08 7月, 2012

《桃姐》

有一日我問我亞姨:「睇唔睇《桃姐》?」

亞姨答:「駛乜睇呀?我咪係囉!」

我會心微笑。


我呢個亞姨,湊大咗我同我表弟。


當年我父母要努力搵錢。

於是由小學時期開始,我亞姨就搬咗嚟我屋企照顧我。

照顧我之餘,仲負責我哋屋企嘅家務同起居飲食。

同時又做「外發」賺下錢,一直到我升中。

之後我亞媽「退休」,舅父母要努力搵錢。

我表弟就嚟咗我哋度住,由我亞姨湊 。

一湊就湊到我表弟升大學。


對於我亞姨嚟講,我同表弟都差不多已經係佢親生仔。

除咗父母之外,我最錫嘅都係我呢個亞姨。


我亞姨未婚,早幾年又中風。

康復之後仍然繼續工作。

我同自己講。

遲啲到佢退休,就到我照顧返佢等佢享下福。