21 8月, 2006

過客

今日上堂時望住班同學,發覺人與人之間的確好容易產生誤解;
尤其係唔同種族唔同國藉唔同文化。


通常我都懶得嘗試解釋去化解誤解,
因為我知道我身邊大部份o既人都只不過係一o的過客。

今日同佢拗或解釋,可能由聽日開始你就呢世都唔會再見到佢;
咁又何必o徙口水。

今日有人對你有誤解,可能佢到下星期都仲會對你有誤解;
一個月後佢可能只記得你呢個人而唔記得誤解呢件事;
一年後佢可能連你係邊個都已經唔記得。

一生人入面o既過客,多到數唔晒,亦記唔晒;
當你唔記得佢時,佢亦唔會記得你。
所以一切關於過客o既事,又何必去記去著緊;
慳番啖氣好過。

當我唔夠訓時...

當我唔夠訓時...我會遊魂

當我唔夠訓時...我會木口木面甚至黑口黑面

當我唔夠訓時...我會脾氣暴燥

當我唔夠訓時...我會變啞或變得更串

當我唔夠訓時...生人勿近