由五月尾某晚開始。
忽然間間歇性地皮膚敏感。
出「風癩」。
(我一直查唔到個正字係點寫)
睇過一次醫生,搽過藥膏,食過藥。
好咗。
但藥力一過。
又出。
醫生話過未必可能搵得出係對咩敏感。
反正無答案。
之後我索性連醫生都唔睇。
去藥房買藥膏同成藥就算。
每隔幾日出一次。
我就每隔幾日搽一搽藥啪一啪丸。
反反覆覆。
直到依家。
屋企人知道之後當然係左估右估希望估到個估唔到嘅源頭。
我亦唔知點解我今次好唔想去睇醫生。
每次都係響瞓著之後先出「風癩」。
我開始懷疑我係對「瞓覺」敏感。
係就「大檸樂」了...