02 May, 2007

讀書與工作

自從開始工作之後,真係你搵支鎗指住我個頭我都唔願再讀書。

讀書同工作o既最大分別係,放學之後仲有大把手尾跟,又要做功課,又要溫習,又要考試,成日心掛掛,連週末都冇得輕輕鬆鬆,何況我唔係一個有興趣讀書兼勤力o既學生,更痛苦。

依家放工之後拍拍籮柚就走,乜都唔係卦,輕鬆自在。

雖然讀書時可以有較多o既私人時間,但我寧願要朝九晚五過後連埋週末o既自由時間。

私人時間多但冇自由,等同坐監。

讀書有知識入腦,但唔包你搵到錢,知識再多,但冇飯開,都係餓死。

反而工作後有錢入袋比較來得實際同有安全感。

可能,我比較膚淺。