16 3月, 2006

高登死 server

高登前晚至尋日死 server,好似係,時間我唔肯定。

以前每次高登死 server,我 icq 總會收到十零廿個 message,例如:『高登死o左?』、『高登咩事?』、『你上唔上到高登?』等等。之後無論我答乜o野,o的人都會質問我高登出事原因,如果我答唔知,佢o地就會覺得我刻意隱瞞事實,當正我係高登 admin 好似乜都會知一樣,吹脹。


到o左依家情況終於有所改變,o的人再唔會問我高登係咪死o左、高登發生咩事;可能係因為晶哥已經好少o係高登蒲頭,又可能係因為我已經冇咁常開 icq & msn。

無論因為邊個原因都好,我都樂得『耳根清靜』。

有時,被人遺忘絕對係一件好事。