13 9月, 2009

不知不覺

如果唔計上次嗰三個星期嘅短暫「錯誤」。

唔經唔覺,我已經單身咗十個月。

過去嘅十個月,個人、生活、工作嘅都轉變唔少。

尤其係個人心理、心態、行為上;有變好、有變差。


身邊出現過而令我胡思亂想嘅人又有幾個。

但始終,唔係嗰一回事。

我其實都未係好知自己想要啲乜。


每一件令我有新鮮感嘅事,我都會鍾意去做。

每一個令我有新鮮感嘅人,我都會鍾意去諗。


秤一秤,呢十個月以嚟嘅我確實係比以前快樂。

但係,缺少愛情生活嘅人生,又確實係枯燥...