31 12月, 2009

十二月

十二月,係忙到癲咗嘅一個月。

亦都係心情起伏得頗大的一個月。

總結如下:

發展了一段「兄妹」情。

5號同「妹妹」去咗睇東亞運動會開幕煙花。

打波時唔見咗由十八歲開始一直帶住嘅十字架頸鍊。

認清咗一個長輩嘅真面目。

24號出咗去飲酒,成十年未試過。暢快!!!

26號屋企搞 party, 成十幾年未試過。開心!!!

27 ~ 30號因為好多不同嘅事簡直生不如死。

31號達成願望唔喺香港過除夕。快樂的一天!!!


2009年,係變化最大嘅一年。

亦係快樂嘅一年。

30 11月, 2009

今日出去開會,如同俾人摑咗兩巴,醒晒。

終於知道點解工作時會唔開心、冇方向。

原因係原來我未完全投入,但以為自己已經瞓身。


我以往好少下定決心去做一件事,或者決定咗都會半途而廢。

不過今次唔同,我唔想再失敗。


我應承咗班細路,我唔會中途離場。

講得出,做得到。

25 11月, 2009

籃球火

還記得十年前,籃球曾經係我生命。

因為當時完全荒廢學業日日去咗打波。

唔敢講打得好,但亦唔算太屎。


十年後嘅今日,我再一次搵返我嘅生命。

每星期同班o靚仔去打波,令我終於搵返我團火。


打籃球嘅其中一個快樂之處,係可以暫時忘掉煩惱。

21 11月, 2009

答案

忽然收到一封佢寄嚟嘅信,有點愕然。

內容大致上係講一下近況,有好有壞。

還附帶一個問題...

「我曾經相信你會係全世界最愛我及最疼我嘅人,但如果係真,點解當時你要放手?冇任何行動?」


去年分手嘅時候,我只係好簡單咁順應佢嘅要求完結咗一段關係。

我,冇講過任何嘢,冇解釋過任何嘢。


問朋友我應唔應該回信,佢話我無謂俾人錯覺覺得會有咩機會復合。

我話我嘅回覆係唔會俾到佢有任何希望,只會係好坦白咁講出我放手嘅原因。

而相信呢個分手背後嘅原因,只會帶到傷心俾佢。


我唔想傷多佢一次。

但我相信如果佢呢一世都唔知道個答案,佢一樣過得唔好。


我想佢忘記我。

我亦唔想欠佢一個「答案」。


MP3 咁啱播到《少見不怪》,係攞境定贈慶?


而既然分開了 何必又想打擾 
為何愛人丟低了 才來明白對方緊要

13 11月, 2009

跳樓

一向都鍾意由高處向下望嗰種感覺。

唔知點解。

可以係因為由細到大都未試過住得高過六樓。


呢個星期心情極差。

因為工作,因為感情,因為家庭。


某晚嘅晚飯時段,去咗公司附近嘅天橋吹吹風企一粒鐘。

一路聽住頹歌,一路睇住啲車響腳下經過。

有一刻,真係驚控制唔到自己對腳。

其實我一直都好想試下跳樓嘅感覺...


11 11月, 2009

十一月十一號

又到呢個日子。

我相信,我呢一世都會俾四條一纏擾住...



08 11月, 2009

久別重逢

好怕響街撞到舊朋友。

非常怕...

07 11月, 2009

健康投資

從新開始運動,打籃球、做 gym.

因為之前只係齋節食去瘦,完全係唔健康嘅瘦。

會用一年時間去操。

為咗有強健嘅體魄,呢次真係健康有價...

31 10月, 2009

甚麼關係

我越來越唔清楚我究竟將佢放響一個乜嘢位置。

係朋友?
係兄妹?
係父女?
定只係我嘅一個心靈寄託?

陪我食早餐、食晏、食晚飯、食糖水、坐車、行街、坐公園、每日每晚不斷 sms 傾偈等等。

但我好清楚嘅係,佢只會當我係佢眾多個哥哥之中嘅其中一個哥哥。

亦唔會係特別嘅一個...

30 10月, 2009

神乎其技

每之坐交通工具見到啲女士們響車上面化妝我都覺得嘆為觀止。

我有時想響車上面瞓下其實都唔係咁易,又搖又震。

而佢地又可以好淡定咁化好一個妝。

利害
...

27 10月, 2009

再遇龍鬚糖

終於,俾我遇見番龍鬚糖。

仲要係夜更收工時間。

當然係第一時間買番盒嚟食。


可惜,難食到極...

失望到極...

25 10月, 2009

精神自虐

我依家每個工作日嘅心理狀態都極之不平衡。


由離開屋企返工嗰一刻開始聽頹歌,心情趺至谷底。

返到公司見到班同事之後又發始 hyper.

一收工又繼續聽頹歌直至返到屋企。


點解我要虐待自己?


20 10月, 2009

《不問自戀》

《不安的快樂》之後,又記起呢首...

《不問自戀》

歌手:梁漢文
作曲:陳輝陽
填詞:林夕
編曲:陳輝陽

說說笑 也就可以 看看戲 已極寫意
甚麼心態狀況 不要在意
句句怎會何以 太過沒有意思
吻吻臉 也是真摯 其餘思心想法我不要知
你要給我愉快 我也不要會錯你好意

#從來不刻意問你貪戀甚麼
 從來不敢去問你想不想我
 從來沒趣也因知道太多
 歡喜的東西不要看太清楚

 從來不忍細問你心想甚麼
 從來不敢發掘你某晚怎過(從來不敢發你某天怎過)

 朦朦是最美的一個結果
 彼此開心比苦笑多 已不錯 決不容有錯
 (畢境一起比分隔多 愛不愛也不用答我)

見見你 算是心意 吻吻你 發自真摯
這些親切玩意 總有下次
暗裡怎對待你 你也沒有法子
我愛你 也就可以 但你須不須要你知我知
我永不試驗你 你也得接受我好意

Repeat #()

19 10月, 2009

《不安的快樂》

聽完《兄妹》同《大哥》,就諗起呢首歌...

《不安的快樂》

歌手:陳曉東

曲:劉志遠
詞:林夕

擁抱你和親吻 真想感受
無奈越了界 就像覆水難收
需要你而不要你 繼續做朋友
如浪漫過去 便是一生摯友

+想見你而不見你 多麼荒謬
 難道越見你 便越不可長久
 想愛你而不愛你 我但願能夠
 情若用錯了 用甚麼可挽救 +

*寧願沒回答 寧願放在心
 如若已經是愛情 為何要問
 從來未曾愛上過別人 沒法肯定絕望或可能
 還是這種不安的快樂 才顯得吸引 (才誘惑人)

Repeat +*

誰願讓愛意不經證實但憑感覺 但為何又眷念這忐忑的快樂
無奈面對你彷彿遠再無涯海角 但是寧願獨享溫馨的罪惡

Repeat *

18 10月, 2009

《大哥》

《大哥》

歌手:衛蘭
作曲:Robert Lay @ On Your Mark
填詞:林夕
編曲:Robert Lay @ On Your Mark

如果 兄妹相稱太多 醒不起喜歡我
快研究和我這異性 拍拖

訛稱 知己的真太多
當女共男未變愛侶 不吻過自然沒結果

*沒有好感怎會相親相愛大哥只是掩飾
 能做對愛侶 墮落成朋友 誰心息

 我要愛情不需要登對不需得你允許
 兄妹真有趣 不需要分居 忘記輩份再追

 我要愛情摧毀世交也不失一個創舉
 相戀的證據 假使要爭取 唯有約定和大哥喝醉*

曾經 雙手執一杆槍 
想逼供你一趟 我和你無愛 誰沒有智商

如果 戀愛必須創傷
想你亦明白到我倆 需開心都也受夠傷

Repeat*

17 10月, 2009

《兄妹》

《兄妹》

歌手:陳奕迅

作曲:徐偉賢
填詞:林夕
編曲:劉志遠
監製:Jim Lee

對我好 對我好 好到無路可退
可是我也很想 有個人陪
才不願把你得罪 於是那麼迂迴

一時進 一時退 保持安全範圍
這個陰謀讓我好慚愧
享受被愛滋味 卻不讓你想入非非

*就讓我們虛偽
 有感情 別浪費
 不能相愛的一對
 親愛像兩兄妹

 愛讓我們虛偽
 我得到 於事無補的安慰
 你也得到 模仿愛上一個人的機會
 殘忍也不失慈悲
 這樣的關係你說 多完美*

眼看你 看著我 看得那麼曖昧
被愛愛人原來一樣可悲
為什麼竟然防備 別人給我獻媚

不能推 不能要 要了怕你誤會
讓我想起曾經愛過誰
我所要的她不給 好像小偷一樣卑微

REPEAT*

16 10月, 2009

日有所思,夜有所夢。


日頭見到一個鍾意嘅人,夜晚發一個快樂但不真實嘅夢。

瞓醒之後到日頭見返呢個人,快樂盡失然後心情又回到谷底。


究竟係日頭嘅思想影響夢境,定係夢境影響日頭嘅思緒同心情?

14 10月, 2009

青山黛瑪

今日坐巴士返工時遇到一個「傻佬」。

其實我唔知佢係弱智定係痴線。

不過一般人都會形容佢係一個「傻佬」。


不斷換位,左指右指,大呼小叫。


我留意咗佢一段時間。

每次望住佢,我都會會心微笑。

係因為我覺得佢好快樂,凳佢高興。


佢嘅笑容,令我覺得佢比巴士上嘅任何一個正常人都要快樂。



《青山黛瑪》旁人話你悲哀 不過在你眼中清醒才悲哀 繁忙才悲哀...

11 10月, 2009

買樓

我一向都覺得喺香港買樓係一件好戇居嘅事。

無端端好地地做乜揹住一個幾百萬嘅債喺身?

成日都同人拗呢個話題。

可能係因為我係一個唔想負責任嘅人...


今日聽見老豆同亞叔傾個樓市。

之後亞叔同我講:香港人,點都要揸番層樓;點跌都好,總會上番去,之後就賺。


諗諗下,又有啲道理。

可能係因為我最近等錢駛,想賺番筆。

09 10月, 2009

龍鬚糖

每日放工返屋企,都會經過彩虹邨。

返早更放六點嘅話,經常都會見到一個叔叔賣龍鬚糖。

之前冇買,病咗嗰個星期唔食得。

到呢兩個星期想買時已經唔見咗佢。


又一次唔把握時間同機會去得到自己想要嘅嘢,結果...

08 10月, 2009

目標體重

不知不覺,原來已經到達目標體重。

有幾日,仲輕過十年前嘅體重。

一上磅一望,自己都驚一驚。


工作頭一個月,因為真係太忙同食得少,已經輕咗好多。

體重跌得最快嘅時候,應該係上星期病一病。

一星期,差不多輕咗五磅。


終於得到想得到嘅嘢,咁之後又點呢...

07 10月, 2009

鬧鐘

尋覓咗幾個月。

終於...

買到一個鍾意嘅鬧鐘。


06 10月, 2009

《少見不怪》

諗起呢首歌,又響 mp3 機裡不斷重播。

不斷重播...



《少見不怪》

歌手:陳奕迅
作曲:張佳添
填詞:黃敬佩
編曲:張佳添

hey!
這邊的天氣漸回暖 而你可否開心似我所願
當你話給我成全 要跟她好好去戀 無謂繼續去周旋

怎麼今天總要在埋怨 和她一起都想你太心亂
假設什麼也還原 難道會是大團圓 還是惡夢再開端

*而既然分開了 何必又想打擾 
為何愛人丟低了 才來明白對方緊要

#而既然分開了 問好亦不必要 原來我仍想知你
與情人近況 可會對我懷愐(可懷念我)

好!
即使他跟你鬧情變 而我會否即刻到你身邊
不會吧 很心照了 如昨天這麼要好 隨便也敵過驚險

Repeat *#

hey!
這邊的天氣漸回暖 而你可否開心似我所願

03 10月, 2009

《自知之名》

班細路好鍾意跟我做嘢。

令我諗起呢首歌。



藍奕邦 《自知之名》

沒有可愛面孔 不懂嘩眾取寵
未太懂去用言語誇張掩人耳目
一早知道沒那種資格
營造氣氛欺騙觀眾
但那青蛙亦有公主包容

沒有趣緻賣相 只得一對手掌
一邊唱一邊彈 平凡變得漂亮
沒有那個大志去當萬人迷
當了還覺得牽強

沒有想怎麼討好所有人
只知道安守我小小本份
不愛用半句埋怨博取一個憐憫
唯有專心做個知足的人

沒有咋舌技倆 都不必太緊張
醜小鴨跟天鵝 同樣發光發亮
沒有興趣為某君裝扮模樣
堆砌盛世來鋪張

沒有想怎麼討好所有人
只知道安守我小小本份
不愛用半句埋怨博取一個憐憫
從未厭棄過自己身份

就算我知音只一個人
給他去欣賞過仍是有幸
自己都知道還有那一些我沒有
唯有專心做個知足的人

我也不稀罕討好世人
之所以不需多修飾缺陷
不要護蔭更何況我不需要憐憫
從未怕看到這麼逼真

就算我知音只得這鋼琴
都不要緊反正我很開心
自己都知道沒有法子可以完美
唯有安心做個簡單的人

沒法逼你欣賞 給我尖叫鼓掌
但至少我就此發表清楚我立場

01 10月, 2009

重視/被重視

今日我響度諗,點解我會對佢咁好。

我關心佢,我好錫佢,當佢細妹一樣。

究竟我係真係一個好人對人好?

定只不過係自私地想有人關心返我錫返我?

30 9月, 2009

新工作

返咗呢份新工之後,基本上每日都係響快樂之中渡過。

主要原因,係因為一班細路。


辛苦咩?

有時確實係幾辛苦。


但得到嘅快樂可以抵消每日面對嘅困難都疲累。


試用期已過,希望我會順利完成一年嘅合約。


24 9月, 2009

《有病呻吟》

生病嘅日子,特別容易胡思亂想,或者係特別多愁善感...

《有病呻吟》

歌手:張學友
作曲:林健華
填詞:林夕
編曲:林健華

想喝水 給我水
或者高燒可勉強減退
然後鎮靜情緒
忘掉我這裡應該 有誰

不要想 只管睡
肉體安好不要怕心碎
無謂繼續麻醉
期待你會賜給我 藥水

#如果失戀註定逃不過
逃到病床前 才明白更多
和你分手都也捱得過
然而這夜為何
無能力退燒 多麼錯#

不要緊 請辜負
或者傷風比你更可惡
從病榻上回顧
其實愛你太辛苦 何苦

Repeat #

如果失戀註定逃不過
逃到病床前 才明白更多
和你分手都也捱得過
然而這夜為何
難承受痛楚

誰說失戀總會捱得過
捱到病床前 才承受最多
和你分手都也捱得過
為何徹夜難眠
良藥就算苦 請給我

23 9月, 2009

回頭太難

今日收到佢嘅短訊。

佢話佢終於明白、理解同感受到我當日響工作上嘅情況同苦況。

佢已經遲咗職。


佢話佢最近生活得不太如意。

亞媽又入咗醫院,好似好運滯。


我嘅回應,都係循例嘅一些鼓勵說話。

同埋話佢知,我響過去嘅十個月,我過得很好。


無錯,我係專登講嘅。

我要佢知道,沒有佢嘅日子,我比以前快樂。


我唔知佢點解會搵我,可能佢真係冇其他人可以傾訴。

我哋一向都冇咩朋友。

又或者,係其他原因。


不過無論係咩原因都好,我都叫自己唔好諗得太多。

我,肯定唔會回頭。

一切,都已經太遲...

19 9月, 2009

響短短嘅一個星期,已經見到佢喊咗兩次。

一次係因為我同佢玩時整親佢。

一次係今日有同事窒親佢。

不過事後發現,原來佢係因為其他事而唔開心。


每次見到佢喊,我都會唔開心。

其實我唔知係因為係佢丫,定係任何女仔響我面前喊我都會唔開心唔知點咁。


見到佢咁易就喊得出,我好感慨。


因為,我已經有好耐喊唔出。

即使係睇愛情片,我最多都只係流淚。

而我知道,我其實係有需要大哭一場...

13 9月, 2009

不知不覺

如果唔計上次嗰三個星期嘅短暫「錯誤」。

唔經唔覺,我已經單身咗十個月。

過去嘅十個月,個人、生活、工作嘅都轉變唔少。

尤其係個人心理、心態、行為上;有變好、有變差。


身邊出現過而令我胡思亂想嘅人又有幾個。

但始終,唔係嗰一回事。

我其實都未係好知自己想要啲乜。


每一件令我有新鮮感嘅事,我都會鍾意去做。

每一個令我有新鮮感嘅人,我都會鍾意去諗。


秤一秤,呢十個月以嚟嘅我確實係比以前快樂。

但係,缺少愛情生活嘅人生,又確實係枯燥...

06 9月, 2009

後知後覺

搬咗嚟呢間屋都將近十年。

我返咗嚟定居都已經兩年,日日都用同一個廁所沖涼。

如果唔係上次沖涼時俾呢件嘢嚇一嚇。

我都真係唔知原來呢度有個水制位。

我,有點過份...


05 9月, 2009

《姊妹情深》

因為一首《仍能情深愛上》,搵番呢套戲嚟睇。

又因為呢套戲,搵番首《仍能情深愛上》劇場版嚟聽。


31 8月, 2009

《雙城故事》

陳可辛 第一部導演作品。

一直都好想睇,於是買咗碟。

冇預期中好,可能因為已經 out 咗,又可能因為我本身冇 mood ...


一連兩套戲都係 張曼玉,發覺佢真係好得...


30 8月, 2009

《甜蜜蜜》

原來呢套戲都已經十三年了。

最近買番 VCD 重溫了一次。

一樣o既感動...


29 8月, 2009

HOUSE M.D.

終於等到出碟,用咗一星期睇晒成輯。

沉迷 + 上癮...


22 8月, 2009

CD again

屎忽痕想搵嘢買。

行過 HMV, 入咗去搵 張懸 嘅 CD.

自從響《康熙來了》聽過見過呢個歌手之後,鍾意咗。


21 8月, 2009

拍檔

公司終於請到我個 partner 同我亞頭。

今日第一次見面兼開會。


Business 人同社福界嘅人,思想/理念真係好唔同。

好明顯,我同佢哋唔夾...

20 8月, 2009

平時出街,我都會聽住 mp3 將自己與世隔絕。

今日刻意唔帶,想聽吓呢個世界。

兩程車,聽到嘅都係廢話連篇。

有人話人狗眼看人低。

有個師奶講高清不過錯晒。

有個人同一個住院嘅病人傾電話。

有個小巴司機聽 Rock 'n' Roll.


由聽日開始,我決定聽番 mp3...

19 8月, 2009

電台

最近上高登,發現到網上電台嘅活動好似活躍番。

搞到我都心思思想開番台。

不過,我又確實已經乾咗塘。

亦已經唔再可能好似以前咁多愁善感地做節目...

18 8月, 2009

曾愷玹

睇《康熙來了》,有 曾愷玹。

唔明點解可以靚成咁,談吐儀態一流。

如果係香港人,選港姐贏硬。


17 8月, 2009

《渺渺》

買咗一段時間都未睇嘅一齣戲。

感覺不錯。

有些對白,也很有意思。


「你不覺得這樣的幸福好不真實嗎?」

「但是不真實也比沒有好吧!」


16 8月, 2009

《保持愛你》

等咗好耐好耐好耐好耐好耐...終於等到。


睇完,冇咩特別感覺。

唔知點解,最近睇愛情片都冇咩感覺...


15 8月, 2009

CD

已經唔記得有幾耐冇買過 CD.

有次睇雜誌時知道有隻咁嘅碟,某日行過 CD 舗心血來潮之下所以買咗...



14 8月, 2009

Nice moment

預祝「細佬」生日,食餐飯。

去咗一間話咗同佢去好耐嘅餐廳。

我相信去邊間「餐廳」嘅意義唔太大。

意義在於餐飯本身同埋快樂嘅時刻。

13 8月, 2009

無心裝載

我成日以為自己無記性。

終於發現唔係。

原來我其實係對身邊大部份嘅事都「無心裝載」...

12 8月, 2009

偷偷摸摸的親朋密友

今日聽《親朋密友》時聽到呢句:

「未被我撞破 都不願收線」

令我諗起我上兩個星期五晚重遇嘅嗰位朋友同埋「她」。


我記得佢哋傾偈時講過,當佢哋有拖拍緊嘅時候,身邊都仍然會有好多異性朋友兜兜轉轉。

而佢兩個都要神神秘秘咁聯絡。

手機上面對方個名,當然會係「男變女」,「女變男」。

聽佢哋講,好多拍緊拖嘅人都會係咁做。

可能係圈子問題,一個兩個人係咁,其他人好多時都會跟住變成咁。

當然佢哋唔會覺得有咩問題。

喺佢哋嘅角度睇,有嘢又好冇嘢又好,都可以減少另一半發現之後帶嚟嘅麻煩。


我不敢苟同。

我覺得如果一段關係發展到咁樣呃呃騙騙,已經冇咩意義可言。


我都有諗過,如果我真係同一個類似「她」咁嘅女仔響埋一齊,我會點?

我諗,對於佢嘅過去,我會不聞不問。

對於依階段嘅「隱瞞」,我唔會刻意去留意或挖出嚟。

只要,佢同其他人真係冇嘢就可以了...


諗起一首 李克勤 嘅歌,叫《偷偷摸摸》

11 8月, 2009

由舊年十二月到今個月,大大話話都已經買o左六、七對波鞋。

主要原因,當然係因為買o左新衫新褲要襯。


依家行街時,都會有鋪「波鞋癮」。

就算唔買,睇下都好。


不過諗諗下,如果咁都係癮o既話。

咁我o既「Tee 癮」就肯定更嚴重。

近半年,都起碼買o左廿件...

10 8月, 2009

1111

我經常都會見到個鐘係四條一。

無論係 電話、電腦、電視新聞台 定 錄影機 個鐘都係。


基本上我都會響其它時間望鐘。

但每次一見到 11:11 出現時都會呆一呆。


因為 11月11號,係某一個人o既生日。


有o的o野,可能你會想忘記。

但簡單到只要一個電子鐘,就可以令你一世都忘記唔到一個人。

09 8月, 2009

《生日快樂》

最近有鋪翻睇舊戲o既癮。

雖然大部份之前都已經睇過,不過多數翻睇時都唔多記得個劇情。

可以當新戲咁睇。


今晚睇呢套。

雖然記得個結局。

但估唔到,會睇到眼濕濕。

08 8月, 2009

范曉萱

最近又開始響電視上面見到佢。


記得佢初出道o既時候,我已經有聽佢o既歌。

當時o既佢,形象清純過蒸餾水。

當時o既我,亦都只係一個十幾歲o既中學生。

之後到大約 2000年 左右,佢o既形象同歌曲風格變得截然不同。

耳環、紋身、金髮,完全係另一個人,一直維持到依家。


印象中睇過一o的報導,佢話佢以前o既形象只係唱片公司營造出o黎。

依家o既佢,先係佢真正同自己想要o既佢。
(唔知有冇記錯)

有一次響書局見到佢寫o既一本書,好似係講自己o既轉變之類。

望o左兩眼之後冇買。


望住 范曉萱 o既轉變,我開始諗。

究竟真正o既我係點o既呢?

07 8月, 2009

新一頁

今日去o左簽約,新工將於 24/08/2009 開始。

同時見o左將會響o黎緊o個一年一齊做o野o既一班同事,感覺還好。

唯一係未見到我個 partner 同我亞頭。

因為仲未請到...

06 8月, 2009

定案

所有o野都已經傾掂,進展順利。

想離開已經有一年,終於可以實行。


每一小步一小步咁行,到頭來就係一大步了。

05 8月, 2009

天鵝

呢隻「天鵝」,帶唔到一日假期俾大家。

亦帶唔到我提早返香港。


04 8月, 2009

感覺瞬間

陳曉東 有首舊歌叫《感覺瞬間》。

其實同我講o既o野冇咩關係,只係借個名o黎用下。


感情、感覺o既o野真係好奇怪;或者實情係我個人奇怪。

早排先至因為 ex-GF o既一兩個普通o既 sms 搞到左諗右諗好唔好搵番人。

到早兩日遇到另一個「她」之後已經將 ex 件事拋諸腦後之餘又諗「她」諗o左幾日。

到今日我又終於瞓醒叫自己唔好發夢同唔好諗多o左。


所有感覺都可以一閃即逝。

好可能真係代表根本唔係真...

03 8月, 2009

曙光

過去o個一個星期發生o既事唔算太多,但每一件都非常精彩。

好耐都未,或者係從來都未試過生活得咁充實。

人生,的確開始有番o的意義。

02 8月, 2009

大舅父生日,六十大壽。

尋晚我同佢擺o左圍酒,一家人食餐飯。

我o地家人平時狗咬狗骨頂心頂肺,幸好當晚風平浪靜。


我唔叻表達感情。

只係諗到屋企o既長輩年紀越來越大,又冇結婚冇兒冇女。

做細o既,有能力o既時候做到幾多咪做幾多囉。

最緊要佢o地開心。

何況,由細到大佢o地都咁錫我。

我唔知呢o的係咪咁叫「孝」,我只係覺得係時候回報。

01 8月, 2009

一擊即中

響未瞓醒o既情況之下接到 job offer。

原本都猶豫不決,但一諗到尋晚件事。

我就知道有o的o野如果響o個一刻唔好好把握o既話可能就咁就冇o左。

於是...


新工作、新生活正式開始。

31 7月, 2009

又一個「她」

出席一個平常唔會出席o既場合。

機緣巧合之下遇上「她」。


我清楚知道自己咩狀態。

我亦都清楚知道因咩原因佢會帶俾我心如鹿撞o既感覺。

我更清楚我跟這個「她」只係萍水相逢冇結果之餘兼碰不得。


但人總會響好清楚一切o既情況之下仍然繼續自己呃自己。

仍然會覺得係個天係安排緊一o的好事俾自己而唔係跣自己,雖然擺到明一睇就知係跣。

所有發生o既支節都好似係一個好巧妙o既安排令自己覺得o係冇希望之下仍有一絲希望。


結果,我都係做o左一o的我知我唔應該做o既事。

結果,我都係俾o左自己一個我唔應該抱有任何期望o既奢望...

30 7月, 2009

笑忘書

一句到尾:「多謝 細佬!」

29 7月, 2009

開始懂了

請o左假去招聘會,盡了最大努力,希望有回音。

遇到個靚靚社工。


同時間,公司電腦方面又有問題,預o左。

今年從不間斷o既命運,唔可能返到公司o既時候仲有大鑊o野。

處之泰然。


開始學懂盡力去做好一件事...

開始學懂去爭取一o的o野...

終於知道咩叫問心無愧...

28 7月, 2009

認識一個女人,如果用上正式稱謂,應該叫做「情婦」。

但o係其他人口中,係叫做「女朋友」。


見過呢個女人幾次,我都覺得佢 OK。

我亦都以為佢係o個個男人o既「女朋友」。

不過我心裡都有個疑問,就係呢兩個人點解會o係埋一齊?

我對個男人冇咩好感,雖然我唔識佢。

但我知佢環境應該唔錯。


直至有次同人傾開偈,先知道背後o既故事係點。

個男人有老婆,有仔女。

老婆響外國,仔女響香港。

o的仔女都知呢個「女朋友」o既存在。


我唔反對呢o的關係,家家有求o者。

不過好多時o的「大人」話我地呢一輩o既感情事兒戲同無虞。

其實佢地咪又係一樣。

五十步笑百步...

27 7月, 2009

舉步難行

今日無意中響報紙見到星期三有一個招聘會,心思思想去。

十五十六左諗右諗一大輪之後再經兄弟姊妹朋友們鼓勵之下,我決定踏出第一步。


要改變,第一步永遠比較難行。


成功與否,係未知數...

25 7月, 2009

愛理不理

唔知點解,我對好多事都會有一個愛理不理o既態度。


好似上星期唔知邊日,我發覺我廁所入面其中一盞燈壞o左。

我抬頭望一望,心諗:哦,又壞!

曾經諗過換o左佢,不過呢樣o野平時唔係我做開,又唔係暗到沖唔到涼,之後就由佢。

過o左唔知幾多日,忽然間望下天花板先發覺,原來已經換o左個新燈膽。

都係好淡然咁心諗:哦,換o左!

跟住就冇o野。


可唔可以唔再係咁?

24 7月, 2009

水鞋

我有一對 Adidas「水鞋」。


唔知由幾時開始,我對 Adidas 波鞋不斷發出「唧唧」聲。

響公司做o野o既時候,由於環境比較靜o既關係,基本上我行到去邊,公司o既人一聽就知。


同同事傾偈,佢話個問題應該係因為我o係落雨天著過呢對鞋出街,入o左水導致。


由於對鞋實在太嘈o既關係,我決定將佢遣返大陸等落雨時先著。

23 7月, 2009

抵死

已經唔係第一次。

無論我讀咩學咩都好,每次我一走堂都總係會 miss o左o的重要o野。

讀大學時係咁,舊年進修讀電腦課程時係咁,依家連讀興趣班都係咁。


做人,都係規規矩矩好o的...

22 7月, 2009

DRY

我發覺,我個心依家係懸空o既。

冇伴,冇對象,冇目標。


以前有個習慣,總會響我活動o既圈子入面搵個寄託。

依家,連呢樣o野都冇埋。

公司冇,唱歌班冇,其他圈子入面都冇。


苦悶...

21 7月, 2009

平淡

請o左兩日假。

尋日正日生日,晏晝去o左我最鍾意o既 峰壽司 同埋響 CWB shopping,夜晚返屋企同家人食飯。

今日就冇出街,響屋企睇戲打機。

可能好多人會覺得咁樣係浪費o左個假期。

但係咁樣静静地過我已經好滿足。

如果多個伴,當然更好...

20 7月, 2009

三十而立

子曰:「吾十有五而志於學,三十而立,四十而不惑,五十而知天命,六十而耳順,七十而從心所欲,不踰矩。」

三十歲了,但我仍然係戇烚烚。


十歲、十八歲、廿歲、廿一歲生日時,都唔覺有咩特別;可能係我已經唔記得o左。

到三十歲生日,就硬係覺得有o的唔同咁。

但又講唔出有咩唔同。

所以,我今年都煞有介事咁搞大o的。


雖然只係數字上加左一,但實際上其他人都唔會再當你係細路。
(廿九歲時都仲可以掹車邊扮下細)


三十歲了,係時候為人生打算下。

19 7月, 2009

生日趴地

按照慣例,都係響生日前o既o個一個週末開「趴地」。

今年,都係同屋企人過。

原本打算 BBQ,因為天氣關係改為 大食會。


總括全日,係開心。

18 7月, 2009

天公不做美

一早計劃好今晚出街食飯,星期日 BBQ,星期一、二放假 relax 下。

但睇個勢,呢幾日都係要響風雨中渡過。


17 7月, 2009

男人

今日同老細傾偈時講起一個響大陸一齊做o野o既香港同事。

聽完之後,諗起最近響高登見到o既一句說話。

「十個男人九個嫖,一個在動搖。」


真的嗎?

16 7月, 2009

我老母話我講o野態度好差。

我立即聯想到我可能只係一塊鏡。

可能唔係反映佢,不過可能係反映緊我身邊o既另一個人。


好多時我o地都會響親戚朋友身上搵到自己。


其實都唔知係我o地影響緊對方,定自己已經俾對方影響o左...

15 7月, 2009

舊屎

因為一個網友提起一個我已經不太記得o既網友。

於是向其他網友詢問一下之餘順便講番起以前開電台o既日子。

跟住又去摷番其他人o的電台錄音o黎聽。

勾起好多回憶。


因為開台,令我認識到好多朋友(網友)。

因為開台,令我擁有一段快樂時光。


o個段日子,真係好開心。


14 7月, 2009

步步為營

由於今年比較黑仔o既關係,好多o野都唔敢亂o黎。


話說都上o左o黎大陸半年有多,但個煤氣熱水爐一直都同我過唔去。

由一開始,未有煤氣錶顯示剩餘煤氣量o個陣,次次都係到我就冇煤氣沖涼。

到加o左煤氣錶之後,又到條熱水喉有事。

最大鑊o個次係沖沖下涼條喉頭尾接駁位置忽然間亂嚇熱水,縮遲o的都真係死得人。

跟住不斷搵人修理都整唔好,整好又壞,再整好又再壞。

我o的同事就壞都照用,我就知自己黑仔,唔敢博。

所以,我已經沖o左一段時間凍水涼。


最奇o既係,o的同事響o個度住o左幾年一直都冇事...

13 7月, 2009

講就無敵

我記得我曾經同好多人好大聲兼拍晒心口咁講話我會響三十歲前減到肥。

結果,當然係唔得。

唔係因為冇嘗試過,而係依家o既工作同生活時間唔容許我實行我個減肥 plan。

所以,我決定放肆任食一星期。

之後再應承多自己一次。

由三十歲o個日起,我會開始減肥。

一定!!!


聽住先...

12 7月, 2009

《不能說的 • 秘密》

一直都好鍾意呢套戲。

鍾意 桂綸鎂,鍾意 曾愷玹。

2007/10/15 睇第一次,到今日入埋 Blu-ray 版再睇多次,感覺依舊都在。



11 7月, 2009

《老了十歲》

問堂妹借o左隻雜錦碟聽,無意中聽到呢首歌。

首歌o既o個種悲,一聽之下,立即愛上。


《老了十歲》

歌手:張敬軒
作曲:伍仲衡
填詞:林夕

情緒 死了 元氣 散了
力氣 未夠令愛移調

和你 夢醒了 第三者彷佛必要
而你 樂意 被纏繞

*怎想到我像被人隨便拋低的玩具
 還不知應要怪誰 難道我豁得出去
 怎想到你被別人狂追便成為伴侶
 善變沒有罪 卻是壯舉

 良心可一敲即碎 女人開始使我恐懼
 遺失了你才明白我會消失了生趣
 連心肝都可失去 然後犧牲我的眼淚
 讓我 為你難堪下去 (像老了十歲)*

難以 慘叫 唯有 苦笑
時間 為紀念你停掉

和你 避不了 指尖鬆脫的一秒
就似 自我 被焚燒

REPEAT*

巴不得一飲即醉 至少不必恐怕進睡
為一個你難承受痛苦是我的不對
消失的擺於心裡 然後花光我的眼淚
便會 累到無知睡去

10 7月, 2009

蔡依林 & S.H.E.

睇《康熙》睇到 蔡依林 同 S.H.E.

之前冇睇過佢o地o既訪問,冇睇過任何有佢地o既節目。


原來 蔡依林 都 OK 喎,唔係響雜誌、CD 封面、海報、MV 出現o個陣。

響《康熙》簡簡單單普普通通咁幾好幾吸引。


至於 S.H.E.,都幾好。

不過冇一個係我鍾意o個種 type。

雖然 Hebe 係靚女。


唔,「台毒」發作...

09 7月, 2009

一直都好想離開公司,越快越好。

可惜因為自己同其他外在因素,所以遲遲未走到。

每次知道要延期,我就會唔知點咁。

又基於某程度上o既責任心,我唔想咁不負責任一走了之。


想走又走唔到又好想快o的走o既呢個心理狀態令我每日都好苦惱。


今日有個朋友同我講:

「仲有幾個月,你不如疊埋心水搞埋佢,都唔爭在啦。」


有道理。

何必為難自己...

08 7月, 2009

奇景

今朝大陸天朗氣清,萬里無雲。

抬頭一望,仲咁o岩見到有架飛機飛過。

七個月以o黎,第一次。

07 7月, 2009

貪新鮮購物狂

我相信我係一個貪新鮮o既人,而且有o的病態購物問題。


好似我o個部只係用o左半年o既手機,我已經想換o左佢。

又好似我o個部用o左兩年仍然操作正常o既相機,我又想換埋佢。

買o左部 Amp 之後,又想買 Netbook。


成日都好想買呢樣買o個樣。

連 VCD、DVD、Blu-ray 都可以無端端掃一大堆。


每次駛完錢,都會心情舒暢...

06 7月, 2009

天將降大任於 ...

今年o既生活、心情,經常都好似坐過山車咁。

忽上忽落。

其實,正常o既人生都可能應該係咁。

只不過係我之前唔正常。


不過,今日真係有o的頂唔順。

不期然同個天講:

「不如你直接攞我命啦!」

「嗱, 命就有一條, 要唔要?」


我唔想亦冇打算過做「斯人」...

05 7月, 2009

親人

唔記得由幾時開始,我好享受「家庭生活」。

唔係講緊結婚生仔兩公婆o個種,而係一家人齊齊整整o個種聚會。

例如:做節食餐飯,某人生日燒次o野食 之類。


曾幾何時,我都好唔鍾意呢類節目。

但隨住年紀越來越大,越來越覺得家人重要。

雖則佢o地唔可愛...


可能係因為,我知道佢o地終有一日會離開。

我怕失去,所以珍惜...

04 7月, 2009

享受

新玩具到埗。

左駁右駁搞足一日。

好開心。

之後睇o左一個演唱會同一套戲。

正!!!

03 7月, 2009

運吉

今日響銅鑼灣食晏,近嘉蘭中心,於是走去睇車。

T恤 + 短褲 + 背囊,點睇都唔似買得起一部「Ben 士」。

咁講真,我又的確係買唔起。


入到去o的 Sales 望一望我之後真係 show 都唔 show 下我。

直到我坐上架車度左搞右搞先至行埋o黎,不過都係一言不發。

咁我唯有扮下o野問下o野,問下幾時有貨,有咩色之類。

佢又即管扮下盡責咁敷衍下我。

吹o左兩咀之後我就閃人。


其實走入去「運吉」o既主要原因,係想睇下依家o的 Sales o既態度。

證實一下呢個世界真係好現實。


我已經認住o個條友,下次去落訂o個陣佢就知,哈哈哈!

02 7月, 2009

講得出口

可能好多人都會覺得我好多時講o野都唔會理人感受。

其實我係想講出自己o既真正感受之餘仲刻意要對方感受下我o既感受。

因為好多人係唔鬧唔醒。


我今日好想同一個人講o既一句說話係:「其實我o地多你一個唔多,少你一個仲好呀!」


呢句說話,亦可以間中用o黎提醒下自己其實我係一樣幾咁唔重要...

01 7月, 2009

新玩意

經過一輪左諗右諗心大心細十五十六之後,終於買o左我人生第一部 amp (擴音機- Amplifier)。

如果唔係多得「師父女」推波助瀾,都下定唔到決心。

介紹「師父女」俾我識o既o個個朋友話,我已經正式跌o左落「燒銀紙玩意」o既行列。

我相信我冇跌落火坑,或者係未。

因為當「師父女」好雀躍咁同我講o個o的過萬甚至過十萬o既音響o既時候,我仍然冇咩感覺。

我只係諗:咁貴,癡線o既咩!

30 6月, 2009

ex

一個簡單不過o既短訊,將我從平靜裡徹底咁抽o左出黎。

半年以來,第一次聯絡。

我刻意好平淡咁回覆。

我唔希望佢會諗多,我更要制止自己諗多或做多。

我唔想重複犯錯...


《重複犯錯》

主唱: 古巨基
作曲: 陳輝陽@好好笑
編曲: 陳輝陽@好好笑
填詞: 林夕

不知你 難過寂寞
聽到你說 毫不快樂
令我想 我這一生往後娛樂 亦難快樂

如若我還尊重愛情
無謂問那次飛關島暢泳
其實你 找不到任何的高興

也許跟我吃喝進睡
會一生都使你有陰影 但求要逃命
彷彿以往接吻過程
無異於吻過路人 所以細雪無聲

*突然之間很喜歡你恨我
 我從未愛到 要生生死死那麼多
 結束感情最悲壯結果
 原來似 以掌心撲火

 未算得到 偏得到你是哪位錯
 難道你我以相戀失戀去切磋
 會令情侶受苦已是愛
 但我答應我永不要重複犯錯*

最慘戀愛會有過程 到沙灘多一次看星星 亦難以償命
當初與你有過愛情 同樣一吻有任何反應 已結成冰

如若我還尊重愛情
我會放棄了呼吸般鎮定
唯望你 吻別時做回些反應
沒有感情不怨命

REPEAT*

回味過去每一吻
真切得 於嘴邊掠過
你的內心竟在避我

29 6月, 2009

《He's just not into you》

買o左碟一段時間都未睇。

結果喜出望外,非常正!

尤其係講點解唔需要結婚o個段。

相信好多人睇呢套戲時都會好有共鳴。

又要破費買隻有英文字幕o既 DVD 或 Blu-ray 版本了。


28 6月, 2009

《UNDERWORLD: Rise of the Lycans》

我好鍾意 UNDERWORLD o既第一同第二集。

非常鍾意o個隻。

未睇呢套前傳之前知道冇 Kate Beckinsale 時都估到會出事。

結果,真係失望到極點...


27 6月, 2009

第二最愛

今日剪完髮走人打算拎番把遮o既時候,發覺有人拎錯o左我把遮走。

一把我好鍾意而又冇得賣o既遮,公司o野,地產商送o既。

又夠大又夠硬淨,好o野難求。

o係我唔想求其拎走其他人把遮o既情況之下,我唯有去買過把。

左揀右揀之下買o左一把o係o個個地方叫做稍為滿意o既。

不過始終都係之前o個把好。

響唔見遮o既o個一刻,其實都幾唔開心...

26 6月, 2009

受不了

今日出街坐小巴o既時候,處於一個痛苦環境。

前面一個懶靚八婆全程傾電話嘈喧巴閉。

右面一個真係幾靚有林莉 feel o既女仔全程同亞媽傾偈不過有把低 B 聲。

耳朵受罪...

25 6月, 2009

《愛在記憶中找你》

嘩,亞 sir 教新o野,但係我唔識呢首歌呀!

《愛在記憶中找你》

主唱:林峰
作曲:鄧智達
填詞:張美賢

我對你 這一生 哪個可比
我與你 差一些 永遠一起
邂逅時間場地 似連場好戲
要 自何頁說起

愛太重 深呼吸 欠缺空氣
愛太美 輕輕的 卻載不起
愛情來到時候 似明媚天氣
她走了 突然驟變雪落雨飛

*如果可以恨你 全力痛恨你
連遇上亦要躲避
無非想 (要) 放下你 還是掛念你
誰又會及我傷悲
前事最怕有人提起
就算怎麼伸盡手臂
我們亦有一些距離

REPEAT* (*)

你太遠 該怎麼 說對不起
你太近 一轉身 卻已高飛
快樂也許太短 似場流星雨
一眨眼 就如幻覺怕又記起

我情願我恨心憎你 我還在記憶中找你

24 6月, 2009

好心做壞事?

有個女同事有臭狐。

其實我發現o左好耐,一直都想提點下佢點樣可以清除o個陣味。

不過唔知點開口。

我亞媽同我講過,o的人有臭狐好多時自己都會唔知。

或者,係唔知點處理。


記得情人節o個日,佢著得好靚,明顯係o約左人。

不過佢一行近你,你就會聞到o個陣味。

o個一刻,我覺得佢好慘,我好想幫佢。


今日,又同佢一齊做o野。

大熱天時,情況依然一樣。

於是我同朋友研究點樣可以免尷尬免現身o既情況下幫到佢。

最後覺得,一封唔係我筆跡o既匿名信加一支香體止汗劑可能係最好o既方法。


我最驚o既係:

1/. 俾人知係我做。

2/. 佢會喊。

23 6月, 2009

《你要的愛》

有日睇《康熙》,見到 戴佩妮。

醒番起呢首《你要的愛》(台灣電視劇 - 流星花園 片尾曲)。

原來都已經 8 年。


聽番呢首歌o既時候響度諗,我依家o既戀愛態度,都有o的似歌詞o既最後一段咁。

如果有個女仔好似呢首歌咁而又出現響我身邊就好。



《你要的愛》

主唱:戴佩妮
作曲:戴佩妮
作詞:戴佩妮 

雖然經常夢見妳 還是毫無頭緒
外面正在下著雨 今天是星期幾
But I don`t know 你去那裡

雖然不曾懷疑你 還是忐忑不定
誰是你的那個唯一 原諒我懷疑自己

我明白 我要的愛 會把我寵壞
像一個小孩 只懂在你懷裡壞

你要的愛 不只是依賴
要像個大男孩 風吹又日曬 生活自由自在

22 6月, 2009

將來!?

同同事傾偈,講起我o個個「只租樓不買樓」o既理論。

佢好簡單問一句:「老o左點算?」


係喎,我冇諗過呢個問題。

因為我一向o既思考方式,都係「冇將來」o既思路。

即係即使今日死o左,都唔會覺得可惜o個一種。

對將來冇打算...

對未來冇期望...

21 6月, 2009

私人公眾地方

唔係好明點解,任何屋企成員都唔會當我間房係我o既私人地方。

亦都從來冇考慮過我需要私人時間同私人空間。

所以每逢放假有人o黎,我間房都係擠滿人。


我打機咩,總有一個人響度用我部電腦。

我睇電視/睇戲,又總會有人響我間房度傾偈。

明明屋企有幾部電視,點解係都要入我房睇我o個部?

都係o個o的台o者...


唔係話好介意,但係都唔好全天候有人留響我間房度丫。

我其實唔駛有人陪囉!

20 6月, 2009

十六圈

一口氣打o左十六圈。

扣除食飯同休息時間,都大慨用o左十個鐘。

其實都幾攰。

19 6月, 2009

妹妹仔

正如之前o既「公式」所講,我可以接受 (+2) 至 (+7) 呢個 range。

所以最近出街o既時候,不其然都會留意下o的「妹妹仔」。


今日去 Time Square 行街o既時間,都有兩個妹好仔令我眼前一亮。

係o個o的一望個腦就自然會諗「嘩,掂呀!」o既妹好仔。

我估,隨時都係得 16 歲左右。

依家o的女仔,真係好識打扮,再加上青春無敵,真係好吸引。


我開始明白,點解有咁多上o左年紀o既 uncle 會鍾意o的妹好仔。

18 6月, 2009

Star Trek

今日趁有空檔去睇o左齣戲,因為好似好耐冇入過戲院。

睇o左《Star Trek》(星空奇遇記)。

一般;投入唔到。

一來係因為睇戲中途接o左兩個公司打o黎o既電話。

二來係我本身對呢類星球大戰片種冇咩興趣。

揀呢套o黎睇都係因為想有o的官能刺激同埋時間o岩而已...


見到做 Spock o既 Zachary Quinto,個腦都仍然當o左佢係《HEROES》入面o既 Sylar。



17 6月, 2009

主播

越來越鍾意睇新聞、財經同天氣報告,因為o的主播越來越靚。

雖則靚唔靚真係好見仁見智。

不過依家o既主播樣貌質素比以前o既好又的確係事實。


瘦,樣貌唔錯,斯斯文文,有笑容,說話大方得體。

做女朋友或者做老婆搵呢o的都好o岩。


TVB 郭詠琴、鄭萃雯、龔偉怡、郭詠嘉;ATV 黃珊、李卓敏。

我都好鍾意睇。


反而好多人鍾意o既 周嘉儀、林小珍、黃婉曼、曾美華 我就冇咩興趣。


16 6月, 2009

粗口

我平時好少講粗口,唔好話粗口,連粗俗說話都少。

尤其係響女仔面前。

講得最多 (粗口/粗俗說話) o既兩個情況,一係同個 老表/兄弟 msn,一係打機o個陣。


唔知點解,可能係由細訓練到大o既關係。

好自自然然響某o的人面前講o野就可以自動 tune 到去冇粗口o個個 channel。


奇怪o既係,我依家好多時都會俾異性朋友o既一句 粗口/粗俗說話 搞到啞口無言,唔知點應對。

次次都打一個突...

15 6月, 2009

公式

響朋友口中聽到一條公式。

最理想o既女朋友年齡係:

男方年齡 除以 二 再加 七

如果個男人係 30 歲:

30/2 + 7 = 22

就即係話搵個 22 歲o既女朋友就最 fit。


之後我諗,以我最近o既「口味」,應該由 (+2) 至 (+7) 呢個 range 我都可以...

14 6月, 2009

台毒

呢排,中o左台灣毒。

響香港o既時候,不斷睇台灣o既節目:

《天才衝衝衝》《康熙來了》《超級大頭目》《冒險奇兵》

坐車o既時候,又不斷聽國語歌:

《癡心絕對》《手放開》《最近》《黑色幽默》《童話》《曖昧》等等...

又覺得台灣女仔好吸引:

劉心悠、曾愷玹、艾莉絲、小嫻、趙虹喬、江語晨、迅猛龍、宋紀妍、張懸 等等...

上網 chat o既時候又好鍾意同台灣人傾偈。

又打算七月中去台北旅行。


已經癲o左!

13 6月, 2009

《唯獨你是不可取替》

因為雜誌o既一篇報導談及一首歌及一幕畫面。

所以我買咗張《東亞華星演唱會》blu-ray 碟。

又因為由 鄭秀文 主唱加上 許志安 和唱o既《唯獨你是不可取替》呢一幕再加上歌詞內容。

令我好感動亦好感慨。


睇完o既時候我o係度諗,如果有一日我遇到一個人而我又響婚禮上好真心咁唱呢首歌俾佢聽。

應該係一件幾美滿o既事。



《唯獨你是不可取替》

歌手:許志安
作曲:Tetsuro Oda/Sho Uesugi/Miho Nakayama
填詞:梁芷姍

曾聽說有許多戀愛 沒有結果卻剩傷心者感慨
令我都刻意避開 是我不敢相信真愛
但你不惜真心真意對待 竟令我再感到意外
讓我獻出同樣被愛 全面喝采

如果今天將失去眼前的一切 剩低清風兩袖也不計
唯獨你一個是不可給取替 是我生命裡的一切
如早知今生跟你有幸可相愛 在當初應更努力為未來
其實我知道是可一不可再 下半生准我留住你 一直相愛

誰似你這般欣賞我 誰也說不上你一般清楚我
問我可需要甚麼 願你終身交託給我
讓我一生好好把你照料 請讓我體恤你需要
為你獻出全堤愛 從來沒缺少

如果今天將失去眼前的一切 剩低清風兩袖也不計
唯獨你一個是不可給取替 是我生命裡的一切
如早知今生跟你有幸可相愛 在當初應更努力為未來
其實我知道是可一不可再 下半生准我留住你 一直相愛

其實我知道 是可一不可再 下半生准我留住你 一直相愛

12 6月, 2009

完結

經過o左八個月o既時間,終於將之前做 trading 時o既手尾搞掂。

希望「腸胃焦慮症」從此消失。

11 6月, 2009

旁觀者清?

今日同個同事食晏,男性。

兩個男人,話題不外乎o個幾樣。

傾傾下偈,佢忽然間講o左句:「你變o左!」


我心諗:「唔,我自己知自己事,我把口係咁講o者,有幾多我又真係會做...」

10 6月, 2009

病發

「腸胃焦慮症」又o黎...

對上一次都好似已經係兩個月前。

09 6月, 2009

夭心夭肺

每次聽到呢首歌,都總會有點內疚...

《心亂如麻》

歌手:衛蘭
作曲:雷頌德
填詞:林夕
編曲:雷頌德

因初吻著你想慶賀 你卻開始疏遠我
假使你是覺得怯懦 你會不會拒絕我
你有意欲去找我 你會通電再會過
如實在認真喜歡我 或是有心敷衍我 如今只有三歲都清楚

*是你不想我啦(嗎) 什至不找我啦(嗎)
 無非幾天變化 就像刮我幾千巴
 難道你共我親吻抱擁之後竟有偏差
 不想和我好 請求(不如)直說真話*

很想你是愛得懶惰 至會多天不理我
心境正逐秒鐘跌墮 我哪一樣有做錯
過去你極愛惜我 快慰之後侮辱我
曾自問自私開心過 自問自卑擔心過 如今的我只要知清楚

Repeat*

沒有膽色纏你 心亂如麻
回去吧 回去吧 來讓我傷口結疤

Repeat(*)

08 6月, 2009

老o野

最近上網玩一個叫 Omegle - Talk to Strangers o既o野。

遇到o既人,大部份都細我一大截。

16 ~ 22 歲係最常遇到o既年齡。

不論國籍,都係介乎呢個 range。


出去學唱歌,後生o個一批又係細我一截,4 ~ 10 年都有。


似乎,我經常或鍾意做o既o野都已經唔再適合我呢個年齡去做。

但偏偏,我就係依家先開始享受去玩呢o的後生仔女o既o野。

有時,都幾灰...

07 6月, 2009

準備破產

終於俾我響香港搵到有得賣其中五款。

每支 HK$999。

如果買晒o既話...


06 6月, 2009

E-Class Coupé

要我揸呢架o野?

唔好卦...


05 6月, 2009

一刻

今晚同朋友響將軍澳打邊爐,盡興。

散 band 之後,依舊行去搭小巴返屋企。

行番以前送完女朋友返屋企之後行去搭車o既o個段必經之路。

同一時間,由於異常開心o既關係,想打俾人分享。

拎住電話,唔知打俾邊個。

唔係冇朋友可以打,而係我可以打俾佢地o既朋友並唔認識今晚同我食飯o既朋友。

就係分享完,都唔會有咩共鳴。

相信只有一個「女朋友」,才適合去分享我o個一刻o既快樂。

可惜,冇。

響o個一刻,我真正感覺到「空虛」同「寂寞」...

04 6月, 2009

六四

廿年了,當時我八歲。

印象依稀,但未至於冇。

但感覺不深。

最記得我老豆叫我一齊睇電視,之後同我講。

「阿仔,睇清楚,呢個就係共產黨喇。」

言猶在耳...

03 6月, 2009

平平無奇

沒甚麼事做,就這樣坐了三天。

開始想為什麼。

開始想離開。

02 6月, 2009

郁身郁勢

每次出街或歸家,都免不了要坐小巴。

如果可以,我必定揀單人位。

如果冇,通常都會幾黑仔下。

遇著靚女坐隔離就一定冇份。

全程傾電話都還好,可以八卦下,或者聽歌蓋過。

但當遇著個成日郁身郁勢o既,好多時都會好痛苦。

隔無耐就撞到你或者郁你兩郁,有時真係想郁佢。

尤其係,訓訓下俾佢郁醒...

01 6月, 2009

哭笑不得

自己公司,有個同事,大陸人。

有一張紙寫o左個款號,我叫佢寫個數量響旁邊。

佢寫 "9",我話應該係 10 喎。

咁佢就即刻響 "9" o既右邊寫 "+ 1",變左 "9 + 1"。

我話你寫個 "10" 啦,清楚o的。

跟住佢就改為 "9 + 1 = 10"。


我真係想死...

或者殺o左佢!

31 5月, 2009

長生不老

係咪有一種基因病,會令人延遲衰老?

即使已經三、四十但個樣仍然似十幾歲?

如果係有o既話,我今日遇到一對咁o既夫妻。

如果係冇o既話,咁我今日遇到o既係一對非常人細鬼大o既情侶。


30 5月, 2009

吃喝玩樂

吃 - 中午飲茶。

玩 - 下午唱K。

喝 - 夜晚自隊。

樂 - All of the above.


29 5月, 2009

Star Wars Lightsaber

因為睇o左《愛到底》,我鍾意上一件玩具。

因為搵呢件玩具,我先知呢把o野叫 Lightsaber。


我係一個 Star Wars 白痴。

對 Star Wars o既所有o野我係一無所知。


我開始搵呢件玩具。

因為我想有一日,可以好似戲入面咁,搵到一個情人之後好欣愛咁互劈。



28 5月, 2009

端午節

今年冇食糭。

因為屋企冇糭食。

-完-

27 5月, 2009

待薄

食o左一餐非常把鬼o既燒烤。

食o左半碗從未如此「硬淨」過o既日本米飯。

呢餐飯,真係待薄o左個朋友。

不過諗番,好似次次同佢出去食飯都 食唔到/試唔到 好o野。

都唔知係我黑定佢黑,哈哈!

26 5月, 2009

專業消遣

我又發覺我冇咩「專業消遣」。


我鍾意o既消遣,來來去去都係o個幾樣。

睇戲睇電視打機打籃球打下麻雀唱下K咁。

講睇戲,我又真係齋睇齋享受,唔似其他人又研究導演手法研究鏡頭分鏡之類一大堆研究。

講睇電視,我亦都係齋睇齋嘻嘻哈哈睇完就算,唔似其他人又分析劇情人物結構之類一大堆,可能我少睇電視劇。

講打機,我玩來玩去都係 Winning,間中先玩下其它例如揸車或冒險或打鬥遊戲,又唔似其他人會好努力咁鑽研技巧或有決心打爆機。

講打籃球,我又係冇咩技術可言除o左射三分,唔似其他人咁獨當一面。

講打麻雀,我都係至在打下兼同屋企人朋友嘻嘻哈哈玩下,唔似其他人咁係麻雀精。

講唱歌,我都仍然係學習階段,亦自知冇咩天份,至在同朋友一齊開心下,唔似其他人咁一鳴驚人。


仲有冇其他消遣?

好似冇...

不過想玩想學想精o既反而有一樣,就係「篤波」。

可惜冇腳...

25 5月, 2009

專業興趣

我發覺我冇咩「專業興趣」。


例如有o的人,對影相好有興趣兼對攝影用品有一定認識而佢又唔係做o個行。

又例如有o的人,對巴士路線及巴士型號甚至引擎款式都瞭如指掌但又唔係巴士司機。

再例如有o的人,對飛機大炮坦克等軍事用品o既熟悉程度可以如數家珍般但響香港就連兵都唔駛當。

諸如此類...


我諗一諗自己,真係冇樣「專」。

極其量叫做對電腦方面熟識o的。

掹車邊叫做對影音產品有o的認識。

一般男人有興趣o既車,我可以話係一竅不通。


我究竟需唔需要有理冇理都搵番樣o野去「專」一「專」呢?

唔...好可能係時候有咁o既需要...

但係...「專」咩好呢?

24 5月, 2009

24小時麥麥送

麥當當外賣終於都送到o黎我呢o的偏遠o既地方。

以後懶出街食飯時隨o左 Pizza Hut 之外又可以多個選擇。

YEAH ~ !

I LOVE JUNK FOOD ~ !


23 5月, 2009

止痕

等o左唔知幾耐,終於有麻雀打喇,止一止痕。

真係俾麻雀蟲咬都咬死。

快樂的一天。


22 5月, 2009

又上腦

中o左毒,不停聽,不停哼,不聽唱...

《童話》

作曲:光良
作詞:光良
編曲:Taichi Nakamura

忘了有多久 再沒聽到你
對我說你最愛的故事
我想了很久 我開始慌了
是不是我又做錯了甚麼

# 你哭著對我說 童話裡都是騙人的
我不可能是你的王子
也許你不會懂 從你說愛我以後
我的天空星星都亮了

我願變成童話裡 你愛的那個天使
張開雙手 變成翅膀守護你
你要相信 相信我們會像童話故事裡
幸福和快樂是結局
Repear #

我要變成童話裡 你愛的那個天使
張開雙手 變成翅膀守護你
你要相信 相信我們會像童話故事裡
幸福和快樂是結局

我會變成童話裡 你愛的那個天使
張開雙手 變成翅膀守護你
你要相信 相信我們會像童話故事裡
幸福和快樂是結局

一起寫我們的結局

21 5月, 2009

升班

話咁快,一連十二堂o既「歌唱技巧訓練初班」已經上完。

真係快活不知時日過。

不見得歌唱技巧有咩進步,但係就識o左o的新o既朋友同有過一段開心o既日子。

三個星期後,就會開始「歌唱技巧訓練中班」。

到時又有得玩有得笑,哈哈哈!

20 5月, 2009

廣播劇

好耐冇聽廣播劇。

記得以前好鍾意聽。

《天空小說》《我沒有愛錯》《獨臂少年》《戀愛1/2》《戀愛後1/2》《來不及聽你說愛我》等等...


最近,聽緊一個廣播劇。

《最好的時光》

幾鍾意。


我諗係因為個故事背景係講番我年青時候o個個年代o既o野o既關係。

有感覺,有共鳴。

19 5月, 2009

價值

每個人都有一個「利用價值」。

如果其他人想你o係某一個時間某一個地方出現,背後總會有一些原因。

當你發現呢個「背後原因」o既時候,你就可以衡量到你自己存在o既「意義」同「價值」。

好多時,都會出乎意料。

唔係你會發現你對其他人o既重要性有幾大。

而係你會發現,原來自己係幾咁唔重要。

18 5月, 2009

倒數

仲有差不多兩個月就到生日,即係剩番兩個月時間要減 15 磅。

不過o的飲食習慣仍然處於失控狀態。

點算?

17 5月, 2009

休閒星期日

真真正正全天候休息乜都唔做o既一日。

打機,睇電視,睇戲,聽收音機。


愛上聽:

《妹妹的情書》廣播劇-《最好的時光》


咦?會聽到感觸o既?

16 5月, 2009

迴光返照

唔係犯太歲咩?

點解呢期運氣好似幾好咁?

連六合彩都有得中,仲要收幾千蚊。


總覺得呢排順順利利,遲o的肯定有大鑊o野仆到直一直...


唔,居安思危...


15 5月, 2009

密碼

現代人,要記好多密碼。

Email a/c、上網 a/c、電腦 login、forum login、提款咭、網上理財、電話理財、馬會投注 等等,好多好多...


以前有拖拍o個陣,全部都係用女朋友o既名或者生日o黎做密碼。

分手之後,一次過改晒。

但隨住時間一路過,就會發現原來好多密碼都未改。

一次又一次咁,不斷回憶住佢個名同生日日期。

終有一日,可能會轉晒o的密碼。

又或者,o係未轉晒之前,唔知響邊一日,又會換上另一個人o既名同生日日期...

14 5月, 2009

唱歌班

如果要數每個星期o既歡樂時光。

星期四晚o既唱歌班一定有份。

實在太好玩!

13 5月, 2009

冗員

原來,坐o係度三日,都可以坐到攰。

冇乜o野做,要做o個o的又唔想做。


11 5月, 2009

失控

係咁食,係咁食,係咁食。

開始失控。


距離減十幾廿磅o既 deadline 大概剩番兩個月多o的o的,係時候收歛一下了...

10 5月, 2009

母親節

可以一家人齊齊整整咁有講有笑飲一餐茶實在係人生中其中一件值得開心同珍惜o既事。

我依家好鍾意同好享受同屋企人一齊o既時間。

可能因為開始年紀大...

08 5月, 2009

最近

睇《天才衝衝衝》時聽到呢首歌。

又係好應棍o既一首歌。

唉...



《最近》

唱:李聖傑
曲:譚志華
詞:譚志華

你最近不說話 怎麼了 為什麼
是不是有什麼事讓你不快樂
聽說你最近很孤單 有點亂 有點慌
可是我卻不能夠在你的身旁

你想要的我卻不能夠給你我全部
我能給的卻又不是你想要擁有的
我們不適合 也不想認輸
好幾次我們抱著彼此都是想要哭

你常解釋這樣的一切都只是開始
我覺得是所有的一切早就已結束
不想再約束 不要再痛苦
下一次會有更好的情路

愛 我卻不能給你我全部
我能給的卻又不是你想要擁有的
我們不適合 也不想認輸

好幾次我們抱著彼此都是想要哭
你常解釋這樣的一切都只是開始
我覺得是所有的一切早就已結束
不想再約束不要再痛苦
下一次會有更好的情路

這一次我們都能很幸福

07 5月, 2009

觀摩

今日o係全班同學面前唱o左首 《思覺失調》

表現如何?

還可以吧。


對於唱歌,原來我心裡面有團火!

06 5月, 2009

心野

賣衫個 sales 姐姐好似幾好;

賣化妝品個 sales 姐姐又好似幾好;

食飯時坐隔離o既兩個妹妹仔又好似幾好。


係咪個個男人都係咁?

05 5月, 2009

澳大利亞

今朝訓醒o既時候忽然間諗,原來我已經冇諗住要返澳洲好耐。

可能係因為最近o係香港o既生活都幾愉快o既關係。


其實我一直都唔討厭香港生活,只不過係唔適應。

依家搵到樂趣,o係度生活就更加唔係問題。

但我相信,應該都係澳洲適合我多o的。


再加上,之前已經考慮過會留o係香港陪番父母十年八載。

所以,應該可以忘記澳洲一段時間了。

除o左想去旅行散心之時。


曾經當o左澳洲係半個家,估唔到依家已經忘記o左呢個地方...

04 5月, 2009

背道而馳

過去o既一星期,完全冇留意自己o既飲食。

明明要減肥,但就偏偏好似要增肥咁係咁食。



最大o既問題係,食極都仲未完全釋懷。

可能仲要食多一排。

唉...

03 5月, 2009

樂此不疲

三日假期。

第一日:
香港島一日遊。
由東邊o既 哥連臣角墳場/懲教所 去到西邊o既 數碼港/香港仔 再到中間o既 北角。
唔係去玩,係去拜山同整電腦。
不過好 enjoy.

第二日:
表弟生日,下晝去九龍灣打 indoor paintball war game + 夜晚 BBQ party.
war game 好玩,但唔夠喉,或者到我生日時再去多次。

第三日:
中午食o左餐有所期待o既漢堡包,之後兩點半開始唱 K 唱到七點之後再去埋旺角飲一餐又係有所期待o既夜茶,返到屋企都已經十一點半。
全日 happy, 除o左聽見自己難聽o既歌聲o既時候。

依家o既生活,好可能就係我想要o既生活。

同獨家村生活說再見...

28 4月, 2009

如風

算是告一段落了吧。

我估...




王菲 - 如風

來又如風 離又如風
或世事通通不過是場夢
人在途中 人在時空 
相識也許不過擦過夢中
 

27 4月, 2009

放題

呢幾日,放肆咁食。

原因,係我唔開心。

雖然唔開心o個個唔應該係我。

但唔代表我一定會好過。


食o野,肆意咁食,就會開心。


減肥?

暫時冇乜理智,唔諗住。

26 4月, 2009

墳墓

今日又同一個十年冇見o既朋友食飯。

又係o岩o岩結o左婚冇耐。

又係覺得結婚之後少o左自由。

又係典型已婚男人會呻o個o的o野。


我覺得,如果我選擇結婚,我唔會係咁。

我應該會好享受。

不過,我覺得而已...


我依家唔敢再去肯定我肯定o既o野...

25 4月, 2009

我不是好情人

呢首歌一向都響我部 mp3 機入面,一向都鍾意呢首歌-獨唱版。

今日 random 到出o黎,從未如此有共鳴過。

當我代入女方o既身份去聽o既時候...



你不是好情人

歌手:蔡卓妍
作曲:蔡卓妍
填詞:林夕
編曲:謝國維@Baron

我知 你想走 因愛得我未夠
明知 你覺得玩厭時候 萬樣借口
曾聽你 說我姊妹過分賣力
便是愛盡頭 這種愛 沒法接受

我知 沒了電 因你一向善變
明顯 我信得到愛情後便大過天
誰知你 懶去檢點 我像賣藝
賣盡我笑臉 原諒也徒然
我太犯賤 你未道別便愛多天

*痛恨你這情人非好情人
 你閒來出手勾引
 如今教我驚震
 被你熱吻是狂賣性感

 夢中情人極好品
 我誤信我靠真心改變緣份
 我也真太笨 (就是被狂吻)
 無能為力也苦吻 (情人同樣變心)*

已經 沒眼淚 戀愛非錯便對
明知 與你相戀多長命 亦未會娶
曾聽說 你那顆心愛定事業
現在有著誰 其實當玩具
偶爾玩累 再遇玩具便會想追

REPEAT*

#我讓我得到卻未到
 令我更相信漫遊花都無芳草
 我哭泣喝著醋#

REPEAT*#

庇護站

有個朋友個 blog 叫《我還在這裡》。

我都想講句,好慶幸 我還有這裡...

24 4月, 2009

簡潔

除o左「捉蟲」之外,我諗唔到一個更貼切o既詞語去形容我心裡面對現有呢段關係o既感覺。

23 4月, 2009

前度

以前視之為缺點,今日回望竟然覺得有可能係優點。

「原來,她很好...」

腦海忽然閃過呢個念頭。


但,不代表會回頭...

22 4月, 2009

轉變

我變了。

於不知不覺之間。


過去o既一段八年關係,令我對戀愛o既態度有所轉變。

或者係,適應o左一個模式。

忽然間要投入另一個不同o既模式,不習慣。


過去o既一年 半單身 + 單身 生活,令我對生活o既態度有所轉變。

我o既世界唔再只係得 女朋友 + 愛情。

忽然間要將時間由 三份(自己 + 家庭 + 朋友) 分成 四份(自己 + 家庭 + 朋友 + 愛情),顯得有點力不從心。


原來依家o既我,已經唔再係我口中以往認識o既我。


曾經將愛情放在第一位,今天竟然覺得單身可能比較快樂。

可能,係對象問題。

或者,係我自己有問題。


可惜,開始得太快,發現得太遲...

了解

一段關係開始o既時候,總會有好多溝通o既機會。

溝通o既時候,可以從中了解對方係咩人。

更多o既時候,係可以從中了解自己。


剛開始o既呢段關係,令我更了解自己。

我好清楚,我最鍾o既人,係「自己」。

21 4月, 2009

幻想與現實

幻想與現實,往往並不相符。

暗戀,也許比較美...

20 4月, 2009

好訓

唔知點解,響大陸宿舍特別好訓。

明明張床硬到似木板。

明明個枕頭唔太o岩高度。

但偏偏可以熟睡九個鐘。

雖然日頭好快又眼訓過...

19 4月, 2009

吃不消

拍拖短短一星期,已經有o的身心疲累...

點解?

18 4月, 2009

自由時間 + 蠔吧

今日有o的私人時間,可以響屋企打下機睇下戲抖一抖。

夜晚同屋企人去 蠔吧 食o左個豐富o既晚餐!



17 4月, 2009

兩個人的晚餐

尋日 九龍城 - 大婆牛肉麵

今日 太古城 - UCC Cafe Ferie

原來依家出去食o野都幾貴,而且味道只係一般。

15 4月, 2009

想去的地方

本地:

海洋公園

迪士尼

昂坪360

長洲

南丫島

外地:

日本 - 東京

台灣 - 台北

英國 - 倫敦 / 曼徹斯特

中國 - 北京

澳門

14 4月, 2009

失落感


過去o既幾個月,呢部 mp3 機一直陪伴我左右。

入面o既歌,更加係我心靈上o既避難所。

一首又一首o既悲歌,令我沉醉o係自我o既世界當中。


最近,心情比較好。

聽返一首又一首o既悲歌,竟然冇辦法投入。

連唱歌o既時候,都再代入唔到冇晒感情。


就好似有o的好親密o既o野離我而去咁。

有o的失落...

13 4月, 2009

禮儀師 の奏鳴曲


不錯,笑中有淚。

正如影評所講,拍得好細膩。

成套戲都有唔少感動位,最多人揀o既可能係其中兩幕:
1. 替老婦人入棺
2. 主角替父親入棺

但最感動我o既,係主角位太太望住主角替老婦人入棺時,o個份欣賞o既眼神。

有一個支持同明白自己o既老婆,係何等幸福o既一件事。

12 4月, 2009

開始

正式拍拖了!

短短一星期,像較快鏡。

11 4月, 2009

回氣

是日休息,抖抖。

點知睇完《新鐵金剛之量子殺機》之後一肚氣!


心掛掛...

10 4月, 2009

拜山

兩年一次o既汕頭之旅又再展開。

0630 出發,0030 先返到屋企。


好攰,唔係因為旅程。

係因為之前一晚傾o左六個鐘頭電話兼只訓一粒鐘...

09 4月, 2009

意料之外

發展之快,對方o既表現,全部令我始料不及。

有點手足無措亦有點莫名其妙。

中頭獎乎?

我邊有咁好命...

o係一班人面前唱歌,的確好驚。

手震,身震,心震。


唉...表演好差。

08 4月, 2009

峰迴路轉

因為執著,再一次做o的驚嚇o野。

的確,又嚇親人。

但錯有錯著,行前o左一步。

又唔知行咩運,夜晚時又跨前一大步。

尋日以為自己已經身處地獄,點知今日上返o黎,而且仲有升天堂o既可能。

07 4月, 2009

壯烈犧牲

性格問題,鍾意晒冷,一鋪清袋。

經驗話我知係未試過成功博到過,但仍然勇往直前。

由十幾歲開始識女仔時已經係咁。


結果,一如既往,死無全屍。


發夢完畢...

唔該醒下,年紀唔細。

06 4月, 2009

諗清諗楚

今日,冷靜下來時想一想。

原來,好耐之前我已留意佢。

每次當佢出現,我雙眼都係跟住佢o既足跡走。

最近o既一切,唔係偶然。

終於,搞清楚。

05 4月, 2009

蛛絲馬跡

係咪鍾意一個人,其實好容易察覺。

例如:

掛住佢,無時無刻,無因由。

期待佢入鏡,o係你面前行過。

等佢出現,上網,facebook / msn.

諗起佢,會傻笑。

等等...


我呢兩日,就係成日 check 住電腦。

一諗起佢食飯個得意樣,會會心微笑。

04 4月, 2009

想唱的歌

1/. 相依為命
2/. K 歌之王
3/. 好人
4/. 我的天
5/. 按摩女郎
6/. 與我常在
7/. 耿耿於懷
8/. 思覺失調

仲有兩星期,就要決定觀摩日唱邊首歌了...

03 4月, 2009

愛很簡單

愛很簡單

詞:娃娃 曲:陶喆 唱:陶喆

忘了是怎麼開始 也許就是對你 有一種感覺
忽然間發現自己 已深深愛上你 真的很簡單

愛的地暗天黑都已無所謂 是是非非無法抉擇 oh~
沒有後悔為愛日夜去跟隨 那個瘋狂的人是我 oh~

I love you 無法不愛你 baby 說你也愛我 woo~
I love you 永遠不願意 baby 失去你

不可能更快樂 只要能在一起 做什麼都可以
雖然世界變個不停 用最真誠的心 讓愛變的簡單 (口白:讓愛變的簡單)

愛的地暗天黑都已無所謂 是是非非無法抉擇 oh~
沒有後悔為愛日夜去跟隨 那個瘋狂的人是我 oh~

I love you 一直在這裡 baby 一直在愛你 woo~
I love you (Yes I do) 永遠都不放棄 這愛你的權利

如果你還有一些困惑 (oh no) 貼著我的心傾聽
聽我說著 愛你 (Yes I do)

I love you (Yes I do) 一直在這裡 baby oh ya 一直在愛你 
I love you 永遠都不放棄 這愛你的權力

02 4月, 2009

愉快

1. 午餐

2. 傾偈

3. Facebook

4. 晚餐

5. 唱歌

6. MSN

愉快,就係可以咁簡單。

全因,大部份時間有你...

01 4月, 2009

心亂如麻

點解,我連行過去同佢傾偈o既勇氣都冇?


心亂如麻

曲︰雷頌德 詞:林夕 編:雷頌德 唱:衛蘭

沒有膽色纏你 心亂如麻

31 3月, 2009

事與願違

呢個世界就係咁。

當你自以為你安排得天衣無縫之際,往往係人算不如天算。


我都知我今年黑仔o架喇,邊有咁好命丫。

唉...

30 3月, 2009

《非誠勿擾》

今晚睇o左《非誠勿擾》,幾鍾意。

不過,睇完之後o既感覺係-灰。


愛情,真係又有趣又無奈...


徵婚,好似幾過癮。

不如我都試下去參加o個o的咩 Speed Dating 或者去 相睇。

29 3月, 2009

唱 K

真係成十年冇去過。

我就幾開心喇。

不過唔知聽我唱歌o既人唔會唔都開心。


另外,我已經立定決心。

我要唱好歌~!

28 3月, 2009

又日有所思?

又發夢。

又係同戀愛有關!


我係咪已經癲o左?

27 3月, 2009

真係日有所思?

終於,佢o係我夢中出現。

夢入面o既情境,仲幾 sweet 添~


不過,發夢還發夢。

夢醒,就回歸現實...


繼續痴心妄想...

繼續幻想...

26 3月, 2009

認命

例子:

o係屋企時就公司電腦有事。

o係公司時就屋企電腦有事。

o係香港時就大陸電腦有事。

o係大陸時就香港電腦有事。

等等...


今年唔知係 犯太歲 定 沖太歲。

雖然我唔信呢o的o野,不過今年確實係斷斷續續地有點不順利。

我欣然接受。

亦發現原來逆來順受都幾有樂趣。


我唔明點解有o的人唔肯認命撐到行。

唔辛苦咩?

25 3月, 2009

接受現實

不斷同自己講我樣衰呢個事實,不斷講講到自己都接受o左呢個事實。

咁到真係有人話我樣衰o既時候咪唔會覺得難受囉。

不斷同自己講我係怪人呢個事實,不斷講講到自己都接受o左呢個事實。

咁到真係有人話係怪人o既時候咪唔會覺得難受囉。

等等...


我樂於接受現實。

何必自己呃自己或者心存與事實不乎o既自身妄想...

24 3月, 2009

日有所思

最近,經常發同一款夢。

夢入面,我經常向唔同人解釋我分手o既原因。

極力解釋,似乎想表達問題唔係出o係我度。


而現實中,我越來越清楚及開始承認問題其實係出o係我度...

23 3月, 2009

好人

自白...

歌名:好人
歌手:側田

作曲:Rob Lay(On Your Mark)
填詞:林夕
編曲:T.Lo
監製:雷頌德

若談樣子 不會叫好 不算最討好
但我的內在美 不夠味道 哪足以自豪
談為人 當然好 雙手也好抱
無奈獨有伴侶問前路
沒有想陪同鄰家男孩跳舞
唯獨當我師徒

人人親近我 無人爭奪我
無人關懷是誰大平賣親和
平凡像我路過 十個似我 情敵實在太多
人人鼓勵我 無人傾慕我
常常激勵別人盡情熱戀事後遺下我
像毒咒 無人愛我 別嚇我

並無自欺 所有老死 只配作知己
願意跟我細數戀愛挫折 抱住我會死
談完情 拖好手 都將我拋棄
從來沒理會我喜與悲
是那麼平凡仍可以來鬥氣
談情令我心死 由得我死

人人親近我 無人爭奪我
無人關懷是誰大平賣親和
平凡像我路過 十個似我
你管不到那麼多
天都不愛我 立心孤立我
平凡的人若提及情份便顯得不配麼
難道我看不到現況正是結果

由得我 無人爭奪我
無人關懷是誰大平賣親和
平凡像我路過 十個似我 情敵實在太多
天都不理我 令我想清楚
感情是來自由弱者所寫的悲歌
事實上為什麼不拍到拖 說穿了我不美 信我

22 3月, 2009

小巴留言

I'M NOT SCARED TO DIE
(I'M A LITTLE BIT SCARED OF WHAT COMES AFTER)


坐小巴時見到。

幾有意思。

不過,如果有得俾我揀,我絕不希望死o左都仲有 "AFTER"...


21 3月, 2009

明目張膽

我,其實係呢類人...

明目張膽

唱:何韻詩
曲:Edmond Tsang
詞:方皓文
編:青山大樂隊

等 終於到夜深 才能收集上次你 留在飯店那紙巾
夜更深 不敢送贈的吻 全憑我手中的偷拍照 營做著你那體溫

* 我 如果想一世人和你過
平時就要企後幾吋 去幻想 別要摸

# 若有 一天公開 明目張膽的愛 我怕會讓你 太意外
我的愛 只願 縮到最小 彷彿不存在
就算 我最愛你 情願好好遮蓋 化作了密碼 不公開
我一向 都慣自言自語 沒別人愛
難道你發覺我志在 就會肯滿足這期待
如若我也有權愛 同樣我也有權不必被愛

揀 偏僻角落坐 完全袒露就怕我 全部被你看情楚
待你好 只不過是幫我 成為我愛演的一個我 其實未算太坎坷

Repeat * #

暗裡進行更自在 不相戀 誰會受害
但願盡情地種 誰說花 需要開

若我 一天公開 明目張膽的愛 我怕會讓你 太意外
我的愛 只願 縮到最小 彷彿不存在
就算 我最愛你 情願好好遮蓋 我怕揭露了 不精彩
拆穿了 總盼望誰在意 蜜月難再
如若你發覺有我在 就結束暗戀的時代
無謂去博你憐愛 明白叫你太煩的 不是愛
如若我也有權愛 同樣我也有權揀 怎樣愛

20 3月, 2009

想三 - 咖啡

想學飲咖啡。

但真係好難入口。

同酒一樣。

19 3月, 2009

想二 - 酒

想學飲酒。

相信會有好多兄弟樂意訓練我,哈哈。

18 3月, 2009

想一 - 器官捐贈

想登記 器官捐贈,但點同父母講?

17 3月, 2009

問號

有時望住o的已經結o左婚o既長輩,好想問。

究竟愛情對佢o地o黎講,係咩o既一回事?

16 3月, 2009

回到過去

有時我會諗,其實我係咪一早已經遇到我人生o既另一半;

只不過當時大家都唔為意又或者因為某o的原因而錯過o左。

間中又會諗下,如果當時同亞邊個邊個又或者同另一個邊個邊個開始;

今日o既我又會變成點呢?


無聊...

15 3月, 2009

節目

自從分手之後,每個星期我o的節目都排得幾密。

主要節目,都係約舊朋友見面食飯。

呢十幾年冇搵冇見o既朋友,都差不多全部都重聚了。

間中又搵網友食下飯。

又去學唱歌。


以前拍拖o個陣,亞媽成日問我點解拍拖唔駛去街。

到分o左手之後,亞媽就成日問我點解咁多街去。


我好肯定,我係想變。

但唔排除,我係唔想俾自己 停/靜 落o黎。



鄧麗欣 - 再見不是朋友

我不信愛人離開竟可變密友
我早有滿城朋友代你聚頭

14 3月, 2009

給自己的情書

送一首歌俾自己...

給自己的情書

唱:王菲
曲:C.Y.KONG
詞:林夕
編:C.Y.KONG

請 不要灰心 你也會有人妒忌
你 仰望到太高 貶低的只有自己
別 蕩失太早 旅游有太多勝地
你 記住你發膚 會與你慶祝鑽禧

*啦啦啦 慰藉自己
開心的東西要專心記起
啦啦啦 愛護自己
是地上拾起的真理

#〔我要給我〕寫 這高貴情書
用自言自語 作我的天書 自己都不愛
怎麼相愛 怎麼可給愛人好處

+〔憑著我〕這 千斤重情書 在夜欄盡處
如門前大樹 沒有他〔他不可〕倚靠
歸家也不必撇雨

請 不要哀傷 我會當你是偶像
你 要別人憐愛 先安裝一個藥箱
做 什麼也好 別為著得到讚賞
你 要強壯到底 再去替對方設想

REPEAT *,#,+

啦 拋得開手裡玩具
先懂得好好進睡
深谷都攀過後從泥濘尋到這不甘心相信的金句

REPEAT #,+,#,+

13 3月, 2009

You Are My Best Friend

唔知幾時,會有個人唱呢首歌俾我聽呢?

You Are My Best Friend

唱:HotCha
曲:Edward Chan.Charles Lee
詞:夏至
編:Edward Chan.Charles Lee
監:Edward Chan.Charles Lee.King Kong

R:與你在晚飯說心事
極度無謂隨便幼稚
就算幾細碎變大意思

W:隨處嬉戲
載著我踏遍天地
就是疲倦仍是趣味
從沒顧忌 愛共你一起

C:不英俊 說話吸引
讓我不察覺會意外的合襯
何時緩緩地挨近 還是敏感

合:You are my best friend

R:是否不准許我暗戀你
不需拖手去接觸你
維繫彼此之間的詭秘

合:You are my best friend

W:儘管相戀失去了知己
超出底線共你一起
謠言一早不理

C:我怕悶你在我左右
混亂時候來搭膊頭
習慣緊貼我 你別放手

R:男生天性
約會女伴說不定
為奉承沒純屬友情
還未証實 我未夠清醒

W:想刻意 再被牽引

合:讓你不察覺會意外的合襯
何時緩緩地挨近 還是敏感

合:You are my best friend
是否不准許我暗戀你
不需拖手去接觸你
維繫彼此之間的詭秘
You are my best friend
儘管相戀失去了知己
超出底線共你一起
謠言根本不會理

合:You are my best friend
是否不應該去喜歡你
怎跟一般女友相比
誰及我這麼的清楚你
You are my best friend
或者相戀失去了知己
一天分手沒法一起
原來不捨得理性處理

合:You are my best friend
是否不應該去喜歡你
怎跟一般女友相比
誰及我這麼的清楚你
You are my best friend
或者相戀失去了知己
一天分手沒法一起
原來很想講愛你

12 3月, 2009

打回原形/大開眼戒

唔知幾時,我會搵到個人唱呢首歌俾佢聽呢?

《打回原形》/《大開眼戒》

歌手:陳奕迅
作曲:阿飛
填詞:黃偉文
編曲:Peter Kam

不要著燈 能否先跟我 摸黑 吻一吻
如果我 露出了真身 可會被抱緊
驚破壞氣氛 誰都不知我 心底有多暗
如本性 是這麼低等 怎跟你相襯

*情人如若很好奇
 要有被我嚇怕我準備
 試問誰可 潔白無比*

如何承受這好奇 答案大概似剃刀鋒利
願赤裸相對時 能夠不傷你

當你未放心 或者先不要走得那麼近
如果我 露出斑點滿身 可馬上轉身
早這樣降生 如基因可以 分解再裝嵌
重組我 什麼都不要緊 假使你興奮

REPEAT*

如何承受這好奇 答案大概似剃刀鋒利
但你知一個人 誰沒有隱秘

幾雙手 幾雙腿 方會令你喜歡我
順利無阻 你愛我 別管我
幾雙耳朵 共我放心探戈

REPEAT *

如何承受這好奇 你有沒有愛我的準備
若你喜歡怪人 其實我很美

11 3月, 2009

其實 ...

事在人為。

10 3月, 2009

誰是第一?

講懶。

相信真係我敢認第二,冇人敢認第一。

又再因為一個「懶」字,令自己再次趺入一個身心o既困局之中。

09 3月, 2009

惡性循環

我想有女朋友...

要有女朋友o既先決條件係先做好自己...

但我又冇動力去做好自己...

唔做好自己就唔會有女朋友...
(雖然做好自己都唔一定有)

但我又好想有女朋友喎...

不過唔做好自己又唔會有...

08 3月, 2009

真面目

好多時出街都要 call 的士。

的士台o個把熟悉o既女人聲,大大話話都聽o左超過十年。

有時都想知道,究竟佢係咩樣。

07 3月, 2009

懷疑

我想拍拖。

於是問自己點解。

唔清楚係因為我享受戀愛...

定抑或我掛念前度女友...

06 3月, 2009

有所謂

原來,依家做「順德人」成日「無所謂」都唔係好事。

好似最近同不同o既女仔出街食飯,每次傾食乜時佢「無所謂」時我又「無所謂」,結果大家都企o左o係度。

除o左食飯之外,o係其他情況之下大家都「無所謂」又係會有問題,例如:去邊?

我開始覺得,好多時對方都希望我「有所謂」,知想食乜,知想去邊。

或者由今日起,我都應該學下「有所謂」。

但就對方,始終係我首選。

05 3月, 2009

學唱歌

諗就成日諗,但冇諗過真係會做。

結果,真係去o左。

連我自己都估唔到。

04 3月, 2009

王菲

最近,聽番 王菲。

曾經,王菲 係我至愛。

隨住佢淡出,我都淡聽。


依家聽番,仍然能觸動我。

仍然係我至愛。


可能,係因為 王菲 o既歌,代表住我生命裡o既一o的人,一o的故事。

03 3月, 2009

無所謂/是但

同其他人相處時,我o既口頭禪係「無所謂」同「是但」。

因為我真係乜都「無所謂」同「是但」就得。

而且,當我「無所謂」同「是但」時,主導權就o係對方身上,咁對方就會得到佢地想得到o既選擇,咁對方就會開心。

對方開心,我就開心。


以前o係澳洲,有一個女仔朋友,每次同佢出街都會出現以下對白。

(問我一條問題之後就會講)

女:你都係會話「無所謂」同「是但」o架啦,問你都多餘,我話事。


有人了解自己,感覺很好...

02 3月, 2009

上腦

唔知咩事,忽然愛上呢首歌。

不斷聽,不斷唱。



黑色幽默

歌手:周杰倫
作曲:周杰倫
填詞:周杰倫
編曲:鍾興民

難過 是因為悶了很久 是因為想了太多 是心裡起了作用

你說 苦笑常常陪著你 在一起有點勉強 該不該現在休了我

不想太多 我想一定是我聽錯弄錯搞錯
拜託 我想是你的腦袋有問題

隨便說說 其實我早已經猜透看透不想多說
只是我怕眼淚撐不住

不懂 你的黑色幽默 想通 卻又再考倒我
說散 你想很久了吧 我不想拆穿你

當作 是你開的玩笑 想通 卻又再考倒我
說散 你想很久了吧 敗給你的黑色幽默

我的認真敗給黑色幽默

01 3月, 2009

2009年大計修定版

1/. 減肥 - 目標係減 20 ~ 30 磅

- 減 15 磅好了,減 20 ~ 30 磅會過瘦。

2/. 參加 2010 年渣打馬拉松 - 用一年時間練跑。

- 先跑 10km 賽。

3/. 搬出去住,如果有可能o既話...

- 30 歲前 (20/7) 要爭取成功。

4/. 考取 Microsoft Certified Systems Engineer 資格。

- 不變。

28 2月, 2009

迷魂記

點解,我會忘記咗呢首歌?

歌名:迷魂記
歌手:王菲

別叫我太感激你 藥水色太精美
別要我吃出滋味 愉快得 知覺麻痺
為甚麼 呵護我 當我痊癒了 可吃甚麼
為甚麼 感動我 等我難習慣 最低痛楚

怕甚麼 怕愛人 扶著情感 得到禮品總會敏感
怕甚麼 怕習慣豁出去愛上他人
但卻不懂去 弄完假再成真

別錯碰我的手臂 毛管不夠爭氣
別賜我太多福氣 令美點 都掛住你
為甚麼 寵壞我 等我難習慣 半掩被窩

怕甚麼 怕愛人 扶著情感 得到禮品總會敏感
怕甚麼 怕習慣豁出去愛上他人
但卻不懂去 弄完假再成真

怕甚麼 怕被迷魂 扶著情感 得到細心只怕喪心
愛甚麼 愛令我勇於報答太多人
但卻不知道 如何死裡逃生

27 2月, 2009

一日一套戲 -《早熟》

好多o野,講個心o既o者...







26 2月, 2009

一日一套戲 -《男人四十》

試問有邊個男人,可以抗拒 林嘉欣?





25 2月, 2009

一日一套戲 -《12 夜》


第一夜
愛情就如一場大病,過了,就好

第二夜
只有戀愛中的人才認為他們的相遇不是偶然

第三夜
小心那些熱戀中的人,因為他們都是瘋的

第四夜
因為熱戀,再累再衰,還是可以提著早餐來見你

第五夜
男人的尊嚴都放在女人其它男人身上

第六夜
女人的尊嚴都放在他們臉上

第七夜
你快樂所以我快樂?

第八夜
女:為什麼我為你做那麼多,你都不懂得欣賞?
男:我沒要你為我做那麼多

第九夜
朋友:為什麼他一不喜歡你,你就認為自己一點用也沒有

第十夜
見到以前的情人,都覺得自己不可能喜歡過他們,原來我也不知道自己要什麼分手時都很怪對方,認為別人都對自己不好,對不起自己,後來才知道,原來是自己不成熟。剛分手時,很恨你!覺得我對你那麼好,你沒理由不要我,所以吵架時,說了些不該說的話,只想你和我一樣難過,其實也是不成熟...

第十一夜
舊情復燃

第十二夜
還是弄錯了

24 2月, 2009

一日一套戲 -《戀戰沖繩》

點解 王菲 可以咁正?