31 12月, 2007

除夕

除夕,o係屋企同父母、女朋友食一餐家常便飯。

睇電視直播倒數、煙花。

就係咁靜,咁簡單。




今年除夕,o係香港過。

好耐未試過。


有得揀,我寧願唔試。

我想返過去。

30 12月, 2007

我已經諗唔起對上一次我無憂無慮咁開懷地笑係幾時

28 12月, 2007

減壓

不自覺地,我養成o左兩個不太好o既減壓習慣。

1/. 打牌

打牌時,死做爛做挑戰最大番數,食出有無比快感及滿足感。

嬴幾多,輸幾多,我唔在乎。

2/. 購物

只求買,只求駛錢,感覺暢快。

有點病態。

22 12月, 2007

大出血

HITACHI L37X01A 37-inch Full HD LCD TV


PANASONIC DMR-EH67 DVD-RECORDER


PLAYSTATION 3 40GB BLACK

21 12月, 2007

簡單

用好簡單o既詞語,就可以形容呢兩個星期o既生活。

「疲倦」同「眼訓」

19 12月, 2007

Update

想,但冇時間。

響公司唔方便,響屋企「支力」到連電腦都唔想開。

keep 住 update?

下星期再開始...

07 12月, 2007

空殼

行返工o既時候,諗:

「時間真係過得快,終於捱到星期五,我之前o個四日做過o的乜?」

諗唔起詳情。

當然記得做過咩 project,記得有咩 project 未完成,等等。

只記得係埋頭苦幹咁做,缺乏思考。

只記得係只有工作,沒有生活。

每日都係做、做、做,唔知做乜,亦唔知為乜。

05 12月, 2007

身心疲累

除o左『支力』同 眼訓 之外,我咩都感受唔到...

全日最 relax o既時段,係 沖涼 同 睇《HOUSE》o個陣。

02 12月, 2007

一星期的心情

星期一:唉,又星期一喇,仲有五日,點捱?!

星期二:唉,捱完一日,捱第二日!

星期三:唉,好喇,捱o左一半,努力!

星期四:哈,咁就捱到第四日,真係快,仲有一日捱埋就放假!

星期五早:咁就第五日,都唔知之前o個四日點捱過o既!

星期五晚:好o野,終於放假!

星期六早:放假,真好。

星期六晚:唉,得番聽日...

星期日早:今日可唔可以係星期六?!

星期日午:如果一星期有三日假就好啦...

星期日晚:唉,又放完假...

01 12月, 2007

浮誇

陳奕迅 - 浮誇

作曲/編曲:C.Y.Kong
填詞:黃偉文

有人問我 我就會講 但是無人來
我期待到無奈有話要講 得不到裝載
我的心情 猶像樽蓋等被揭開 咀巴卻在養青苔
人潮內愈文靜愈變得不受理睬 自己要搞出意外

像突然地高歌 任何地方也像開四面台
著最閃的衫 扮十分感慨
有人來拍照要記住插袋

你當我是浮誇吧 誇張只因我很怕  
似木頭似石頭的話 得到注意嗎  
其實怕被忘記 至放大來演吧  
很不安 怎去優雅  世上還讚頌沉默嗎 
不夠爆炸 怎麼有話題 讓我誇 做大娛樂家

那年十八 母校舞會 站著如嘍囉
那時候我含淚發誓各位 必須看到我
在世間 平凡又普通的路太多 屋村你住哪一座
情愛中工作中受過的忽視太多 自尊已飽經跌墮

重視能治肚餓 未曾獲得過便知我為何
大動作很多 犯下這些錯 搏人們看看我算病態麼

你當我是浮誇吧 誇張只因我很怕  
似木頭似石頭的話 得到注意嗎  
其實怕被忘記 至放大來演吧  
很不安 怎去優雅  世上還讚頌沉默嗎 
不夠爆炸 怎麼有話題 讓我誇 做大娛樂家


幸運兒並不多 若然未當過就知我為何
用十倍苦心 做突出一個 正常人夠我富議論性麼
你 叫我做浮誇吧 加幾聲噓聲也不怕
我在場有悶場的話 表演你看嗎
夠歇斯底里嗎 以眼淚淋花吧
一心只想你驚訝 我舊時似未存在嗎
加重注碼 青筋也現形 話我知 現在存在嗎

凝視我 別再只看天花 
我非你杯茶 也可盡情地喝吧 
別遺忘有人在 為你聲沙

29 11月, 2007

面具

王菀之 - 面具

作曲:王菀之
填詞:王菀之
編曲:褚鎮東
監製:金培達

路太遠 試試兜圈 望更遠 智慧的開端
沿途或虧損 傷心會遠 心愛需要挑選

若怕痛 試試婉轉 並永記 愛侶鋪的磚
從前是相戀 現在計算
為何明明共聚 問候沒半句 太過心酸

曾挽手避開幾多次雨水 仍記得那天掌心印在這裡
熱情漸褪去 才明瞭全是沒有火花的允許
若說穿 其實當初不登對 流盡多少的眼淚 活得幾歲
若必須面對 面具掩飾空虛

在這晚 吃了一餐 望兩眼 慣性的餐單
然後望清水 靜默以對為何明明共聚
問候沒半句 太過唏噓

曾挽手避開幾多次雨水 仍記得那天掌心印在這裡
熱情漸褪去 才明瞭全是沒有火花的允許
若說穿 其實當初不登對 流盡多少的眼淚 活得幾歲
若必須面對 面具掩飾空虛


會習慣以一世相許

無論曾避開幾多次雨水 還承認幸福根本不在這裡
任全部過去 來重頭尋覓最愛 讓痴心寄居
若說穿 其實不捨得失去 才學懂分開去睡 活於堡壘
命注定的一對 最後各有所取

23 11月, 2007

過山車

每週一星期五日響公司o既心情都好似坐過山車咁,就快癲。

係 一念天堂一念地獄?!

定 一啖沙糖一啖屎?!

21 11月, 2007

為乜?

見到其他人份工,就會諗究竟我係咪揀o岩條路。

做 7-eleven,McDonald's,甚至做百佳、惠康o既後生仔都可能活得比我快樂。

其它行業o既人,又可能比我多私人時間。

當然,我收入比佢o地高,生活環境比佢o地好。

但如果你問我,我會答你我寧願收入減少到夠駛,換返o的私人時間同快樂。

有錢但不快樂,為乜?

19 11月, 2007

時間表

一直都想幫自己編一個星期一至五o既工作兼休息時間表。

想生活比較有規律。

想自己似一個機械人多過似一個人。

可惜,遲遲未動手。


所以,生活一片混亂。

18 11月, 2007

安睡

兩個人一齊睡比自己一個人睡好。

攬住,好有安全感。

睡得較穩。

16 11月, 2007

無腦

依然係呆呆滯滯,唔識思考。

開始懷疑我係太耐冇用所以唔郁,
抑或係我唔識去用,
定係我根本無腦。

無鬼用

即使係一封簡單o既 email。

即使係一個再簡單不過o既電話。

今日無論係做咩都可以o岩唱 容祖兒 呢首歌o既呢句歌詞。

「甚麼都怯...」

無力感

工作上o既考驗終於來了,完全無晒方向,不知從何入手。

bo po mo fo de te ne le ge ke he ...

真係讀到頭都暈 @@

15 11月, 2007

夾心餅

覺得自己似一塊夾心餅。

夾o係中間,左右(或上下)受壓,扁晒,變晒形。

外人望落夾心餅o的夾心都會覺得夾心係最重要最好味o既一 part,實情係夾心有苦自己知。

有o的人仲會只嗒夾心,留返兩塊餅乾,唯有夾心壯烈犧牲...

14 11月, 2007

靚仔!靚女!

好怕人叫「靚仔」(或「靚女」),無論係叫我或者叫其他人。

因為我唔係,而好多時其他人都唔係。

一句「靚仔」(或「靚女」)一出,o的人就會望;無論係我畀人望,或者我去望人。

通常反應都係,「靚仔(靚女)?唔係卦...」


今朝,買早餐,忽然間,好大聲,「靚仔,係咪餐蛋治、凍奶茶外賣?」

我口回了一句「係,唔該。」

心裡回了另一句「你老鹵丫#&*※§?!」

13 11月, 2007

寄托?!

唔知由幾時開始,我會響一o的經常性去o既地方入面搵到一個人去留意。

例如:
中學階段每朝坐巴士都會見到o既一個女仔。
中學階段每次去補習班都會見到o既一個女仔。
中學階段居住屋苑範圍內鄰居會一齊玩o既一個女仔。
中學預科階段同班o既一個女仔。
Icq、討論區、msn...諸如此類。

今日,第一堂普通話班...

久違了的感覺。

悶位

返 office,座位好緊要。

好似我咁,依家坐「六筒」中間偏右位,完全係弊。

當悶爆冇乜o野做o既時候,想上網消磨時間都唔得,俾人“目及”到實。

明明係請我返o黎“目及”住佢o地,點知依家掉轉。

12 11月, 2007

體育堂?!

今朝返工o既時候,見到兩、三個著住運動衫褲o既學生響行人路度跑。

心諗,遲到乎?!

當架車行前o的,又見到幾個。

當架車再行前o的,又再見到幾個。

當架車又再行前o的,就見到一大班學生響度跑。

我估,應該係上緊體育堂。

呢個情況,係咪香港先有?!

痛苦的星期一

星期一,一開眼,腦入面第一句說話係,「唉,點解今日唔係星期五」。

苦...

11 11月, 2007

點解?!

點解?!
點解星期六、日o既時間特別短?!

我已經煲電視煲到凌晨四、五點,都硬係覺得冇乜私人時間用。

如果一個星期可以放五日假返兩日工就好 lu...

10 11月, 2007

今日去o左買衫,被迫的。

一﹚天氣轉涼。我由澳洲返o黎之後一直都係買短袖衫同著短袖衫,即使 office 凍到似雪櫃,即使傷風感冒o左幾個禮拜,我連長袖外套都冇件。

二﹚老豆老母「詐型」。話我衫都唔多件,話我著來著去
o個幾件,話我唔小心身體冷親云云。

上星期去o左 ELEMENTS 圓方,當然係乜都買唔到...選擇少之餘,亦貴到買唔起。

今個星期行 IFC,唔係因為買得起,而係因為未去過。雖然最後都非常肉赤地響 A|X 買o左件衫,不過如果唔係趕住買o的秋冬衫,唔會咁傖促,唔會咁捨得。其實響 Burberry 同 Bally 都睇中一、兩外套,不過我一望到個價錢牌就講句「唔岩呀,唔該!」轉頭走人。

之後去o左 時代廣場,我o既御用 Shopping Center,唔知點解次次都響呢度買到衫,今次亦唔例外,滿載而歸。

記得之前同 大王 傾過下,我o地呢o的尷尬年齡好難買衫。一係太 young 格格不入,一係又太老餅老成死氣沉沉。

我本身唔太注重衣著,求求其其舒服就得,響澳洲時可以一、兩年唔買新衫褲。返到香港之後,身不由己,因為要返工,因為要見人。

要我去行街買衫,係一件好痛苦o既事。

要減輕痛苦,甚至將痛苦變成快感,當然有辦法–––錢。

有錢,的確可以減少好多煩惱,例如響買衫方面。

因為單係去搵錢,已經係一件令人好煩惱o既事。

09 11月, 2007

﹙圖片後補﹚

08 11月, 2007

黃金俠

﹙圖片後補﹚

07 11月, 2007

釋懷

有人關心、得人鼓勵、做返自己,就自然開心有返笑容。

06 11月, 2007

欲速不達,深深體會到。

越急進,反而距離目的地越來越遠...

越小心翼翼,反而越錯漏百出...

05 11月, 2007

「我」在哪裡?

今日刻意改變同同事相處時o既一o的細節。

結果,苦了自己,完全迷失。

深深感受到如果做人唔能夠做返自己,不如唔好做人,因為咁做人根本就唔會開心。

杞人憂天

因為一件事,煩足成個 weekend,左諗右諗,冇覺好訓。

今日返到公司,怕會發生o既結果冇發生,安然渡過。

唉...多舊魚...

04 11月, 2007

獨處

返香港之後,幾乎冇獨處o既時間。

任何時候任何日子,我亞媽都會響我房打機,直至我話要訓覺。我亞媽腦入面冇「私人時間」「私人空間」呢回事,因為佢日日日頭都自己一個人,佢夠晒「私人時間」,唔會諗到其他人都要。

放假去街,一係同爹娘一齊,一係同女朋友一齊。

返工放工,同老豆一齊。

公幹出差o既時候,又會同同事一齊。

所以一有機會獨處,我就會好珍惜;戴起耳筒,聽住歌,完全抽離。

獨處時,我比較快樂。

香港人的生活?!

返o左香港差不多兩個月,返o左工已經個幾月,已經領略到香港人o既生活–就係冇生活。

朝九晚七,通常都八,有時甚至八點半;返到屋企九點幾;食完飯都十點;沖個涼抖一抖吹埋頭之後都可以準備上床訓覺;最好十二點半前訓著,如果唔係會唔夠精神,因為第二朝七點半又要爬起身。

一至五都係咁,機械式;好在我星期六、日都放假。

星期六、日放假,其中一日留俾女朋友;即係一星期我得一日私人時間留響屋企抖抖...仲要分一半時間俾屋企人。

我好佩服某o的香港人,放工之後仲可以行街睇戲食飯,夜夜笙歌。我俾埋條命你好過!!!

好多香港人o既生活即使望落好似多姿多采,但始終都係行屍走肉居多,得個殼,麻木咁吃喝玩樂嘻嘻哈哈,皮笑肉不笑。

香港人o既生活,算甚麼生活?!

唉...悲哀的地方...

p.s. 都仲未講收工之後要去自我增值去進修...

曝光

為免身份曝光,所免要轉 URL。

俾同事們睇到我個 Blog 就真係死得人。

03 11月, 2007

星期一開始,我需要變「啞」嗎?

姓「賴」

呢幾日都吽下吽下,好唔清醒,唔知同食o左藥有冇關呢?!

唔...應該都係...

02 11月, 2007

硬食兩o野

一早返到公司,就硬食o左同事兩o野,星o左兩巴應o既。

呢兩巴,打醒o左我。

令我知道我係幾咁白痴。

令我知道原來我成個星期都冇乜真正去用腦諗o野。



之後全日都鬱鬱不歡,好唔忿氣,嬲自己白痴兼冇腦。

另一方面,我好多謝我同事醒o左我兩o野,令我上o左都幾寶貴o既一課。

01 11月, 2007

洗腦

如果可以o既話,我希望世界上有一種藥可以洗腦。

因為,我需要替自己洗腦...

洗走以往做人o既陋習...

洗走以往o既思考模式...

甚至洗走我本身o既性格...


我要,由零開始。

吃不消

工作模式由今日開始有所改變,一時間有o的吃不消。

忽然間太多資訊入腦,迫爆。


原來,要成功,真係唔簡單。

人都癲...

31 10月, 2007

新電車

之前好似坐過,唔記得,唔肯定,就當係第一次坐。



30 10月, 2007

29 10月, 2007

EASON'S MOVING ON STAGE 1 演唱會


正!!!冇得彈!!!

睇演唱會,真係要睇呢o的。



睇o既時候腦內閃過幾下,問。

唔知企o係台上面對住咁多支持自己o既人個感覺係點o既呢?

唔知企o係人生o既高位o既時候個感覺係點o既呢?



我想向上爬去 feel 下啊!

28 10月, 2007

成功就要孤獨?!

傾完偈,我有呢個感覺。

我唔明,我唔理解,我冇唔認同,而我亦未有能力同經驗去反駁。

我唔知其他人o既成功之路係咪咁行,但我尊重尊敬o個個就係咁。

我唔想...



總覺得凡事都多過一種方法去處理,冇一定特定公式,冇需要去到咁偏激、咁極端。

每個人都唔同,將一個人o既一套o野完整咁套落另一個人身上未必可行。

再者,時代唔同。



我唔知...有o的迷惘...

26 10月, 2007

香港矇,深圳更矇,廣州仲更加矇。

香港,間中都會有機會見到藍天白雲,見到太陽。

深圳,幾乎永不會見到藍天,一個薰黃o左o既太陽。

廣州,連個太陽都見唔到。

大部份時間都不能望遠,工作好旅遊好,都影響心情。

20 10月, 2007

鹿?!



響屋企下面見到呢兩隻o野。

開頭以為係鹿,之後 search 下,原來係『麂』。

19 10月, 2007

回鄉

今日返o左鄉下拜山,朝七晚十一。

長途跋涉,坐車都坐到吽,但又冇乜感覺。

又冇呻悶,又冇呻「支力」。

可能係因為上大陸上慣o左,又可能係因為我真係變o左。

17 10月, 2007

行行企企

呢排因工作關係每星期都要上大陸。

見到好多唔知有冇生意o既舖頭,見到好多唔知有冇o野做o既人。

見到好多人行行企企、百無聊賴。

好似見到以前某一段時間o既自己,又係行行企企,冇乜o野做。

好怕,好怕回想以前,好怕會變返以前咁。

依家o既我,唔想再停落黎。

15 10月, 2007

《不能說的秘密》

幾好,個感覺幾好,好拍得出o個隻中學戀愛 feel,好甜;
我諗主要係因為 桂綸鎂,好特別,同佢拍第一套戲時一樣咁特別。


睇到中段差o的破口大罵,以為玩「鬼」;點知出乎意料。

另一個女角較靚,不過我都係鍾意
桂綸鎂 多o的。

14 10月, 2007

自返香港以來,似乎冇正正式式抖過一日。

今日,終於有得抖抖。

不過,有得抖o既今日,悶到發慌...

07 10月, 2007

我可能亦應該有...

腸胃焦慮症

香港中文大學今天公布調查發現,患有腸胃焦慮症的人,比正常人罹患經常焦慮症的風險高出六點一倍;估計全港有二十多萬人患有經常焦慮症和腸胃焦慮症。

中文大學醫學院香港健康情緒中心與消化疾病研究所合作,在七月中旬訪問了兩千多名十五至六十歲的香港市民,其中百分之四的受訪者在過去一年有經常焦慮症的癥狀;百分之五點四的人有患腸胃焦慮症徵狀。

中大推算出過去一年,全港分別有二十多萬名經常焦慮症患者和腸胃焦慮症患者,約兩成患者會同時患上兩種焦慮症。

研究指出,經常焦慮症的癥狀包括:很容易疲倦,心跳加速,頭暈及失眠等,若每個月有三天或以上,腹痛及腸胃不適,而大便的次數又改變,就有可能患上腸胃焦慮症。

調查又顯示,住在較偏遠地區,罹患經常焦慮症的發病率較高。另外,女性、低學歷、低收入患病的風險也較高。

腸胃焦慮症

這種焦慮並不一定與某種特定的事物有聯繫,可能是心理上的衝突及緊張所致,外間的刺激只是偶然碰巧成為引發物而起。患者整天不是擔心昨日的錯誤,就是擔憂明日可能發生的問題,以致難以享受現有的生活樂趣。他們的焦慮也會引起發汗、肌肉繃緊、頭暈、心跳加速或腹瀉等生理徵狀。

成因

成因的可能性很多,大概可分為以下幾類:
生理因素──患者生理的反應比一般人強;當有事情發生時,身體處於過份活躍狀態,如心跳加速,血壓升高等。 心理因素──患者容易焦慮,專注於將來可能發生的問題。
環境壓力──負面的生活事件如挫折、失敗或身體有病。
身體健康問題──如心臟病、甲狀腺過度活躍 (hyperthyroidism)、低血糖(hypoglycemia),或某些藥物的副作用引起,如尼古丁、酒精及藥物等。

腸胃焦慮症

何謂腸胃焦慮症?

腸胃焦慮症是一種功能性疾病,即從表現看似乎是腸胃疾病,然而真正的腸胃並沒有器質性的損害,而只是功能稍有紊亂而已,而功能的紊亂又與情緒心態密切相關,也就是說這個病是由於心理狀態引起的;當心緒安寧時,症狀消失和緩解,當情緒心情緊張或情緒焦慮惡化時症狀加重。
在醫學內科學中,有種病叫「腸胃神經官能症」,基本上就是本病,但它的命名有不足之處,而「腸胃焦慮症」更能說明其實質。

起病原因

本病的起因可以有兩種方式:
一是先有輕度的腸胃功能失調,但因未及時處理,而遷移時日略為長了一些,同時病人的心態比較敏感或者因他事正處在焦慮狀態,加上這一軀體的不適,進而對疾病起了疑心,以為得了嚴重腸胃病,由此形成惡性循環,症狀日復一日,不但不能消除,而且變本加厲更甚成病。
另一是由於心理狀態變化,諸如苦惱、煩悶、抑鬱、焦慮、緊張、恐懼……等等,以致使心理功能紊亂,心理一紊亂,繼發導致植物神經功能紊亂,由此又促使腸胃功能紊亂而發病,但這病的真正根子在心態而不是腸胃,當心態回復時,腸胃的症狀也就隨之緩解。

發病機理

從腸胃生理中已經知道腸胃是最能表現情緒的器官;因為支配調控腸胃活動的植物神經中樞在中腦與情緒中樞的聯繫密切,情緒稍有變動立即會引起植物神經功能的相應變化,進而影響到腸胃的活動與功能。例如良好的情緒會促進食慾,惡劣的心態使使食無味,這是因為良好的情緒時,神經系統處於正性的適度的興奮狀態,植物神經同樣如此,因此腸胃的蠕動和分泌最健全完整有力、最能接納食物和消化食物;而惡劣時則適得其反,一切都倒轉過來,腸胃的功能紊亂:蠕動或無力或過度,分泌或不足或過量,蠕動無力會腹脹、會便秘,亢進會腹瀉、會腹痛,分泌不足會食無味、會消化不良。但這些都是一過性的,當情緒回復常態時,腸胃功能也隨之正常;但如果久久不能回復或變動過度激烈那也能進一步變成真正的器質性腸胃病。

主要表現和特徵

本病起病緩慢,不能確定確切發病時間,症狀呈波浪形,時好時壞,持續時間較長,長者可經年累月。
在胃的表現主要是:飽脹、反酸、噯氣、食無味、噁心甚者還可以嘔吐、上腹不適、打嗝、大量噯氣…
在腸的表現主要有:腹脹、便秘、或腸鳴充進、放屁;或大便稀爛、食不消化。甚者也可有「情緒性腹瀉」…
全身表現:虛弱、疲乏、頭暈、失眠、心悸、胸悶、精神不振、焦慮、抑鬱、疑慮等等…。
雖有那麼多的問題,找過很多醫院和醫生,可檢查都無明確疾病的證據,也得不出確切的診斷,也就說症狀表現很多很重,可就是查不出病的證據。這就是腸胃焦慮症的重要特點。另一個特點是,當有時心情好轉和緩解時,症狀會被「遺忘」;而情緒重起波動時,症狀又被「記起」而出現。

治療

腸胃焦慮症是心身雙重功能紊亂,根子雖在「心理」,但確有生理功能的紊亂,某些時候,生理紊亂症狀不適成為主要的焦慮煩惱。如果不能解除生理上的紊亂,那麼任何解釋都軟弱無力。而予以解除生理上的紊亂後,患者感到軀體上的舒適,就會大大緩解心理上的壓力而自行消除焦慮。因此切莫以為它是功能性疾病而等閒視之,而要認真用藥解除調整生理功能、消除軀體上的症狀。
接著應該做的是心理疏導,心理上的癥結:焦慮、疑慮、恐懼、緊張、心事壓力重重…不予消除,那麼生理上的緩解也只能起一時之效,生理緩解之後,心理問題重又上升,當藥效作用消失後,接著生理紊亂重現,症狀隨之復發,治療前功盡棄。這也就是容易反覆發作之由。徹底的治療應該是雙管齊下,心身同步。心理與生理同步。

03 10月, 2007

02 10月, 2007

29 8月, 2007

大地在我腳下

有o的驚...











Eureka Skydeck 88

20 8月, 2007

近況



焦慮症

妄想症

憂鬱症 /抑鬱症

壓力

無助

迷惘

傍偟

瘋癲

精神緊張


煩燥不安

劣質睡眠


谷底

22 7月, 2007

生日蛋糕

五件中的其中三件。

給自己的生日禮物

Panasonic Lumix DMC-FX30


PSP Virtua Tennis 3


Wii Pinball Classics       Wii Cooking MaMa Cook Off
   

21 7月, 2007

生日晚餐

五個月前 (女朋友生日 + 情人節) 食o左餐 和牛料理。
http://jinggor.blogspot.com/2007/02/wagyu-beef.html

尋日我生日就去試o左餐 和牛燒 (Wagyu BBQ) 。


比較之下,今餐好味o的。

“Gouka Tokusen” Special SHOYA Set 55.00 (per person)
Shoya original salad, Wagyu sashimi (thinly sliced fresh raw Wagyu beef), Wagyu rib of beef, Wagyu beef sirloin, OX tongue with spring onions, pork belly, free range chicken, Wagyu sausage, combination of vegetables, prawn, scallop, squid, abalone, salmon, steamed rice, seaweed soup, and dessert.

《參考圖片》

心火盛

火滾,我想殺人!!!

19 7月, 2007

廿八歲

廿八歲。

人生,今年才正式開始。

今年,總算叫做似返個人。


舊年廿七歲生日時個感覺都還好地地,但今年生日竟然開始覺得老了。

距離三十,又近一年...

餘下兩年 (到三十歲),我有好多o野要做。

〈edited〉

升呀!升呀!升呀!

最近澳幣係咁升,係咁升,係咁升。

賺澳紙o既我見佢日日創新高 (近十年),真開心。

一直升到我返香港就正囉。

$_$

17 7月, 2007

查無此人

有冇女仔唔憧憬結婚?

有冇女仔唔憧憬自己o既婚禮?

有冇女仔唔憧憬自己做婚禮o既新娘?

有o既話唔該介紹我識,我識唔到。

直頭連聽都未聽過有一個咁o既人!!!

三十大關

公司o既同事都比我年長,全部界乎三十歲前後;有o的結o左婚,有o的未結婚。

最近成日聽見佢o地話收到喜帖,成日有人請飲之類;因為佢o地o的朋友都係界乎三十歲前後。

就到三十歲o既女人會趕住結婚,過o左三十歲之後o既就更趕。

未到三十歲o既男人唔會打算結婚,過o左三十歲之後就會趕住結婚因為身邊o既男性朋友多數已經成家立室,人有我有,怕被遺下。


我,未到三十,未打算結婚,身邊冇親朋戚友結婚。

三十之後?有人肯嫁我至算。

不過應該會係我唔肯娶多,因為我仲未搵到需要結婚o既理由。

16 7月, 2007

粗口爛舌

尋晚出街食飯,隔離檯坐o左兩個女仔。

我一坐低,聽到o既已經係粗口。

呢兩個女仔,可能係香港o黎,可能係大陸o黎 (談話內容);響邊度o黎唔係重點,重點係佢o地講廣東話,我識聽。

我一邊食飯,一邊豎起隻右耳去聽佢o地講o野。

呢兩位女仔運用粗口講o野o既流暢程度連我都自愧不如 (可能係因為我已經離開男校超過十年疏於鍛鍊兼且依家只會響打機時先講單字粗口卦)。

兩位某o的夾雜粗口o既對話o既礙耳程度換轉係叫我講我都會覺得難堪。


我相信呢o的情況響今時今日o既香港應該幾普遍。

世界已經變o左,變到我已經唔太接受到。


可能係因為老餅,思想守舊...

15 7月, 2007

壽終正寢?

整o左部電腦幾日,依然冇乜起息。

可能真係夠期了...

13 7月, 2007

10 7月, 2007

R.I.P.

電腦瓜柴,離開一排。

30 6月, 2007

回歸‧十年

今年,香港回歸祖國十週年。

九月,我會回歸香港。

最近,好多人問我今次回歸香港打算留幾耐。

我答,至少留十年。

28 6月, 2007

目標鎖定

Panasonic FX50

27 6月, 2007

凍 / 熱

今年墨爾本好凍,非常凍。

今年香港好熱,非常熱。


返香港之後最難適應o既,應該會係天氣。

鳴謝:
彎彎

23 6月, 2007

04:00

o岩o岩收台。

好耐冇試過咁夜訓。

心情愉快!

21 6月, 2007

神?!

唔明o的人點解會信『神』!

尤其係今日聽o左一個電台節目之後,越諗越唔明。

下次有時間先講下點解唔明...

18 6月, 2007

LG Shine / LG Prada

LG 最近o的手機幾靚,可惜唔太o岩男仔用。

17 6月, 2007

新歌

以下係最近鍾意聽o既新歌,排名係分先後,分男女:

王菀之 - 面具

盧巧音 - 愛到不能

薛凱琪 - 下次下次

吳雨霏 - 逼得太緊

at17 - 最好的時光

楊千嬅 - 化

許志安 - 前程錦繡

吳浩康 - 自卑

孫耀威 - 自愛

古巨基 - 愛變了這世界襯衣

16 6月, 2007

同事三分親

好少追電視劇,最近追o既係呢一套。

一集不漏。

好笑,尤其係辦公室內 武紀勇 vs 裘俊,兩個都做得好好。

不是 關詠荷 fans,冇睇過佢以前o既劇;做戲真係幾得,入型入格。

14 6月, 2007

冇唔開心 = 開心?

睇朋友們o既 blog,間中都會睇見佢o地話自己唔開心。

睇朋友們o既 blog,間中又會睇見佢o地話自己身邊o既朋友都/又唔開心。

最近又睇到。

似乎周圍都有人唔開心。

於是我o係度諗,『我對上一次唔開心係幾時?』,我好似已經好耐冇試過唔開心。(芝麻綠豆雞毛蒜皮不值一提o既小朋友式嬲而唔開心不計算在內)

『冇唔開心』係咪就等於『開心』?

係卦!

至少值得『開心』去『慶幸』冇『唔開心』。

再「才查」車

有車牌六年多,由考完牌o個一刻開始再冇「才查」過車,因為我考慮o左六年都未買車,亦冇需要。

事隔六年,今日再「才查」番車,又驚又喜又險。

再一次證實我有能力但冇興趣「才查」車。

「才查」車,擁有一架車,好煩。

我怕煩。

13 6月, 2007

得力素糖


又一兒時喜愛食品。

好似冇以前咁好味。

12 6月, 2007

Sony Cyber-shot DSC-T100


新目標,已經考慮o左一排,8 月 1 號前要扑鎚 (Panasonic 等其它牌子也在考慮之列)。

呢部機外界評價只屬一般。

我係貪佢 新 + 外型 + 輕便。

五年前買o個部 Canon S45 o既兩粒電都已經處於垂死狀態,而且重到成舊磚頭咁,帶去旅行好唔方便,係時候淘汰。

部 Canon S45 留番將來去學影相o既時候先再用。