14 7月, 2009

步步為營

由於今年比較黑仔o既關係,好多o野都唔敢亂o黎。


話說都上o左o黎大陸半年有多,但個煤氣熱水爐一直都同我過唔去。

由一開始,未有煤氣錶顯示剩餘煤氣量o個陣,次次都係到我就冇煤氣沖涼。

到加o左煤氣錶之後,又到條熱水喉有事。

最大鑊o個次係沖沖下涼條喉頭尾接駁位置忽然間亂嚇熱水,縮遲o的都真係死得人。

跟住不斷搵人修理都整唔好,整好又壞,再整好又再壞。

我o的同事就壞都照用,我就知自己黑仔,唔敢博。

所以,我已經沖o左一段時間凍水涼。


最奇o既係,o的同事響o個度住o左幾年一直都冇事...