歌。


梁漢文《找我》

我　走失了吧？
但是失落何地　誰人能回話

杜緻朗《去年的秘密》

又買書。

吸引我嘅係個作者。


作者簡介：

杜緻朗，華語電影編劇及《信報》專欄小說作家，2004 年畢業於城市大學創意媒體學院，多年來寫下不同類型題材的電影，被譽為其中一位最具話題性及創造力的女編劇。其中的作品有《霍元甲》、《不能說的秘密》、《殺人犯》、《江湖》…… 杜氏獨特的說故事手法和人性探討，更不時引起城中熱話。

2010 年杜氏跨越電影媒體，創作了以楊門女將為背景的一套美國連載動作漫畫 Widow Warriors。同年獲 Muse 雜誌頒發「文化大事件獎」，以及被 Hollywood Reporter 嘉許為「2010 Next Generation Asia」。

《去年的秘密》是她的首部原創小說。

重新認識 - 達明一派

我係屬於 達明一派 嗰個年代嘅聽眾。

但當年唔熱衷佢哋嘅音樂。


最近睇咗兩個有關達明一派嘅節目。

先叫做真正認識呢隊樂隊。

同時我亦發現雖然我唔係佢哋嘅 fans 但都識唔少佢哋嘅歌。

TVB - 達明一派排名不分先後音樂會

RTHK - 音樂動起來：第二集 愛情以外


到今時今日，我先領略到《繼續追尋》《忘記他是她》《天問》《今夜星光燦爛》等嘅歌詞意思。

到今時今日，佢哋當年嘅歌都仍然啱依家聽。

到今時今日，我先迷上達明一派。


一於撲飛睇達明一派演唱會以示支持。

《盛女愛作戰》

呢兩日同朋友、同事嘅話題好多時都離唔開ＴＶＢ個新節目。

《盛女愛作戰》


睇咗兩集。

我對嗰五位參加者嘅情況同遭遇不予置評。

反而覺得節目入面啲價值觀歪曲得幾好笑。

尤其係嗰啲所謂專家嘅理論同建議。

一句到尾都係啲為咗搵生意嘅花言巧語。


特別嘅係。

不少朋友、同事（男）睇過個節目之後都不約而同咁提議一齊去參加 speed dating.

當中不乏已經名草有主嘅男士。

話去玩下認識下朋友云云。


今日食晏遇著三個人撘我檯（兩男一女）。

個女嘅基本上由未坐低都已經開始口沬橫飛。

到坐低後就食咁耐講足咁耐未停過。

講講下又講到《盛女愛作戰》呢個節目。

三個人不斷講自己嘅「高見」同「妙計」。

最後個女士講咗呢段說話。

「我都認同有啲女人真係好難頂，把口講唔停嘅。
　有佢講就冇人講，又唔聽人解釋。
　唔好話你哋啲男人，連我係女人都頂唔順。」


我心諗。

「都算你有自知之明。
　好彩我唔識你。
　因為我真係頂你唔順。」

好得人驚

用樂高打造的宮崎駿卡通世界

古董

執嘢時發現呢啲古董。

先醒起原來屋企已經無錄影機同 cassette 機。

環遊世界

今個假期唔出門。

諗住睇《Departures》就當去咗旅行。

但結果係一集都冇睇到。

燒雞翼 我鍾意食

尋晚大風大雨雷電交加。

已經準備轉做「大食會」。

結果。

久違了嘅ＢＢＱ可如期舉行。

感謝上天！

鴛鴦

覺得出面啲茶餐廳溝得唔好飲。

於是試下自己溝。

結果當然唔駛審。

梗係唔好飲。

即使一生多出一根刺 沒有刺痛別要知

凡事都有兩面，甚至多面。

文字亦然。


經朋友分享下認識一首歌。

連續聽了數天，心情低落。


今天再細心咀嚼第二段歌詞。

卻令我想通然後豁然開朗。


多謝夕爺！




《不來也不去》

歌手：陳奕迅
作曲：C Y Kong
填詞：林夕
編曲：C Y Kong

揚帆時 人潮沒有你 我是我 和途人一起
停頓時 在你笑開的眼眉 望穿秋水之美
回程時 浪淘盡了你 任背影 長睡著不起
留下我 在糞土當中 翻檢背囊 直到拾回自己

掌心因此多出一根刺 沒有刺痛便懶知
就當共你 有舊情沒有往事

如煙 因給你遞過火 如火 卻也沒熔掉我
回望最初 當喪失是得著可不可
可痛若驪歌 樂如兒歌 像你沒來過 沒去過


誰同行 仍同樣結尾 血液裡 才遺傳悲喜
誰亦難 避過這一身客塵 但剛巧出於你
垂頭前 沒緣份喪氣 睡到醒 才站立得起
盲目過 便看到天機 反覆往來 又再做回自己

即使一生多出一根刺 沒有刺痛別要知
就當共你 有劇情沒有故事

如花 超生了沒有果 如果 過路能重踏過
就當最初 是碎步湖上可不可
不種下甚麼 摘來甚麼
像我沒來過 沒去過

安樂

舊年講過今年一定要預早拜山。

終於講得出做得到。

（舊文：下年請早）


比正日早兩個星期上去。

仲可以令連續好多年因為泊唔到車嘅老豆一齊去拜公公婆婆。

總算做好一個孝孫應該要做嘅事。


下年都要維持。

苦口良藥

終於頂唔順要屈服睇醫生。


因為俾咗錢。

所以順便將感冒以外嘅其他身體問題一次過問晒醫生。

感覺特別抵。


最重要，係求個安心。

發達秘笈

一個人到咗某一個年紀。

往後嘅日子食幾多著幾多都大致上定咗。

因為過去種咩因會直接影響將來得咩果。


所以如無意外我都冇咩機會會靠工作而發達。

咁就唯有努力買六合彩啦！

知易行難

要立志去積極發奮對我嚟講係一件頗難嘅事。

但原來要消極頹廢都唔係一件容易嘅事。


好又好唔到。

衰又衰唔晒。


點先可以埋沒良知？

愚己節

愚人節。

我都係人。


百無聊賴攤響屋企。

胡思亂想玩死自己。


太多事應該做但又唔想做。

太多嘢唔應該諗但偏偏不斷諗。


無聊到睇返自己過去一年寫嘅 BLOG.

先發現原來已經唔見咗原來嘅自己。


人生可以有好多意義。

但無意義算唔算係一種意義？


問題一日唔面對唔解決一日都係問題。

但個問題就係出喺唔面對唔解決呢個問題上面。



其實我唔係好知自己講緊乜．．．

小病不見得是福

感冒一星期。


無請病假。

皆因有要事做唔想不負責任及假手於人。

反正感冒唔死得人只會得返半條人命。


無睇醫生。

唔知點解近年病都唔鍾意去睇醫生。

可能係怕忽然間會驗出有頑疾或絕症之類。


中西合璧。

其實可能係咁樣食死。


病。

其實真係好辛苦。

尤其係當你身邊無一個人陪伴你嘅時候。

蘇格拉底

《史上最強哲學入門：解答你人生的疑惑》

蘇格拉底：無論如何都要結婚。如果你取了一個好妻子，你會很幸福。如果你取了一個糟糕的妻子，你會成為一名哲學家。

好過冇

朋友：Hi

我：yes

朋友：悶

我：哦


悶，先諗起我。

總好過，連悶，都諗我唔起。

《花千樹》

聽見人哋嘅電話鈴聲又識多首歌。


容祖兒《花千樹》

《錯過了》

估唔到睇《頭條新聞》都會識到新歌。

其實首歌都已經唔新。

只係我唔識。


吳若希《錯過了》

清倉

我有一鋪買書癮。

但買埋買埋又唔會睇。

（舊文：寧濫勿缺）


我決定由今日開始。

每晚臨瞓前都睇半個鐘頭書。


務求響今年內清晒放咗響書架上好耐已經封晒塵嘅書。


由呢本開始。

夢工場

發夢慘。

發同工作有關嘅夢就更慘。

尤其係響星期六到星期日之間。

因為瞓醒之後會發現仍然身在假期之中。

想做，又做唔到啲乜。

唔想做，但又成日記得。

那些年，我們班裡沒有女孩．．．

無錯。

我讀咗十二年男校。

所以當我尋晚睇《那些年，我們一起追的女孩》嘅時候。

確實冇咩大嘅共鳴。


但係咪對成套戲都冇感覺呢？

又唔係。

因為某啲片段同對白對談過戀愛嘅人嚟講。

聽完之後都會會心微笑。


整體嚟講，感覺良好。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

柯景騰：「沈佳宜只是比一般的女生還要再漂亮一點點而已」


柯景騰：「成長 最殘酷的部份就是
　　　　　女孩永遠比同年齡的男孩成熟
　　　　　女孩的成熟 沒有一個男孩招架得住」


柯景騰：「我本來就不喜歡念書啊！
　　　　　我是為了妳才念的耶～」


沈佳宜：「常常聽到人家說啊
　　　　　戀愛最美好的時候
　　　　　就是曖昧的時候
　　　　　等到真正在一起了
　　　　　很多感覺都會消失不見」


柯景騰：「那我就繼續幼稚下去囉」
沈佳宜：「一定要喔」

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我都想可以一直幼稚落去．．．

化石王老五

年過三十之後，條件好性格好的大部份都已名花／名草有主。


剩下的，不代表不好。

有些是「真的好」，有些是「以為自己很好」。


當一個「真的好」遇上一個「以為自己很好」時，情況不會太壞。

因為「真的好」那個也許能真的好到包容一切。

但當兩個也「以為自己很好」的人碰上時，就注定是一場困獸鬥。


一個「以為自己很好」的人，總在不知不覺間破壞著任何一段關係。


一個人孤孤單單，多是咎由自取。


我說我。

你叫我最快樂 你也叫我最心痛

今朝坐車時聽到呢首歌。

聽完之後我知道我已經放低了～



陳奕迅《抱擁這分鐘》

忘記了世界這分鐘　跌進了這愛的裂縫　
燃亮燭光　只管相擁
來佔據了這晚星空　捉緊一剎那的認同
如夢的將來　儘管一點不懂

完全明白是放縱　但是只得這刻可相信
未來又怕會　終於都撲空
你叫我最快樂　你也叫我最心痛　愛在迷惘中
你叫我最渴望　卻也叫我猜不中　誰可以這樣折衷

曾與你愛過卻匆匆　過去已有太多類同　
誰在心中　怎猜得準
能跌進這晚愛火中　彷彿一切已經共同
仍是不敢祈求　熱戀多一分鐘

完全明白是放縱　但是只得這刻可相信
未來又怕會　終於都撲空
你叫我最快樂　你也叫我最心痛　愛在迷惘中
你叫我最渴望　卻也叫我猜不中　誰可以這樣折衷
要說永遠愛吧　卻怕仍然未相信　永未能看通
要說這晚算吧　卻覺愛已經失控　寧願再繼續抱擁

Oh...　相擁...　心痛...

生而不活

晚上八點，你多數做緊咩？


尋晚八點由金鐘地鐵站過海時人頭擁擁。

今晚同一時間響北角地鐵站過海嘅情況亦係一樣。


睇得出好多人都係啱啱收工一臉倦容。

可能連晚飯都未食。

因為之後我響坑口地鐵站見到好多同車嘅人都排隊去買雞蛋仔、魚蛋、燒賣同特價壽司。


從某個角度睇生活響香港呢個繁榮嘅城市係一件幸福嘅事。

但卻正正係因為呢種繁榮而令到香港人生活響悲哀之中。


今晚，我忽然許咗個願。

我希望每個香港人都有得準時收工。

後天

由细開始我爸已經時常勸戒我。

「明日復明日，明日何其多。我生待明日，萬事成蹉跎。」


真係知我者，莫若父也。


就係咁，我蹉跎咗三十年。
（三歲之前一舊飯咁唔計啦！）


係因為我知道只要我一日未死我都不斷會有「明日」。

亦因為如果我「明日」就死，咁拖緊嘅事就更加唔駛做啦！


講緊嘅，主要係減肥。

同埋好多其他唔死得人嘅事。


《給十年後的我》改版歌詞

肚餓嗎？
你寧願吃得瘋狂而不清淡嗎？
別太遲　又十年後至減　太胖喇


p.s. The day after tomorrow = 後天 (by Google 翻譯)

動機未明

最近發現好多人，包括自己嘅或朋友嘅朋友／同事。

結咗婚之後都唔會戴住結婚戒指返工。

有男有女。


問佢哋「點解？」。

就只係好簡單咁答一句「唔想」。


有咩原因係會令一個人結咗婚但唔想俾人知？

值得研究一下。

好景不常

尋日終於有太陽。

曬住出一身汗嘅感覺真好。


可惜只限尋日。

今日又再天陰陰。

麥曦茵

第一次認識 麥曦茵 呢個名。

係舊年睇港台節目《女人多自在4》嘅第一集《幸褔的旁邊》。

好鍾意，感覺好好。

（重溫：《幸褔的旁邊》）


然後，就到《然後》（PopCorn 微電影首部曲）。

亦好鍾意。




之後，尋晚翻睇《前度》。

先知道原來亦係佢嘅作品。



最後，我響度諗。

如果我將來有機會做編劇或者導演。

我就係想要拍出呢類型嘅戲同埋感覺。

一場鬧劇

訓練「人」？

有朋友響 Facebook post 咗盒軟糖嘅相。

標題係「訓練海豚用之軟糖」。


有朋友問佢訓練咩海豚。

佢解釋係訓練屋企隻「海豚」，「訓練我個仔自己去廁所的獎勵」。


我睇到眼都突埋之後覆咗句。

「學自己去廁所唔需要獎勵下嘩？」


跟住無人回。


雖然我未做過人老豆。

但係我只響電視見過人訓練狗先會咁獎勵。


你話我講得過分我都係咁話。

卡住

家庭和睦共處甚少家嘈屋閉靜過鬼。


生活平淡收工返歸食飯睇電視睇戲打機間中打波。


準時開工準時收工唔會有加班。

人工短期內無得加亦無得減。

職無得升亦唔會燉冬菇。


感情生活一片空白。


就係咁「卡住」咗唔上唔落唔知點。


p.s. Stuck = 卡住 (by Google 翻譯)

骨牌效應

當心情不好，所有事都可以一下子被推倒。


心理狀況不穩定。

導致打籃球嚴重失準。


快樂的感覺，蘯然無存。

忘了忘不了

假設妳已經換了新的電話。

假設妳已經沒有再來看我的博客。

假設妳已經開始了新的生活。

假設妳已經認識了新的男友。

假設妳已經放下了我。

假設妳已經忘記了我。


這樣，或許我也真的可以重新振作。


騙不騙得了別人不重要。

最重要是騙得了自己．．．

頑強過曱甴

MP3機連耳筒響洗衣機度游咗次水。


之後部機開唔著但耳筒依然運作正常。

不過就好似出現咗左右兩邊音量唔平衡。


想買過部新嘅但唔係樣唔啱就係價錢唔啱。


跟住兩日之後無心插柳之下幫部機叉電。

點知著得返又聽得返。

但 random 功能就壞咗。


再多一日，連 random 功能都自動復原。

真神奇。


整定部機要跟我一世。

圓圈加一點

本以為自己冇乜天份畫畫。

點知原來都唔太差並且俾好多人好。


瘋狂咁畫咗幾日畫到抽筋之後已經冇乜癮。

因為啲字不斷重複我一日畫幾十次國旗、碧咸、的士、船等等。

加上有時對方未畫好我又已經估到。

更難頂嘅係等對方畫一大輪之後畫咗 pat 屎出嚟完全估唔到係咩。

動容

已經一個多月無睇愛情片。

盡量克制同避免。


今晚等睇波時無意中見到電影台播《不能說的﹒秘密》。


實在太鍾意呢套電影，欲罷不能地睇咗。


揀一套鍾意嘅愛情電影嚟重拾感覺。

未嘗唔係一件好事。


p.s. 問過好多男性朋友。

如果齋睇樣，會揀 桂綸鎂 定 曾愷玹。

十個有九個都係揀後者。

而我，係唯一嗰一個。


王菲《暗湧》

害怕悲劇重演　我的命中命中
越美麗的東西我越不可碰

學不來

路過一間開鎖舖見到有《工聯會業餘進修中心課程》於是拎嚟望望。

發現有啲課程都幾好笑。


例如：

直覺思考學（信直覺都仲要思考？）

盲派命理（係咪需要先自廢雙目？）

前世記憶講座（有冇下世投胎講座？）

氣色實戰班（女學員上課前請先落妝？）

男女大不同（宅男宅女必修科？）

談笑風生說話技巧-自嘲技巧（呢個我可以去教）

《霧之戀》甜蜜再體驗（譚詠麟？）

戀愛心理學（戀愛心理都有得學？）


如果係免費都有啲興趣去八卦下嘅。

笑下都好。

《戀愛起義》之「待續」

無意中響 Facebook 見到有人 share.


《戀愛起義》中我最鍾意嘅一段。

就係咁簡單

快樂的不二法門：任性。


想食就食，想瞓就瞓。

Weekday 夜夜都唔瞓，weekend 夜一夜先瞓晏一晏先起身。

睇波、睇波、再睇波。

打波、打波、再打波。

打機、打機、再打機。

聽歌、聽歌、再聽歌。

寫 Blog, 寫 Blog, 再寫 Blog.

汽水薯片雪糕、汽水薯片雪糕。

豐富午餐、豐富晚餐、唔食早餐。

準時開工準時收工，間中遲到早退。

堂唔上、書唔溫、試唔考．．．住。

唔諗過去、唔諗將來、更加唔諗現在。


咁就開心晒！

《找我》

梁漢文《找我》

我 有見過我吧 撞面於哪地 尚在調查
我 我走失了吧 但是失落何地 誰能回話

得 孤單會認得我 和沉默倆躺臥
日子給洗刷　思想給折磨
我願守在原地 再度找我

曾經 將一顆心埋在這地　殘留回憶獻技
這凶器 太鋒利 身心亦分離
留下傳記 無劇情講心死

你 你說你愛我吧 我會否接受 尚落力調查
我 走失了吧 但是失落何地 誰人能回話

請 收起這份牽掛 無能力接收下
沒空位擺放 簇新的愛情
某段失落情話 結下瘡疤

如果 將一顆心投入禁地 仍然埋首獻媚
這凶器 太鋒利 不適合嬉戲
留下傳記 由劇情講心死

尋覓自我傳記 隨劇情終枯死

天賦

朋友：你鍾唔鍾意你份工？

我：鍾意。日日都返得好 happy!

朋友：你可能係我識得嘅人入面唯一一個鍾意自己份工而亦返得開心嘅。


查實我都未聽過有人同我一樣鍾意自己份工。

每個人都總會有啲埋怨。


我有時都會覺得我係注定食ＩＴ呢行飯。

或者係注定打依家呢份工。

工作性質、時間、環境等等。

都好似係度身訂造。


講得誇少少嘅話。

我個腦似乎又特別叻去分析同解決電腦（或電器）問題。


相對地，當要去諗或處理其他嘢時則較為遲鈍。

呢個世界好公平嘅。

放開

究竟我有幾耐未笑過未開心過？

我最近不停問自己。


思前想後一大輪。

我終於知道我嘅不快樂根源出自邊度。


並唔係因為一啲人或者發生咗一啲事而令我唔開心。

罪魁禍首其實係我自己。


諗通之後嘗試去實踐。

結果我打咗一場既開心又痛快嘅籃球。


下一歩就要從日常生活裡著手。


我相我可以。

萍水相逢

她：我都唔明。點解我男朋友唔鍾意出席我同朋友嘅聚會？

我：有邊個想做焦點．．．

她：咁我啲朋友都有帶男朋友出席，佢哋可以傾偈架嘛。

我：男人唔同女人，比較難同同性陌生人忽然熟絡雞啄唔斷．．．

她：咁點解佢又唔帶我去見佢啲朋友丫？

我：為你著想唔想你面對同樣問題嘛．．．

她：原來係咁。咁點解你哋啲男人一啲都唔浪漫嘅？

我：唔係我哋唔想做，而係我哋唔識做．．．

她：好難咩？

我：難。而且好多時我哋攪盡腦汁去做一啲以為浪漫嘅嘢。
　　換嚟嘅就只係你哋一句：「咁咋？」．．．

她：哈哈！係呀！你同我男朋友都幾似。

我：係卦。你試下問下你男朋友佢係咪咁諗．．．

她：嘥氣啦！佢把口都撬唔開嘅。

我：你表現出你想聽，佢就會好似我咁暢所欲言．．．

她：你好理智。

我：係。有啲過份地理智．．．

她：你應該係一個要好多自由嘅人。

我：你又知．．．

她：估下啫。我同你都唔熟。

我：其實我哋係唔識．．．

---

有時對住一個陌生人。

可能會更容易打開心窗。

因為冇壓力、冇負擔、冇責任。

《那誰》

《那誰》

就算多悔咎　自責別太久

不要戀戀心裡　那個傷口

講咗等於無講

佢問：你對女仔化妝有咩睇法？

我答：唔介意。不過最好化咗好似冇化咁。

（舊文：自然美）

四年一閏

咁多年嚟只係認識到一位朋友響2月29號出世。

總覺得喺今日生日係一件好特別嘅事。

死亡倒數

假如我有80歲命．．．

K歌之王

戴返耳筒重新聽返歌嘅感覺真好．．．

系統還原

重新開始。

尋找遺失了的笑容。

雨點

替手機換個「鎖定時螢幕」。


不知何解。

很喜歡跟雨天有關的相片/圖片。


看了後，心境會平靜。

如果說分手是苦痛的起點

周杰倫《軌跡》

我會發著呆　然後忘記妳
接著緊緊閉上眼
想著那一天　會有人代替
讓我不再想念妳

我會發著呆　然後微微笑
接著緊緊閉上眼
又想了一遍　妳溫柔的臉
在我忘記之前

沒有歌 怎敢說心事

放低咗部 MP3 機一星期。

以為停聽頹歌個人嘅心情會好啲。

點知啲歌仍然響我腦內不斷播。

可能之前真係聽得太多。

入咗血。


聽返多啲身邊嘅聲音。

發覺呢個世界真係好嘈。

嘈到我每日都想拎返起個耳筒與世隔絕。


或者我應該順其自然唔好迫自己。

繼續聽歌繼續頹。

麻醉

需要工作。

越忙越好。

讓腦袋沒閒情去想東想西。


需要打籃球。

時間越長越好。

讓腦袋及身體疲累得只想休息不想其他。


需要睡眠。

越久越好。

讓自己失去知覺停止胡思亂想。



我每日都在問自己。

到底我的生活及心情何時才能重回正軌。


可惜，我並沒有答案．．．

心跳回憶

記得曾經因為買曲奇餅而跟她吵架。

之後我一直想找機會送她一盒曲奇希望令她開心。

可惜在還未實行到之前我們已經分開了。


今天，父母的朋友送了我們一份遲來的新年禮物。

偏偏，就是這家曲奇店的產品。


望著這罐曲奇黯然．．．

情感與理智

甚麼是對？

甚麼是錯？


甚麼是應該？

甚麼是不應該？


跟隨情感想做就去做？

還是想做但跟隨理智於是不做？


很迷惘．．．

人辦

睇住電視直播唐英年向傳媒交代僭建事件。

我終於知道咩男人先唔算係男人。


當我聽見唐英年講：建造地牢係太太嘅主意。

我知道，佢已經玩完。


缺失要出嚟，僭建又要出嚟。

唐英年的確娶咗個好老婆。

或者係其實到咗呢一個地步，唐太都冇得選擇。


回歸以來，我從未參與過遊行。

但若然唐英年順利當選特首。

我諗我都要行我嘅第一次。


望住電視我響度諗。

做事，我未必叻得過唐英年。

但做一個「男人」，我可能比佢好。


不過我都多謝唐英年。

因為佢令我笑足一日。

完了吧 如無意外 從今開始該好好戀愛

情人節前夕，我決定替剛過去的一段情劃上句號。

情人節當天，收到她的來電。

時間，又一次出現差錯。


問候、關心、溝通、了解。

不知不覺就談了一小時。

我跟她從來不乏話題。

也許是因為我話多。


她問我有想念她嗎？

我說有，我想念她的好，但也想起她的不好。

她問我有想跟她復合嗎？

我說我有想過，但我知道不應該。


也許只欠一點點的衝動，我們就可以再走在一起。

但就是因為我們以往的一點點衝動，才導致今天的結局。

所以，還是冷靜一點比較好。

因為我知道，我不能再承受多一次跟她離離合合。

因為我知道，再怎樣努力，結局還是會一樣。


失戀傷心，亦很傷身。


忽然想起 楊采妮 的一首歌。

雖然歌詞內容跟我的情況不盡相同。

但有些又很貼切。



《不想傷心多一次》

別了數十天　是你又來電
曾力拒仍心軟　亂了我的計算
事過也情癡　但你卻思念
無份卻彷彿總有緣　再三眷戀

逝去數十天　是那樣凌亂
仍面對人疏遠　就算愛不會變
或偶爾留戀　但我已很倦
曾度過精采的往年　卻不算短

不想傷心多一次願拋開憾事
我盼我可以領會自尊的定義
看我淚流未終止
仍共分開第一天相似
這樣你能否心感滿意

情人節情人

Beyond《情人》

盼望你沒有為我又再度暗中淌淚
我不想留低　你的心空虛
盼望你別再讓我像背負太深的罪
我的心如水　你不必痴醉

Woo... 你可知誰甘心歸去
你與我之間有誰

是緣是情是童真還是意外
有淚有罪有付出還有忍耐
是人是牆是寒冬藏在眼內
有日有夜有幻想無法等待

盼望我別去後會共你在遠方相聚
每一天望海每一天相對
盼望你現已沒有讓我別去的恐懼
我即使離開你的天空裡

多少春秋風雨改
多少崎嶇不奱愛
多少唏噓的你在人海

倒數開始

由這一分鐘開始計起春風秋雨間

限我對你以半年時間慢慢的心淡

惡夢

發咗一個奇怪嘅夢。


夢入面我返咗澳洲。

我老豆一個人過嚟探我。

響 Flinders Street Station 附近同佢失散咗兩次。

因為我老豆唔識英文，我擔心唔知佢會唔會出事。

我哭成淚人咁四圍搵佢。


然後我扎醒。

我記得朦朧間我摸過自己雙眼。

係乾嘅。

但嗰種傷感卻又跟隨到現實。


之後，我又瞓返．．．

慢性中毒

如果能夠嚎哭一場。

也許傷心可以走快一點。


像現在那樣心中慢慢淌淚。

也不知要折騰多久才能回復正常。

著起龍袍都唔似太子

一年一度嘅春茗，又要著恤衫西褲。

好憎。


我一向只鍾意著得簡簡單單舒舒服服。

一執正啲個 look 個人就自然變得拘謹。

但響呢啲場合著得唔好，又會俾人覺得唔尊重。


記得以前響澳洲讀書嘅日子。

身邊嘅外國人根本唔會靠衣裝去衡量你係一個點樣嘅人。


我始終比較鍾意無拘無束自由自在嘅生活。

蔡康永 微博轉載

戀愛時脫口而出的諾言,都是真心的,如同季節到時,樹梢結成的果實那麽真。

只是你也知道,果實從離樹的那一瞬,就開始快速的邁向過期,若沒能及時吃掉,再怎麽香的果,都會變得腐壞難聞。

所以啊,戀愛中的諾言,到後來常令我們難受,並不是因為它們當初就虛假,它們很真,只是過期了。

【康永-給未知戀人的愛情短信】

http://weibo.com/caikangyong

靈丹妙藥

契仔

以往契老豆一見到你

無論心情幾唔好

都會立即心情愉快笑逐顏開

但今日無論點陪你玩點陪你叫

我都只係識苦笑


希望下次再見面時

契老豆可以同你一樣天真地笑

走入愁牆愁更愁

我唔飲酒，所以無法「酒入愁腸」。

我只識用聽頹歌呢個方法嚟消愁。

用耳筒響自己四周築起一道圍牆。

感覺會安穩一點。


越來越佩服填詞人。

可以響短短幾分鐘裡面。

將歌詞「一刀插入你心」．．．

《會過去的》

《會過去的》

早知一定與你分手　最愛往往難以相廝守
愛過你之後　我怕沒然後
原來寂寞　沒有你的問候
用誰來平復也不夠　你似個最窩心的缺口

沒有這犧牲　怎可讓你我得救
每個劫數　時間會善後
以往那轟烈　漸漸會變溫柔
長年累月　就算你多念舊
明天一滴也不留
愛與痛　如昨夜喝的酒

從前共你講　不要分別　不要歸去
明明還流過一點眼淚
又再跟你相遇　跟你相對
為何完全已經能面對
最愛都會過去　都會散去
都會退去　既然難忘
為何連記得都太累
最痛都會過去　都會散去
都會退去　我們如何
仍然能活下去
往事　就像是一道橋
你我　會過去的　情懷不會倒退

得到過　什麼
也要放下　什麼
即使你與我　苦或甜　有幾多

失去　什麼
誰能留戀什麼　太多
當天你說你會最愛我　他朝好好想清楚
只怕沒那麼多

從前共你講　不要分別　不要歸去
明明還流過一點眼淚
又再跟你相遇　跟你相對
為何完全已經能面對
最愛都會過去　都會散去
都會退去　既然難忘
為何連記得都太累
最痛都會過去　都會散去
都會退去　我們如何
仍然能活下去
往事　就像是一道橋
你與我　會過去的　情懷不會倒退

愛與恨　就像列車夜行
過去　會過去的
當天　你與我怎樣重視過誰和誰
在年月快線裡　都給壓碎

《擇日失戀》

《擇日失戀》

歌手：吳浩康

作曲：林健華
填詞：黃偉文
編曲：周初晨

無暇抱怨 無暇悼念 日子兵慌馬亂
擇日失眠 亦別要揀這三數天
為何你會 前來道別 是否一種考驗
擇日再講 但願你當作行善

別叫我工作裏顯出了弱點
同僚問起 我幹嗎這麼黑臉

# 假使你也方便 選一週最後那天
不想與我糾纏 也懇請撐到那天 woo hoo
因今天 恐怕要 工作到 特別夜 沒法見
想哭兩秒都怕要到深宵三點
才能抽空心酸

何時歎氣 何時落淚 如若得真太亂
現在很忙 擇日再失戀兼訴冤
為何發覺 從來都未 約好終點出現
熱淚間中 滴在那報告前面
別要我工作裏顯出那弱點
同僚望到我眼淺該怎麼算 #

何日何地 情盡情斷 亦得好好生存
就怕淚腺 突發叛變 要扮作下去 抽一口煙

崩潰我有經驗 選一週最後那天
得不到你可憐 也得到休假半天 woo woh

這幾天 恐怕要 工作到 特別夜 沒法轉
想哭兩秒都怕要到深宵三點
才能抽空心酸

講分手要在哪天? woo
我都需要預約先
這幾天 恐怕要 工作到 特別夜 沒法轉
想哭兩秒都怕要到深宵三點
行刑可否改天?

抬頭吧 相信愛你便能飛

陳奕迅《今日》

今日事情如不順　今日問題如不盡
像處圈中圈　了斷也了不斷
若今日你倦了頹然哭　容許我送贈暖
准我漫漫長路末端亦如初戀

當日熱情燃不盡　今日熱情仍不盡
就算怎都好　你願我更加願
共跨盡冷及暖甜和酸　才可以算是共存
能共患難才是認真的有緣

抬頭吧　相信愛你便能飛
敢交出你會創出傳奇
變幻人生是避無可避
卻沒人可驅使愛別離（這份情愛卻永不會死）

抬頭吧　黑暗過會是晨曦
懷著樂觀總有轉機
今天珍惜今天　逢凝望我心所愛的你
我已彷彿會飛（能敖翔天和地）

我已彷彿會飛　你眼睛牽我飛

今日像明日一樣　今日任何日一樣
就算怎辛酸　愛護你我甘願
沒揀擇冷或暖甜和酸　晴天雨季缺或圓
全部受落才是活得真正全

抬頭吧　相信愛你便能飛
敢交出你會創出傳奇
變幻人生是避無可避
卻沒人可驅使愛別離（這份情愛卻永不會死）

抬頭吧　黑暗過會是晨曦
懷著樂觀總有轉機
今天珍惜今天　逢凝望我心所愛的你
我已彷彿會飛（能敖翔天和地）

我已彷彿會飛　你眼睛牽我飛

初一

隨住年紀漸長，農曆年成為我最鍾意嘅節日。


以前，會因為怕人多怕見人而唔鍾意新年。

近年，會因為一家人仲可以齊齊整整坐埋一齊食餐飯而感到開心。

仲要一日食兩餐，傾偈可以笑到喊。。


快樂，其實可以好簡單。

唔老黎

前幾日公司有兩個茂利負責佈置 office 到處貼揮春。

茂利甲問我想要邊款，我話要「百無禁忌」。

結果茂利乙響我檯頭貼咗張「萬事如意」。


自此，諸事不順咗幾日。

於是，我谷鬼氣搣咗佢。


之後順返晒。

你都咪話唔邪！

懶醒

跟妳言歸於好。


妳說：贈你八個字。


（我想：精誠所至、金石為開？）


妳說：早知今日，何必當初。


我：．．．．．．

凡夫

一個人，很簡單。

兩個人，就變得複雜。


我希望所有事都簡簡單單。

簡單得甚麼也不用太複雜。


我希望我可以簡簡單單的活。

思想簡單，行為簡單。


簡單點說。

就是不需用腦。

隨心而行。


若真能做到這樣。

其實已經不簡單。

沒有兩全其美

我為重拾自我而感到高興。

但同時卻又因失去了妳而不快樂．．．

潛意識

人嘅腦有時好討厭。

討厭在經常響唔恰當嘅時候浮現出一啲好適當嘅記憶。


就好似呢兩日我忽然間醒起有呢首歌．．．


楊千嬅《ＭＲ》

為何除掉那顆痣 又拼命買新的襯衣
不須要故意著緊 自動每天call幾次

要是環遊全宇宙 總有個更加好
但你令我超級快樂

請你必須要有自信
你現有一切 無謂變動

不必加班去贈我鈔票 不必溫書去入劍橋
不必飛車去讓我心跳 毫不重要

你想我喜歡你 甚麼也別要改
從來無人嫌你這樣 你這樣才像你

誰曾拿著你講笑 話你用處真的太少
可想過你那弱點 就是我剛剛想要

要是求財雄勢大 總有個更加好
但你令我超級快樂

雖說他長相那樣美
你別太小器 隨便退避

不必加班去贈我鈔票 不必溫書去入劍橋
不必飛車去讓我心跳 毫不重要

你想我喜歡你 甚麼也別要改
從來無人嫌你這樣 你這樣才像你

不必加班去贈我鈔票 不必溫書去入劍橋
不必飛車去讓我心跳 毫不重要

已經夠喜歡你 甚麼也沒缺少
從來無人嫌你這樣 你這樣才像你

怕你變了 尋遍世上 再也沒人像你

2012/01/01

2012年的日出。

這個每早也看到的畫面。

這個早已沒有甚麼感覺的風景。

從今天起再次變得很美。

懂得重新欣賞這一幕。

全因身邊有妳一同分享。

未來的一年，將會是美好的、幸福的一年。

一切很美只因有妳。

貳零壹壹

回想二零一一的首十個月，家庭、愛情、事業等都好像沒有甚麼特別的事發生過。

若然把 BLOG 重看一遍，也許總能找到一兩件事值得重提。

但又確實沒有這個必要。


今年內最精彩的，全都發生在最後兩個月。


事業方面，獲得了一個晉升的機會。

正所謂「出得嚟行預咗要還」。

所有的工作也像堆在最後的兩個月才出現。

以往清閒得可以全職寫 BLOG 的日子一下子消失了。

忙得連坐下喝一口水的時間也沒有。

人雖然忙，但忙得快樂。

日子，變得有意義。


愛情，遇上了「命中注定」的那一位。

怎也沒想到，會在這裡認識了這麼重要的一個人。

十一月相識，十二月開始。

然後在短短的一個月內，經歷了悲歡離合。

最終也因為相愛而再走在一起守得雲開。

那種喜悅，是從未有過的強烈。

妳的出現，為我那黑白灰的世界帶來一度彩虹。

日子，變得不一樣。


人生，終於不枉過。

平安平安夜

上年的平安夜怎麼過？

忘記了。

應該是待在家打機看戲吧。

感覺很不安。


今年的平安夜怎麼過？

也是待在家。

感覺很平安。


心境平靜。

是因為心靈富足。


過去兩星期，忙得抖不過氣。

但應該是二零一一年裡最快樂的兩個星期。


愛情，跨過了兩度難關，正處於最甜蜜的時期。

工作，經過一年的努力，終於有點成績和收穫。


雖然疲倦得已經忘記了甚麼叫疲倦。

但人卻不想停下來。

只想繼續前進。


蜜運中的人，總會變得不一樣。

就如我。


有了妳，世界真的變得很美！

唔得閒死亦唔得閒病

BLOG 主未死。

即將更新。


- 完 -

我，不是好人．．．

《我不是好人》

歌手：側田

作曲：側田
填詞：黃偉文
編曲：Ted Lo
監製：雷頌德

明天　一早　待夢境都散去
王子　公主　還原普通愛侶
餘生　都想一起　然而我卻心虛
怕破綻　會給檢舉

擔心我　待你好　未夠好
熱戀真面目　遲來一步
經已求完美　難像你要的好

我未夠好　你別投訴
來日我試試　可否給你更好
平庸像我正在苦惱　當我不足給你找到
我怎麼好 You are so beautiful

明知　高攀　實在攀不到老
查找　不足　重頭修改配套
誰怕　完全轉性　若你說我就做
但最後　難保　週到
擔心我　待你好　未夠好
熱戀真面目遲來一步
經已求完美　難像你要的好

我未夠好　你別投訴
明白到似你　應該得到更好
平庸像我已甚苦惱　怎去改
使你的今生更好　不要灰心得太早
我未夠好　你別投訴

如留住我　繼續效勞
定有天抵銷得到
就怕分手之後　那日還未到

我，不好愛．．．

貼切得可怕．．．

《我不好愛》

歌手：陳奕迅
作曲：Eric Kwok
填詞：黃偉文
編曲：Billy Chan

不好愛　已經造成不少傷害
別再忍耐　病情這麼危殆
沒幾多　奇蹟可昐待
在世間　千萬人　億萬人
有一些人卻　實在不適合被寵愛

你　又美麗　又偉大　又這麼慷慨
我　被厚待　亦相當意外
給　你寵愛　這戀愛　結果倒下來
大概只是　我不好愛

我　又憤怒　又脆弱　固執不會改
怕　被冷落　卻不肯接待
給　你寵愛　這戀愛　愛不出未來
大概都是　我不好愛

不好愛　太多問題假裝不在
沒處不在　事情的不完美
是超出　受得起以外
就算你　吞下來　忍下來
有一些人卻　永遠不適合被深愛

你　又美麗　又偉大　又這麼慷慨
我　被厚待　亦相當意外
給　你寵愛　這戀愛　結果倒下來
大概只是　我不好愛

我　又憤怒　又脆弱　愛都不敢愛
怕　被冷落　卻不肯接待
當　你跟我　有一個　那麼不易愛
得你一人　越來越可愛

世界會變得很美

世界會變得很美

「請注意，入閘後及車廂內，嚴禁飲食。」

「你死咗就唔駛再阻住個地球轉」

自作自受

對你殘忍。

即是折磨我自己。

吽

越來越唔願起身返工。

唔係因為我唔鍾意我份工。

而係好多時返到公司之後都冇嘢做。


一日隨時齋坐８個半鐘。

真係唔易頂。


坐到呆呆滯滯。

到有嘢做時又已經呆到唔想做。


快快手手搞掂咩。

之後又係坐。


打算睇本書咩。

又會有啲茂利走埋嚟。


打算專心寫下 blog 咩。

又會有 call 打斷我思路。


打算出去行下咩。

一行出去就收 call 返轉頭。

甚至乎會響街撞到同事。

黑仔。


唯有繼續坐響度不斷 F5 Facebook, Blogger 同 Yahoo 即時新聞．．．

有咩分別

不是世界放棄我。

而是我放棄這個世界。