01 10月, 2011

唔好意思無你份

甚少論政治,但不吐不快。


嗰個「巴斯光年」職都已經辭咗,仲日日響度講咩「考慮、考慮、考慮」。

煩x死人。

夠薑考慮完唔好選丫笨!


嗰個「奸樣」又係一樣,日日流晒口水咁大鑼大鼓話要選。

唔該去整整容整甩個「大陸樣」先,因為你額頭鑿住「親中」兩隻字。


嗰個「范婦人」都唔好得幾多,得閒無事就出嚟廢噏。

一副隔岸觀火坐定笠六嘅死款。

唔好俾我批中佢一定出嚟選。


我老豆話:「咁多個疑似候選人得『掃帚頭』最好,呢個人真係做嘢。如果佢出嚟選,我即刻登記做選民投佢一票。」

我回:「亞王生,唔好意思無你份呀!你唔係嗰百二人。你等2017啦。」

玩晒

咩叫「玩晒」?

由 普京 同 梅德韋杰夫 兩條友親身演繹。