26 5月, 2011

大壽

老豆今年六十大壽。

但由於亞嫲仍然健在,所以唔可以幫佢擺大壽。

原本打算同佢去旅行慶祝,點知連由我亞媽出聲撩佢佢都話唔去。

無計。


有個亞姨又係今年大壽。

我做細嘅當然會同佢擺番圍。

之前幫舅父擺咗唔幫亞姨擺隨時嬲足一世。

點都一定要擺。

至於籌旗,梗係要迫兩個老表夾錢。


近年,好多成年人都會去麥當勞開生日會。

尤其係女仔。

早幾日又響 facebook 見到一個。

唔清楚原因。

可能係為咗一完兒時夢想。

又可能只係純粹貪過癮。


忽然間我都想響麥當勞開個生日會。

不過係等我六十大壽嗰日。

如果有命擺到嘅話。