07 1月, 2011

難答

有時有啲人為咗避免尷尬而勉強去開一個話題反而會令到個氣氛/情況仲尷尬。


有日坐小巴返屋企時見到有兩個人一男一女應該係鄰居又唔係太熟嗰啲認得樣但又唔知大家姓咩嘅喺臨落車嘅時候互相發現對方。

女:Hi! 咁啱呀!(熱情地夾硬搵嘢講 feel)
男:係呀。(無乜語氣 feel)
女:好少響呢啲時段坐車遇到你喎。
男:係。啱啱收工。
女:哦!做邊行呀?
男:(沉默2秒)做...郵差。
女:(停頓1秒)睇你似做會計師嗰啲。

之後靜晒...


話說我屋企個夜晚看更,無論我7點返、9點返定半夜2點返,佢都會問我同一個問題。

「食飯未?」

我:(即答,有時差啲快到佢未問我已經答)食咗.........