03 6月, 2006

啪制

呢排訓得幾好,閒閒o地都訓十至十一個鐘,可能係因為天氣凍o既關係,唔願離開暖笠笠o既被竇。

前排病入膏肓o既時候就真係訓得好差,再之前都經常訓得唔好。

我唔係一個好鍾意訓覺o既人,亦唔係一個唔需要訓覺o既人;但每次訓唔到覺o既時候我都會好苦惱。

每次o係床上面訓唔著輾轉反側o既時候我就會諗,點解人入睡唔可以好似同熄燈一樣,一啪個制就掂;簡單快捷。

我真係好希望將來可以有人發明到一個令人入睡o既『啪制』。

〝啪〞...Z ... z ... Z ... z ...