20 February, 2011

澳門

又再遊澳門,兩年內第三次。

今次比較特別,係同屋企人去。

亦都專程睇咗《水舞間》


好鍾意澳門呢個地方,可能係因為某啲地方好似我細個時候嘅香港;
有好多舊嘅嘢都保留到。

有寧靜嘅地段,有繁囂嘅地段。

地方細細,大部份我想去嘅地方都係響我嘅「步行範圍」之內。
(其他人係覺得要坐車嘅)


雖然每次去澳門都係行相同嘅地方,去相同嘅餐廳。

但總不覺得悶。

而且其實都仲有好多地方同食肆未去。


曾經問過公司嘅同事我哋條 team 係咪會派人過澳門駐守。

答案係「冇」。

如果將來真係有一個咁樣嘅職位,相信我一定會申請。