30 March, 2011

天生我才未必會用

記得以前學校家長日,通常都係派發成績表嘅日子。

由小學至中學畢業,每個班主任都只係會同我亞娘講兩件事。


(一)

「晶媽,你個仔好多嘢講。無論我調佢去坐邊個位,佢同可以同前後左右啱傾。」

返到屋企之後當然係受刑。

直至中學畢業嗰年,嗰個班主任再補多句。

「晶媽,其實亞晶咁多嘢講未必係壞事。佢連有啲自閉嘅同學把口都撬得開,或者呢個係佢嘅長處,將來可以向呢方面發展。」

但當時萬萬估唔到,越來越自閉嗰個會係我。


(二)

對住幾乎「滿江紅」嘅成績表,班主任說。

「晶媽,其實亞晶一啲都唔蠢,係懶啲啫。」

我諗,都係客套話居多。

如果我係「聰明」,又點會「蠢」到連自己學業都荒廢呢...