甚少主動同同事傾偈。
亦甚少同事主動搵我閒聊。
早幾日同事A見到我時主動說。
A:做乜你個樣咁憔悴?
我:吓?我一向都係咁嘅樣架啦。
A:今日特別憔。
我:下...
尋日同事B見到我時主動說。
B:做乜你個樣咁苦惱?
我:吓?我做嘢時係咁嘅樣。
B:...
上個月同上司一齊開工時佢忽然主動說。
上司:亞晶乜你好似忽然間老咗幾年咁嘅?
我:吓?可能係因為無剃鬚影響啫。
我知我響辦公時間嘅時候個樣一定唔討好。
因為我時時刻刻都好認真同緊張。
查實我都好想可以靈魂出竅。
響人哋嘅眼中見下自己開工時究竟係咩死樣。