早幾日又有一位長輩中風入院。
手術後仍未甦醒,情況並不樂觀。
當我聽到呢個消息嘅時候。
確實沒有太大嘅反應或感覺。
唔知由幾時開始。
唔知因咩事導致。
或者係因為近年已經開始不斷面對。
所以對於身邊嘅人可能有生命危險或者離開。
我嘅情緒都唔會有太大嘅起伏。
「生亦何歡 死亦何哀」
我唔知呢啲係咪叫「大徹大悟」。
我只係覺得。
人終須一死,只差遲定早。
離開咗嗰個都應該唔想見到我哋因佢嘅離去而愁眉苦臉吧。