24 3月, 2011

網友

我響網上認識嘅朋友,比現實中要多很多。


從前愛流連高登,認識了三班人。

一幫是「夜鬼」,另一幫是「玄緣全存」。

一幫笑鬼死,另一幫感性到死。

再加上我有開網上電台,又認識到另一班「知音人」。


事隔幾年,依家上高登,已經冇咩人識我。

大部份嘅朋友亦到脫離咗高登嘅圈子。

人大了,各有各忙,有工作有家庭仲邊有咁多時間上網 hea。


有時諗返以往響網上嘅開心日子.都不無感慨。

覺得如果一班志同道合嘅朋友就此失散,總有點可惜。

於是我最近嘗試搵返佢哋。

想像如果響現實都可以做到朋友嘅話,可能就會由感慨變為感恩。


雖則跟網友見面對我嚟講係一個好大嘅心理關口。

當人越大,應該係時候懂得珍惜。