09 August, 2011

軀殼

最近對好多事都冇咗感覺。

係因為藥力影響?

定係因為已經變得麻木?


以前響工作上遇到不順。

總會忟一陣怪自己運滯。

以往出外工作時落大雨或烈日當空。

總會怨天幾句怪自己黑仔。

每當感情上遇到波折。

總會呻到樹葉都落笑自己傻仔。


但最近嘅情況係。


響工作上遇到阻滯時心無雜念繼續做。

出外工作時落大雨就無聲氣地開遮擋雨。

烈日當空時就顎高個頭曬下感受下太陽嘅熱力。

感情上一片空白冇無謂嘢可以諗。


每件事都俾到適當反應但全無感覺可言。

只係覺得自己內裡空空洞洞。

個靈魂唔知趺咗去邊...