23 3月, 2011

係 MP3 機個音量出問題定係我開始聾?

好似冇以前咁大聲。


習慣一出街就帶上 headphone 聽歌。

入耳式,將音量調較到再聽唔到外面嘅聲。

與世隔絕。


預科時嘅我並唔係讀書嘅。

上堂時照聽 Discman 將音量較大至聽唔到老師講書然後瞓覺。

當時嗰個覺得自己屈屈不得志淪落到要教我哋嘅班主任曾經響某一日指桑罵槐咁講咗句。

「有時見到人聽歌較到好大聲。傻仔嚟嘅。好明顯唔知聽覺受損係永久性唔會好得返啦。」

當時嘅我,當然係會當作耳邊風。


其實到咗今日,就算再有人同我講我咁樣係會損害聽覺將來會後悔之類。

我都仍然會係愛理不理。

因為我確定唔到我將來會唔會因為聽歌呢樣嘢而聾。

但我更確定唔到我會唔會下一秒就死。


任性地活在呢一刻...