30 September, 2009

新工作

返咗呢份新工之後,基本上每日都係響快樂之中渡過。

主要原因,係因為一班細路。


辛苦咩?

有時確實係幾辛苦。


但得到嘅快樂可以抵消每日面對嘅困難都疲累。


試用期已過,希望我會順利完成一年嘅合約。


24 September, 2009

《有病呻吟》

生病嘅日子,特別容易胡思亂想,或者係特別多愁善感...

《有病呻吟》

歌手:張學友
作曲:林健華
填詞:林夕
編曲:林健華

想喝水 給我水
或者高燒可勉強減退
然後鎮靜情緒
忘掉我這裡應該 有誰

不要想 只管睡
肉體安好不要怕心碎
無謂繼續麻醉
期待你會賜給我 藥水

#如果失戀註定逃不過
逃到病床前 才明白更多
和你分手都也捱得過
然而這夜為何
無能力退燒 多麼錯#

不要緊 請辜負
或者傷風比你更可惡
從病榻上回顧
其實愛你太辛苦 何苦

Repeat #

如果失戀註定逃不過
逃到病床前 才明白更多
和你分手都也捱得過
然而這夜為何
難承受痛楚

誰說失戀總會捱得過
捱到病床前 才承受最多
和你分手都也捱得過
為何徹夜難眠
良藥就算苦 請給我

23 September, 2009

回頭太難

今日收到佢嘅短訊。

佢話佢終於明白、理解同感受到我當日響工作上嘅情況同苦況。

佢已經遲咗職。


佢話佢最近生活得不太如意。

亞媽又入咗醫院,好似好運滯。


我嘅回應,都係循例嘅一些鼓勵說話。

同埋話佢知,我響過去嘅十個月,我過得很好。


無錯,我係專登講嘅。

我要佢知道,沒有佢嘅日子,我比以前快樂。


我唔知佢點解會搵我,可能佢真係冇其他人可以傾訴。

我哋一向都冇咩朋友。

又或者,係其他原因。


不過無論係咩原因都好,我都叫自己唔好諗得太多。

我,肯定唔會回頭。

一切,都已經太遲...

19 September, 2009

響短短嘅一個星期,已經見到佢喊咗兩次。

一次係因為我同佢玩時整親佢。

一次係今日有同事窒親佢。

不過事後發現,原來佢係因為其他事而唔開心。


每次見到佢喊,我都會唔開心。

其實我唔知係因為係佢丫,定係任何女仔響我面前喊我都會唔開心唔知點咁。


見到佢咁易就喊得出,我好感慨。


因為,我已經有好耐喊唔出。

即使係睇愛情片,我最多都只係流淚。

而我知道,我其實係有需要大哭一場...

13 September, 2009

不知不覺

如果唔計上次嗰三個星期嘅短暫「錯誤」。

唔經唔覺,我已經單身咗十個月。

過去嘅十個月,個人、生活、工作嘅都轉變唔少。

尤其係個人心理、心態、行為上;有變好、有變差。


身邊出現過而令我胡思亂想嘅人又有幾個。

但始終,唔係嗰一回事。

我其實都未係好知自己想要啲乜。


每一件令我有新鮮感嘅事,我都會鍾意去做。

每一個令我有新鮮感嘅人,我都會鍾意去諗。


秤一秤,呢十個月以嚟嘅我確實係比以前快樂。

但係,缺少愛情生活嘅人生,又確實係枯燥...

06 September, 2009

後知後覺

搬咗嚟呢間屋都將近十年。

我返咗嚟定居都已經兩年,日日都用同一個廁所沖涼。

如果唔係上次沖涼時俾呢件嘢嚇一嚇。

我都真係唔知原來呢度有個水制位。

我,有點過份...


05 September, 2009

《姊妹情深》

因為一首《仍能情深愛上》,搵番呢套戲嚟睇。

又因為呢套戲,搵番首《仍能情深愛上》劇場版嚟聽。