07 2月, 2009

一人分飾兩角

o係 facebook 開o左個 a/c,用真名。

add o左一o的親戚,舊同學 同 同事。

但係,我唔敢 寫/擺 我o既o野上去。

主要原因,係因為同事的關係。

雖然,我好想同佢地做朋友。

但,唔係話想就可以。

唔係因為 晶哥 同平日網外o既我有分別,雖然 晶哥 比較真。

唔係因為我想欺騙佢地,而係我覺得我唔可以透露。

由於我o係公司o既身份,我怕佢地知道內心o既我係點,會惹麻煩。

雖然,我好想佢地知。

交朋友,最重要係可以交心。


最怕,係俾佢地知道我係 晶哥。

或者,要等到我離開公司o既一日,我先可以同佢地做朋友。

我先可以o係網友以外o既人面前,做返我自己。

每日咁過,其實幾辛苦...


或者,可能只係我諗得太多,佢地從冇因為身份問題而有所顧忌同我做朋友。

又或者,其實即使冇身份問題,佢地都從冇諗過同我做朋友。