31 12月, 2006

29 12月, 2006

2006 年睇o左o既電影一覽

華語電影:
《妄想》《黑拳》《寶貝計劃》《夜宴》《大丈夫 2》《戀愛初歌》
《黑白道》《我要成名》《狗咬狗》《龍虎門》《新紮師妹 3》
《四大天王》《血戰到底》《左麟右李之我愛醫家人》
《黑社會 2 以和為貴》《至尊無賴》《伊莎貝拉》《獨家試愛》
《打雀英雄傳》《天生一對》《野蠻秘笈》《超班寶寶》《犀照》
《春田花花同學會》《最愛女人購物狂》《霍元甲》《情義我心知》
《無極》《情癲大聖》《龍兄鳳弟 (上集)》《龍兄鳳弟 (下集)》
《如果.愛》《妃子笑》《雀聖 2 - 自摸天后》《黑社會》
《最好的時光》《猛龍》

外語電影:
《雛菊》《我和我的女友》《我老婆係大佬 2 - 再戰江湖》
《The Emperor's Journey 小企鵝大長征》
《Snake On A Plane 毒蛇嚇機》 《 Lady in the Water 禍水》
《Pirates of the Caribbean: Dead Man's Chest

 加勒比海盜:決戰魔盜王》
《My Super Ex-Girlfriend 超女.強勢回歸》
《The Shaggy Dog 好狗先生》《The Lake House 情流戀屋》
《Miami Vice 邁阿密風暴》《Click 命運自選台》
《Lucky Number Slevin 七殺令》《Little Man 我個仔係大佬》
《Superman Returns 超人 - 強戰回歸》 《Syriana 油激暗戰》
《Mission: Impossible III 職業特工隊 III》
《The Legend of Zorro 黑俠梭羅Z 傳奇》《United 93 聯合 93》

《Over the Hedge 4條腿拯救隊》《Monster House 魔怪屋》
《The Fast And The Furious: Tokyo Drift 狂野極速 : 飄移東京》
《The Da Vinci Code 達文西密碼》《The break-up 拆夥情緣》
《X-Men : The Last Stand 變種特攻:兩極爭霸》
《Match Point 迷失決勝分》《Scary Movie 4 搞乜鬼終極奪命雜作》
《Poseidon 海神號》《Take the Lead 舞.出色》《Crash 撞車》
《16 Blocks 衝擊封鎖線》《Runway Vacation 我愛旅遊爸》
《Basic Instinct 1 本能 1》《Basic Instinct 2 本能 2》
《Real: The Movie 皇馬傳奇》《She's The Man 球愛可人兒》
《Final Destination 死神來了》《Final Destination 2 死神又來了》
《Final Destination 3 死神再3來了》《Inside Man 案內人》
《Date Movie 搞乜鬼愛情爛片王》《The Weather Man 氣象人生》
《V for Vendetta V 煞》《North Country 對抗性侵犯》
《Eight Below 極地雪犬》《Ultraviolet 紫光元素》

《Firewall 銅牆火壁》《The Pink Panther 傻豹遇著烏 Sir Sir》
《Underworld: Evolution 妖夜尋狼之魔間叛徒》
《Keeping Mum 戇豆撞正女殺手》《Munich 慕尼黑》
《Big Momma's House 2 BIG 爆任務 2》《Rumor Has It 談情誘愛》
《Transporter 2 換命快遞 2》《Brokeback Mountain 斷背山》
《Derailed 出軌》《Pride and Prejudice 傲慢與偏見》
《Fun with Dick and Jane 賊壇新人王》《Jarhead 平頭日記》
《King Kong》《Prime 隔著阿媽說愛妳》《Goal 一球成名》
《Wedding Crashers 冒牌伴郎生擒姊妹團》《Red Eye 長途嚇機》
《The Constant Gardener 無國界追兇》《Four Brothers 同仇殺機》
《Doom 毀滅戰士》《The Cave 驚心洞嚇》《Flight Plan 高凶三萬尺》
《Creep 地下劫》《Paparazzi 狙殺狗仔隊》《Island 謊島叛變》


應該仲有,不過唔記得咁多。

28 12月, 2006

27 12月, 2006

網絡癱瘓

由於地震o既關係,導致多個地區互聯網網絡癱瘓。

一下子上唔到網其實都幾恐怖。

要做o既o野做唔到,要搵o既o野搵唔到。

網絡緩慢已經咁麻煩,如果依家忽然冇o左互聯網,呢個世界都唔知會變成點...

26 12月, 2006

地震,幾時世界末日?

以前有幾何聽見地震會影響香港?

以前有幾何會響香港感受到地震?

全世界天氣反常,香港冬天唔再凍,澳洲夏天會落雪,以往乾旱o既地方依家會有水災,以往雨水充足o既地方依家長年乾旱,全球颱風颶風異常頻密兼強勁,嚴重o既天災更係越來越多,仲有好多天氣異變多到數都數唔晒。

恐怕世界末日已經離我o地不遠...

父母的話

人越大,才會越相信父母o既話。

以前那些左耳入右耳出或被視作耳邊風o既肺腑之言,依家每逢遇到某些事尤其撞板之後都會響腦中再次浮現。


經驗之談永遠最受用,如果肯聽o既話...

24 12月, 2006

聖誕快樂不快樂?!

沒有不快樂,所以快樂。

冇出街。

同已經冇聯絡兩年o既 Homestay mother 再聯絡番。

晚餐係 沙律 + 牛扒。

在家千日好。

平安夜平安不平安?

平安,因為冇出街。

有一位朋友由 Canberra 落o左o黎 Melbourne,中午時上o左o黎我度見見面吹吹水短聚幾小時。

夜晚整o左碟『豬頸肉炒蒜心』。

睇o左套『Snake on the plane』,比預期同口碑中好,雖然都係爛。

冇慶祝、冇禮物,兩口子一如以往簡簡單單平平安安渡過平安夜。

下年響香港過,應該會好唔同。

23 12月, 2006

把握﹙二﹚

星期一見到一間連鎖式文具店請人。

今日出街時順路經過於是入去望望睇下仲有冇機會。

可惜應徵個牌經已移走。

又冇行...

22 12月, 2006

冬至

今日響 Richmond 買 '食送' o既時候聽見一個大嬸話:『今日 "冬至",特別多人買 '食送'』。

一言驚醒;如果唔係遇到呢個大嬸,我都醒唔起今日『做冬』。

響澳洲生活,好多時都會遺忘o左呢o的傳統o野。

『冬至大過年』,以前響香港o既時候一定會成家人一齊『做節』,食餐豐富o既。

o黎到澳洲之後,過往o個幾年o係我記得o既情況之下我都會響呢日食好o的,『做節』嘛。

不過今年就冇特別食好o的,食 『午餐肉炒蛋 + 蠔油通菜 + 白飯』,簡簡單單而且份量少,因為要控制自己,要修身。

留 quota 等下年響香港『做節』時至瘋狂勁食,哈哈。

20 12月, 2006

低處未算低

響澳洲o既呢幾年,自信心數值一直向下調,兼且每況愈下,直達谷底,隨時有機會跌穿零而出現負數...

普通不過的不普通失落

錯失了一次看似普通不過o既機會去應徵一份看似普通不過o既工。

一切看似普通不過,但影響卻是想像中之大。

失落,兼悶悶不樂。

失落,並非因為錯失了這份工。

失落,是因為再一次像自揭瘡疤一樣看清及面對自己的缺點兼弱點。

18 12月, 2006

把握

屋企附近有間 supermarket。

o係過去o既一年,呢間 supermarket 好似都請過兩、三次 part-time,要 submit resume。

每次我都冇 apply,每次我都搵藉口唔 apply,每次我都話佢下次請人我一定 apply,每次都冇...

尋日又見到呢間 supermarket 請人,又係 part-time,冇話要 resume,apply inside。

猶疑o左一陣之下冇入去 apply,之後返到屋企,決定先寫好 resume 以表誠意,今日去 apply。

結果今日去到,請人張紙冇o左,入去一問,原來尋日已經請晒人。

經理好人,收o左我份 resume 話下次請人會優先考慮我,但願如此。



如果尋日當我見到請人時即刻行入去...

可惜,呢個世界冇得『如果』,只好怪自己冇把握機會。

人跡罕至

由於前排甚少 update 個 blog,荒廢o左一段時間之下導至依家人跡罕至。

正常o既...正常o既...

17 12月, 2006

肥胖的原因﹙一﹚

每日一罐...

16 12月, 2006

終極目標!!!

減肥的終極目標!!!



純粹搞笑,邊有可能...

15 12月, 2006

真係...要減了

今日換衫出街o既時候,駭然發現我個肚腩已經大到連自己都開始接受唔到o既地步。

似乎...真係...要減了...

減肥...好慘...

13 12月, 2006

墨爾本 煙霧瀰漫

煙霧瀰漫,一陣味,好臭,連呼吸都辛苦。


澳洲山林大火未受控制
(星島) 12月 07日 星期四 02:21PM

澳洲出動近二千名消防員,但仍然未能夠控制維多利亞省的山林大火,未來幾日乾燥炎熱,加上強風,山火還會惡化。火場面積超過六萬公頃,當局出動超過一千八百名消防員及直升機灌救,軍方亦加入灌救,但火勢仍然未受到控制。澳洲已經向紐西蘭要求增援。當局表示,未來幾日的氣溫預計會上升至攝氏40度,加上強風,相信火勢會進一步加劇,至少有一個城鎮受到即時威脅。目前已經有四間房屋焚毀,未有人傷亡。

澳洲山火蔓延

(明報) 12月 10日 星期日 05:05AM

【明報專訊】澳洲維多利亞省的山林大火繼續蔓延,各地出現至少40處火頭,燒?至少18萬公頃林木。當局派出逾3000名消防員灌救,直升機亦不斷向火場灑水。圖為維多利亞省維特菲爾德山林冒出大量 濃煙,當局要封鎖附近道路方便撲救。

澳洲70年最大山火 濃煙罩墨爾本
(明報) 12月 11日 星期一 05:05AM

【明報專訊】澳洲持續乾旱,出現70年來最嚴重山火。南部維多利亞省火勢猛烈,濃煙籠罩墨爾本上空,影響航班升降,數處火頭還可能匯合一起形成「超級巨火」,當局呼籲呼吸系統有毛病者留在屋內 。與此同時,飽受旱情困擾的農民生活困迫,自殺率持續增加。澳洲當局周日出動超過3500名消防員撲滅多處山火,但風乘火勢,加上久旱高溫令大火不斷蔓延。

當局籲有呼吸病者留室內
這是澳洲東南部53年來最酷熱的12月,第二大城市墨爾本的氣溫更高達42.1℃。消防局表示,維多利亞省有14宗山火,主要發生在東北部山林區,燒?20萬公頃土地,並有火舌匯合成單一巨火的趨勢。熊熊烈火令墨爾本被煙霧籠罩,瀰漫幾百公里。一些客機因而延誤升降或停飛,澳洲航空公司(Qantas)由墨爾本啟程的航班延誤1小時,一架由悉尼往墨爾本的內陸機則轉飛首都堪培拉。醫療機關呼籲呼吸系統有問題人士應留在室內。


環境部發言人奧德警告,大火會威脅民居。附近居民紛紛準備撲火,或收拾細軟逃離。日爾曼敦一名村民表示﹕「我們準備了桶和水喉對抗,誓要保衛家園。」

維多利亞省長布拉克斯將今次山火危機,跟1939年導致71人死亡的「黑色星期五」火災相提並論。他表示,儘管目前未有人命傷亡,但仍存在極大危機。「未來兩周我們要時刻提高警覺,希望火勢逼近時能保護各社區。」周日清晨的閃電引發墨爾本市郊多宗山火,布拉克斯同時亦譴責縱火者令局面更顯嚴峻。

澳洲東南部山火燃燒仍未撲熄

(星島) 12月 11日 星期一 03:02PM

在澳洲東南部發生的山火燃燒多日,仍未撲熄。 多處山頭火光熊熊,燒毀約二十五萬公頃的林木,幾千名消防員連夜灌救。氣溫稍為下降,救火比較順利,但有專家擔心山火遲遲未撲熄,會令氣溫上升和減低降雨量。 近年澳洲經常在夏天發生山火,去年一月在南部的山火,造成九人死亡。

澳洲東南部山火蔓延至三個州
(星島) 12月 12日 星期二 02:54PM

澳洲東南部的山火燒了超過十日,仍然未受到控制,山火已蔓延至三個州。在塔斯馬尼亞,消防員通宵救火,但強風達到每小時100公里,令到火勢迅速蔓延。山火至少燒毀十八間房屋,通訊系統受到破壞。在新南威爾士,閃電加上乾燥的天氣,令灌救非常困難,一名消防員在救火時受傷。當局已經疏散火場附近的大部分居民,但有人仍然拒絕離去。至於維多利亞的火場亦進一步擴大,火龍伸延至240公里。專家擔心,高溫加上未有下雨,會令火勢進一步蔓延。



搵 $ 與 駛 $

睇完 大王 同 亞蟬 個 blog,我搵到我『搵 $』o既動力 —『駛 $』。

唔搵,邊有得駛?
唔駛,邊駛搵?

『儲 $』?
我本字典冇呢個詞語。

11 12月, 2006

10 12月, 2006

想寫

返學o既日子,每日都一樣,冇乜特別。

唔駛返學o既日子,更加係每日都一樣,更加倒模,食痾玩訓,更加冇乜特別。

想寫,但冇o野寫。

就好似,想死,但死唔去咁。

不過我冇想死。

05 12月, 2006

失策

失策,買唔到 Australian Open 2007 o既飛...

仲諗住離開澳洲前去現場感受下網球比賽o既氣氛。


因為如果 07 年唔去,都唔知幾時先再有機會。

30 11月, 2006

放假

由今日起,放暑假兩個月!

17 11月, 2006

【更改日期】晶哥電台錄音將會停止提供下載

【更改日期】

《晶哥電台錄音下載》將於十一月二十號開始停止提供下載!

15 11月, 2006

【取消】有冇人想租 web-hosting?

【取消】

有冇人想租 web-hosting?

約 US$1/month (webspace 100MB, bandwidth 2000MB)

聯絡:晶哥

icq: 3716974
msn: jinggor@iinet.net.au

03 11月, 2006

20 10月, 2006

08 10月, 2006

Scarlett Johansson

由睇完《Lost in Translation》開始,就鍾意o左 Scarlett Johansson;
之後睇過《In Good Company》、《The Island》,
依家等緊《Match Point》正版碟同埋《Scoop》上畫。

講靚,佢唔算好靚o個隻,荷里活大把女明星靚過佢;
講氣質,佢又唔算好有氣質o個隻,荷里活大把女明星有氣質過佢;
講演技,佢亦都唔算好好,荷里活大把女演員好演技過佢;
但係偏偏我最鍾意就係佢。

合眼緣呢樣o野,係冇得解釋o既。


   





04 10月, 2006

未婚爸爸

最近好想做老豆,唔係好肯定點解。

可能係因為前排見到o的 BB 好得意;
又可能係因為想o係平淡兼沉悶o既生活入面有轉變兼突破;
又有可能係因為我老豆響我呢個年紀o既時候已經做o左老豆,所以我都覺得我都係時候。

對於『結婚』,雖然我覺得承諾係講心而唔係靠張紙,但好讓女方有個名份兼安心,簽隻字,我冇所謂。

至於『影結婚相』、『行禮』、『接新娘』、『擺酒』等等呢類做俾人睇供人娛樂而自己又唔快樂o既『馬騮戲』,暫時真係免問,我接受唔到。

01 10月, 2006

假期完畢

兩個星期o既假話咁快就放完。

冇乜做過乜,亦唔記得做過乜。

放第一個星期假o既時候好唔慣,日日都百無聊賴唔知做乜好,寧願有學返。

到第二個星期o既時候又已經習慣o左百無聊賴,日日數住剩番幾多日,希望個假永遠唔會完唔駛返學。

唉...

30 9月, 2006

27 9月, 2006

有朋自遠方來

今日有個朋友o黎o左墨爾本,公幹。

佢會留o係悉尼幾日,只係落o黎墨爾本開會,逗留幾個鐘。

收到佢電話時的確嚇o左一跳。

認識呢位朋友都應該有十年,冇見面都起碼有六年;
住o係香港而仲有聯絡o既非網上朋友應該只得呢位;
咁多年來真真正正了解我o既朋友應該亦只得呢位。


最終,我o地冇見面。

因為我。

24 9月, 2006

《三國志十一日文威力加強版》

尋晚o係網上左摷右摷之後左搞右搞搞o左成晚終於成功 download 番《三國志十一日文版》兼 update 到最新 version 再升級到 《威力加強版》。

跟住再搞搞新意思拎埋隱藏歷史人物之後決定用 贏政 再戰江湖,手下有 岳飛、霍去病、蒙恬、鄭成功、劉邦、項羽、呂尚、張良、韓信、藺相如 等等,鬼五馬六(定 鬼五馬鹿?)!

其實《威力加強版》都冇乜特別,不過玩番《中文版》又悶,唔玩咩?仲悶;所以唯有悶住咁玩《威力加強版》。



23 9月, 2006

昂坪 360

上星期偶然睇到亞視新聞講有關昂坪纜車開幕o既新聞。
(逢星期二至六 6:00am SBS 都會轉播前一晚o既六點鐘亞視新聞 - 中文)

睇完之後好想坐,似一個遊客o既期待心情。



22 9月, 2006

21 9月, 2006

置頂:紅豆沙研究及討論

回 yume:要煲到唔見豆?唔會唔太沙?我今次煲o既時候其實o的紅豆已經爆到九彩。

回 sivots:o的紅豆要浸幾耐?

回 sius:我只會食凍o既紅豆沙,所以呢次明顯係太少水了。

p.s. 我懷疑我落得太多豆;我落o左成包紅豆,約一飯碗。

紅豆沙

第一次煲紅荳沙,味道、口感算唔錯,可惜太少水。

下星期再鑽研再煲過。