16 9月, 2006

奇華 vs 榮華

由細到大食開 『奇華』,過到墨爾本轉食 『榮華』;
因為未見過有『奇華』賣。

由細到大食開 『奇華淨蓮蓉』,過到墨爾本轉食 『榮華雙黃蓮蓉』;
因為女朋友要食有黃。

尋日去 Box Hill (一個華人社區,全廣東話社群見華人多過見西人),
駭然見到曾志偉奇華月餅海報,簡直係如獲至寶,
二話不說立即買番個回味一下。

左揀右揀之下結果買o左一個迷你蛋黃蓮蓉月,
細細個,又唔太貴,少食多滋味。

一盒四個標準裝實在太貴唔捨得買,而且隨時食唔晒浪費。