22 6月, 2012

擘大眼講大話

香港嘅核心價值。

大慨已經變為「擘大眼講大話」。


何止高官。

平民百姓亦然。


公司被 audit, 全天候由上至下努力「做假」。

無論係平時漏做或根本冇人知要做嘅嘢。

都要響短時間內「做返齊」。


問:呢樣有冇做?(應該要做嘅)

答:有!(斬釘截鐵)

問:幾時開始做?(被懷疑係補飛完成)

答:一向都咁做!有記錄!(斬釘截鐵)

問:呢樣又有冇做?(唔應該做嘅)

答:冇!肯定冇!(更斬釘截鐵)


老豆自細教落。

做人要行得正企得正。

唔好做虧心事。


做嘢辛苦我唔怕。

辛苦在要講大話。


違背良心。

對我嚟講係一件最痛苦嘅事。


我真係好想知。

究竟啲高官係咪每晚都可以瞓得好。