有冇女仔唔憧憬結婚?有冇女仔唔憧憬自己o既婚禮?有冇女仔唔憧憬自己做婚禮o既新娘?有o既話唔該介紹我識,我識唔到。直頭連聽都未聽過有一個咁o既人!!!
公司o既同事都比我年長,全部界乎三十歲前後;有o的結o左婚,有o的未結婚。
最近成日聽見佢o地話收到喜帖,成日有人請飲之類;因為佢o地o的朋友都係界乎三十歲前後。
就到三十歲o既女人會趕住結婚,過o左三十歲之後o既就更趕。
未到三十歲o既男人唔會打算結婚,過o左三十歲之後就會趕住結婚因為身邊o既男性朋友多數已經成家立室,人有我有,怕被遺下。
我,未到三十,未打算結婚,身邊冇親朋戚友結婚。
三十之後?有人肯嫁我至算。
不過應該會係我唔肯娶多,因為我仲未搵到需要結婚o既理由。