我甚少睇電視劇。
前陣子放工返到屋企之後開著電視,望咗兩嘢《天天天晴》。
當時講緊個有婦之夫鍾意咗公司入面嘅一個後生女。
拖拖拉拉糾纏不清咗好耐,最後都係冇事發生;懸崖勒馬。
我有啲身同感受。
而且亦都諗,換轉我係個男人,可能一早把持不住了。
今晚同朋友出去食飯,咁啱有電視又係播緊《天天天晴》。
結果係,個有婦之夫終於出軌。
忽然間諗起,「邊有貓係唔食魚架」...
以前老豆公司響上環,所以經常會行信德中心。
今日去澳門旅行喺信德上船。
大大話話,都可能有成十幾年冇嚟過。
記得以前呢度有間機舖,亞媽成日同我去玩,有不少回憶...
機舖,當然已經冇咗。
連原本個位置響邊,我都已經唔記得咗...
今日搭地鐵,留意到兩件事。
有個恤衫友入地鐵。
摺起衫袖之後全手紋身,型!
其實我一直都想紋身,不過好似同我唔多夾。
同埋會被爹娘殺死...
有個大叔應該係去探朋友。
講完個電話之後好努力咁撕去紅酒上面嘅貼紙。
「百佳超級市場-特價貨品」
明白,但唔理解...
總覺得係「報應」...
雖然「工作」同「愛情」冇乜直接關係。
但做人做得唔好,係會有「報應」。
就當係俾自己嘅一個藉口...
我唔係一個「好書」之人,但間中都會行下書局。
今日又去行下。
見到好多古靈精怪嘅書,好多唔識嘅作者。
忽然間諗,唔知出書係咩感覺嘅呢?
唔知出書有幾艱難呢?
如果我出本書,寫咩好呢?
會唔會有人買呢?
想想而已...