03 March, 2012

萍水相逢

她:我都唔明。點解我男朋友唔鍾意出席我同朋友嘅聚會?

我:有邊個想做焦點...

她:咁我啲朋友都有帶男朋友出席,佢哋可以傾偈架嘛。

我:男人唔同女人,比較難同同性陌生人忽然熟絡雞啄唔斷...

她:咁點解佢又唔帶我去見佢啲朋友丫?

我:為你著想唔想你面對同樣問題嘛...

她:原來係咁。咁點解你哋啲男人一啲都唔浪漫嘅?

我:唔係我哋唔想做,而係我哋唔識做...

她:好難咩?

我:難。而且好多時我哋攪盡腦汁去做一啲以為浪漫嘅嘢。
  換嚟嘅就只係你哋一句:「咁咋?」...

她:哈哈!係呀!你同我男朋友都幾似。

我:係卦。你試下問下你男朋友佢係咪咁諗...

她:嘥氣啦!佢把口都撬唔開嘅。

我:你表現出你想聽,佢就會好似我咁暢所欲言...

她:你好理智。

我:係。有啲過份地理智...

她:你應該係一個要好多自由嘅人。

我:你又知...

她:估下啫。我同你都唔熟。

我:其實我哋係唔識...




有時對住一個陌生人。

可能會更容易打開心窗。

因為冇壓力、冇負擔、冇責任。