12 8月, 2008

同類

我覺得我自己係某一類人但唔識形容係邊一類。

唔識形容自己係邊一類係因為我仍未遇到同類然後俾我去形容呢一類人。

我覺得我仍未遇到同類係因為似乎冇人完全明白、理解同接受我o既行為同諗法。

別人覺得我另類,我亦覺得我自己係怪人。

究竟有冇人同我係同類?

我曾經認為我遇到一個,但我每次同呢個人傾偈到最後都係嗌交收場;所以應該唔係。