16 April, 2012

眼看手勿動

做 IT 少不免要四圍坐下同事啲位整電腦。


雖然我都八卦。

但我一向嘅原則都係齋望唔掂。

即使係有嘢阻住我。

我都會叫原來個同事幫我搬開。


最近我發現原來好多人都會手多多。

因為好多人埋我位問我嘢時都會順手搞下我啲嘢。

又或者隨手揭下我啲文件咁。


我唔明白啲人嘅呢啲習慣係點樣形成。

可能佢哋會覺得無傷大雅。

但我確實好唔鍾意。


遲早要響檯頭貼返個告示。

《請勿觸摸 面斥不雅》