08 2月, 2011

家家有求

我同我老豆都係「戲痴」。

我哋兩個每年睇戲嘅數目加埋應該過百部。

不過我睇「高清」,佢睇「低清」。

佢主力睇西片,任何戲種都啱,所以只會買西片嘅「VCD」。
無錯,係「VCD」。
用一部65吋嘅大電視去睇係「VCD」。

間中佢都會睇下大制作嘅港產片,係我買嘅。

我港產片、西片都睇,偏好港產片。
只有恐怖片我係唔會睇,因為我唔想「貼錢買難受」。
我多數都會買「VCD」,因為依家啲戲嘅內容質素太無保證,一開始就買DVD或者 Blu-ray 實在太冒險。
如果係一套好戲,我一定會買DVD或者 Blu-ray 收藏。


我哋屋企有裝有線,有兩部機頂盒:
一部有高清、一部冇高清。

每次我都要睇「高清」英超,佢就話「高清」同「低清」睇落冇咩分別。

我心諗:你係包拗頸定你對眼有事?


好認同 李力持 講過嘅一句說話:有「高清」我做乜仲要睇「低清」呀!