以往,幾乎由出街嗰一刻開始,只要係室外地方,我都會帶住 headphone 聽歌。
將音量較到聽唔到其他嘅聲音,與世隔絕。
雖然某程度上我已經唔將自己放響一個箱入面生活。
但有時我仍然鍾意困住自己嘅思緒,建立一個得自己嘅世界。
最近,因為唔記得帶 MP3 機,又或者係因為無電,所以聽多咗呢個世界嘅聲音。
或者叫做嘈音。
原來都幾有趣。
係啲人嘅對話好有趣。
不過我仍然比較鍾意我嘅音樂。
忽然記起幾年前 903 有個廣播劇叫《來不及聽你說愛我》
陳奕迅 + 楊千嬅,講一個失聰嘅人。
我有時都會諗,如果有一日我聾咗,無咗音樂,我嘅世界會變成點...