04 10月, 2006

未婚爸爸

最近好想做老豆,唔係好肯定點解。

可能係因為前排見到o的 BB 好得意;
又可能係因為想o係平淡兼沉悶o既生活入面有轉變兼突破;
又有可能係因為我老豆響我呢個年紀o既時候已經做o左老豆,所以我都覺得我都係時候。

對於『結婚』,雖然我覺得承諾係講心而唔係靠張紙,但好讓女方有個名份兼安心,簽隻字,我冇所謂。

至於『影結婚相』、『行禮』、『接新娘』、『擺酒』等等呢類做俾人睇供人娛樂而自己又唔快樂o既『馬騮戲』,暫時真係免問,我接受唔到。