30 6月, 2012

十日大假 - 第八日(一個人旅行)

一個人去咗日本四日三夜。

原本只係諗住出去走走抖抖氣。

結果得著遠比預期中多。


一個人去旅行最好嘅係「自由」。

最唔好嘅,都可能只不過係「寂寞」同「孤獨」。


旅途中睇咗一本書,書入面有以下一段對話。

她問:「有人不怕寂寞嗎?」

他答:「我不怕。因為寂寞是可以習慣的。」

她說:「那很可怕呢。」


無錯。

寂寞係可以習慣嘅。

而我早在十幾年前就已經習慣咗。

只不過去到一個言語不通嘅國家,迫住啞埋啫。

幸好今次旅行有得上網,可以同朋友分享下旅行嘅情況。

未至於與世隔絕。


一個人旅行,行程可以隨時因應情況而改動。

因天氣關係取消去富士山、夜媽媽去魚市場食魚生、順路去影東京鐵塔夜景、中午行到攰就返酒店恰一恰、響明治神宮一坐就幾個字聽下風聲樹葉聲、行半個鐘去搵一個景點或餐廳等等。


一個人旅行,可以唔跟大路行。

每次旅行,我都鍾意走入人哋嘅社區睇睇。

感受一下外國嘅生活係點。

而每次當然都係羨慕,始終隔離飯香。


一個人旅行,亦可以有好多時間思考。

反省一下過去,打算一下將來。


最記得係每一次走入日本嘅神舍或御苑。

心境都會特別平靜,頭腦亦特別清晰。

如果可以,我真係想唔走坐足一日。


今趟旅程令我知道我以後應該點去做人。

點樣可以令自己快快樂樂咁生活。


28 6月, 2012

27 6月, 2012

十日大假 - 第五日(東京第二日)


新宿
日本人同香港人一樣咁無精神
朝早十點等機舖開門
煙民聚集區
回收婆婆
小朋友學過馬路
上體育堂
唔知點解會響地下放水

25 6月, 2012

24 6月, 2012

十日大假 - 第二日

百無聊賴。


全日唯一重點就係睇咗一套好有感覺嘅戲。

《高舉愛》


或者,我就係需要呢種戀愛。

或者,我就係適合做一個咁樣嘅半住家男人。


雖然一個再好嘅人,最後都係死於不幸。


23 6月, 2012

十日大假 - 第一日


打了一場籃球

幫亞媽同亞姨 set iPad

瘋狂打機

22 6月, 2012

擘大眼講大話

香港嘅核心價值。

大慨已經變為「擘大眼講大話」。


何止高官。

平民百姓亦然。


公司被 audit, 全天候由上至下努力「做假」。

無論係平時漏做或根本冇人知要做嘅嘢。

都要響短時間內「做返齊」。


問:呢樣有冇做?(應該要做嘅)

答:有!(斬釘截鐵)

問:幾時開始做?(被懷疑係補飛完成)

答:一向都咁做!有記錄!(斬釘截鐵)

問:呢樣又有冇做?(唔應該做嘅)

答:冇!肯定冇!(更斬釘截鐵)


老豆自細教落。

做人要行得正企得正。

唔好做虧心事。


做嘢辛苦我唔怕。

辛苦在要講大話。


違背良心。

對我嚟講係一件最痛苦嘅事。


我真係好想知。

究竟啲高官係咪每晚都可以瞓得好。

21 6月, 2012

生離死別

早幾日又有一位長輩中風入院。

手術後仍未甦醒,情況並不樂觀。


當我聽到呢個消息嘅時候。

確實沒有太大嘅反應或感覺。


唔知由幾時開始。

唔知因咩事導致。

或者係因為近年已經開始不斷面對。

所以對於身邊嘅人可能有生命危險或者離開。

我嘅情緒都唔會有太大嘅起伏。


「生亦何歡 死亦何哀」

我唔知呢啲係咪叫「大徹大悟」。


我只係覺得。

人終須一死,只差遲定早。

離開咗嗰個都應該唔想見到我哋因佢嘅離去而愁眉苦臉吧。

20 6月, 2012

《明明》

聽完呢首歌之後。

我知道我已經冇咩事了。


p.s. 估唔到會有人寫出我所想「人寧願金魚般記性」

再 p.s. 亞Sa 真係越來越得。



19 6月, 2012

新陳代謝

年過三十之後。

一班中坑波友打波特別容易受傷。

受傷之後亦特別難康復。


其實。

除咗身體之外。

心靈亦一樣難復原。


幸好只是時間問題。

總有一日會好起來。


18 6月, 2012

懶而不廢

上網睇 BLOG, 會發覺原來好多 BLOG 都已經被荒廢。

睇睇下望下個日期先發現,BLOG 主已經年幾兩年冇更新。


我呢個 BLOG, 係由 2005/12/31 開始寫。

雖不至於可以做到每日一篇。

甚至可能懶到成兩個星期先更新一次。

但我知道我唔會停止繼續寫。


對於一個冇耐性同冇恆心嘅人嚟講。

我都解釋唔到點解我會堅持咁耐。

17 6月, 2012

父親節 2012

父親節,老豆咩都唔想搞。

又撞正賽馬日。

於是只好請佢去茶記食個早餐。

佢應該會開心卦。


16 6月, 2012

積勞成疾

響連續一個星期因為睇波而每晚只瞓得四個鐘之後搞到作病。

我終於相信一個人係會因為眼瞓死同攰死。


遊魂中...


15 6月, 2012

日子有功

睇歐國盃除咗會變熊貓。

仲會變豬。



14 6月, 2012

香港特色

每次見到呢隻帆船。

我嘅感覺都只係「老土」、「丟架」、同「呃鬼佬」。


13 6月, 2012

炒到癲咗

陳奕迅演唱會飛炒。

傑志對阿仙奴飛又炒。


依家已經再唔可能用到正價睇到想睇嘅節目了。

12 6月, 2012

叛國


睇歐洲國家盃聽到英國國歌。

有親切感到幾乎想起立。


11 6月, 2012

《Machine Gun Preacher》(機槍教父)

睇完呢套戲之後不禁問自己一句。


「我又可以為呢個世界做啲咩?」


10 6月, 2012

《Mission: Impossible》I & II

翻睇分別係 1996 年同 2000 年嘅作品。


記得《Mission: Impossible》係響香港睇。

啲特技喺當年嚟講已經係好勁。


《Mission: Impossible II》就係響澳洲睇嘅。

只係記得當時響戲院入面好多外國人都恥笑最尾飛白鴿同埋用腳踢起支鎗嗰一幕。


相比悶死人嘅第四集。

第二集原來都算唔太差。




09 6月, 2012

《爛賭夫鬥爛賭妻》

諗住輕鬆下。

發現又爛唔晒。

有啲位都幾好笑。


王晶真係開始返嚟。


08 6月, 2012

無題

如果有死前審判呢回事。

我願意罰抄一萬次「對不起」。

07 6月, 2012

無題

呢個世界最公平嘅就係呢個世界唔公平。

06 6月, 2012

無題

忘我。


忘記了誰是我。

05 6月, 2012

無題

視覺、聽覺、嗅覺、味覺、觸覺同說話能力。

如果個天要響我身上收返其中一樣嘅話。

我願意做一個啞巴。

04 6月, 2012

無題

每次響街見到有啲人好匆忙唔知趕咩咁。

我都會諗。

都已經遲到咯,跑都冇用啦。


時間,係追唔返嘅。


03 6月, 2012

《UNDERWORLD AWAKENING》

終於等到出碟。

《UNDERWORLD》可能係我最鍾意嘅電影系列。

Kate Beckinsale 亦可能係我最鍾意嘅荷里活女星。