31 12月, 2014

2014年要做的事(埋單)

1/. 變瘦(唔係減肥,而係變瘦)

-失敗

2/. 睇書(每晚睇)

-冇每晚睇,但長期有閱讀。

3/. 進修(考返啲證書呀學位之類)

-完全冇行動過。

4/. 每星期入戲院睇戲(至少一次)

-變咗每月一至兩次,其實都冇咁多好戲值得個個星期都入場。

5/. 揸車(有牌十年但未揸過)

-完全冇行動過。

6/. 轉工(暫定四月)

-達成,變為自僱人士。

7/. 繼續一年去三次旅行(暫定四月沖繩,八月富士山,十月新加坡)

-八月之行被取消,結果去得兩次。

8/. 不再自閉(多約朋友行街睇戲食飯聯誼)

-達成一半。

9/. 紋身(紋一個字或一個符號,紋喺父母唔容易見到嘅地方)

-完全冇行動過,因為未變瘦。

10/. 每日影一張相(時間係起身嗰一刻,影嘅係窗外)

-達成(不過間中有一兩日會忘記)

11/. 搵個女朋友(長遠交往終身伴侶嗰種)

-完全冇行動過。

12/. 學射擊

-睇過課程時間表,之後完全冇行動過。

13/. 學書法

-完全忘記咗。

14/. 學影相

-完全冇行動過。

15/. 學聽黑膠碟

-完全冇行動過,不過識咗個「黑膠」人。

16/. 認識咖啡。

-完全冇行動過。

17/. 認識酒精。

-完全忘記咗。


14 12月, 2014

好多嘢想寫。

但一坐底喺電腦前面。

又想攤返上床。

30 9月, 2014

他的女人

眼前一亮。

想問你,她是誰。

幸好沒有。

因為再遇時,你宣布她是你女友。

31 8月, 2014

視而不見

或者係因為家境好。

所以就算你幾努力。

其他人都係睇唔到。

25 8月, 2014

好久不見

在街上巧遇妳。

大概也有三年沒有見面了吧。


那年因旅行而認識。

旅行後約會過兩三次。

也許我們是有機會可以發展的。

我想。


後來,我放棄了。


今天看見妳。

成熟了,漂亮了。


寒暄兩句。

然後各自向另一個方向繼續前進。


忘了跟妳說恭喜,因妳即將結婚了。

也不方便跟妳說,我確實有點後悔。


碰面前,見面後。

耳機一直播著陳奕迅的《好久不見》。

因我今早剛巧設定了只播這首歌。


天意。



陳奕迅《好久不見》

你會不會忽然的出現 在街角的咖啡店
我會帶著笑臉 揮手寒喧 和你 坐著聊聊天
我多麼想和你見一面 看看你最近改變
不再去說從前 只是寒喧
對你說一句 只是說一句
好久不見


17 8月, 2014

聶永真《不妥》

我。

真的有點 。

不妥。


看這本書的時候。

彷彿看到以前的自己。

不是說我有那種文字、文學修養。

而是那種思想、那種思考方式。


然後。

我想。

那個我去哪了?


14 8月, 2014

空間

與友人們食飯,席間傾到買樓。


我話:我都曾經諗過搬,想多啲私人空間。

友冷笑說:你間房大過我個廳,你學咩人講要多啲空間?

我答:唔係講居住地方嘅大小,而係生活上嘅自由度,心靈上嘅空間。曾經喺外國長時間生活,我到依家都希望有機會再一個人住。同父母住,有好有唔好。但私人空間先係我渴求嘅嘢,即使住嘅地方唔再係依家咁舒適。

友再無講咩。


幸好。

我仲有呢度。

01 8月, 2014

一時衝動創業

毅然辭職,開公司。

就咁樣,我做咗老闆。


諗公司名,係一件難事。


有一日我忽然醒起我老豆喺我辭職之後同我講過嘅一番說話。

「你呢次嘅決定,老豆唔知係好事定壞事。希望你自己諗清楚,唔好係一時衝動。」


然後我反覆咁諗,得出嘅結論係我今次創業嘅決定的確帶點衝動。


於是。

我將我公司命名為「時創」。

20 7月, 2014

三十有五

三十五歲了。

該認真做點事。


多謝好友自家制的生日蛋糕。


13 7月, 2014

遺憾

上個月出席一個長輩嘅喪禮。

呢位長輩嘅太太已經離世,有三個仔女。

大女、大仔未婚,細仔已婚未有子女。

當晚,我坐我老豆隔離。


儀式去到長子對各位來賓講佢父親嘅生平時。

我彷彿見到將來嘅自己。

然後我喺度諗。

當有朝一日我企喺出面嘅時候我要同我會講啲咩。


如果現況不變。

我會講我老豆呢世嘅唯一遺憾可能就係見唔到自己個仔結婚同抱孫。

然後我又諗到。

我亞媽都可能有同一個遺憾。


我,做唔出咁殘忍。


忽然覺得如果自己有能力令父母開心嘅話其實就好應該去做。


經常聽到我話唔結婚同唔要下一代嘅朋友聽見我改變諗法之後都會問。

咁大犧牲?

我話我都已經計唔到父母為我呢個衰仔犧牲咗幾多。

而且本身我都唔係太抗拒嘅其實都唔算咩犧牲之類。


就係咁。

我決定扚起心肝搵個女朋友。

適合嘅話就結婚生仔。

30 6月, 2014

六月

六月。

休息。


頭十幾日。

每日運動,吃得健康,睡得跑。

像重生。


十幾日後,世界盃開始。

日夜顛倒,垃圾食物填滿肚。

像行屍。


廿八號。

同父母出門旅行,對上一次係 2001 年。

旅途愉快。

像乖仔。


六月。

就這樣完了。




31 5月, 2014

告一段落

終於嚟到離職嘅日子。

話無唔捨得就假嘅。

同一班人一齊工作咗三年半。

又點可能無感情無感覺。


爸曾經提醒過我叫我唔好因一時衝動而辭職。

當時我梗係否認兼話考慮得好清楚云云。

但隨住日子一日一日咁過。

我的確係有對我當初嘅決定同決心有啲動搖。


已經無得返轉頭。

唯有繼續向前走。

25 5月, 2014

近在咫尺

好少喺屋企附近行。

忽然發現。

其實駛乜去沖繩。


14 5月, 2014

再見女神

留意咗人都應該有兩年。


終於喺離職前有機會同佢响工作上有接觸。


原本諗住自己即將離開公司。

就算接觸到都無意思。

打算放棄呢個機會。


但朋友話反正都走。

接觸一下無損失。

即使第一次亦係最後一次。

又何妨。


於是。

我做咗一件蠢事。


總算。

有個完結。


13 5月, 2014

鞋都買埋。

唔知今次可以堅持幾耐呢。


11 5月, 2014

I am ...

I'm a good person but I'm not a nice one.

04 5月, 2014

《SHERLOCK》

繼 HOUSE 之後,我又愛上另一個「癲佬」。


02 5月, 2014

30 4月, 2014

《美滿人生》


陳奕迅《美滿人生》

接過吻的敬禮 見過最美的玫瑰 更試過失去再得到那種快慰
有最冷的雨季 也有最暖的盛世 更有抱不到放得開的智慧
甜蜜過 開過心 不必一切圓滿
能合格 早已經 意足心滿

有確信的信仰 有眼界去夢想 也有去不到卻很希冀的去向
要笑有方法笑 要奮鬥有目標 已有這一切也都真正需要
期望過 都有了 Perfect Life Perfect Life Perfect Life


28 4月, 2014

九唔搭八

打去入境處幫父母問點樣搞特區護照續期。


入境處職員:你好!請問你有咩要詢問呢?

我:我想問下點樣幫特區護照續期。我去政府一站通見到只有「申請」冇「續期」喎。

入:係呀,依家冇「續期」,叫「申請」。

我:下?咁即係重新「申請」?

入:唔係,都係「續期」。你「renew」嘛,咪「申請」囉。

我:得!唔該。我冇嘢問。

27 4月, 2014

時代唔同

以前啲人拍拖攬住嘅時候多數都會合埋眼感受嗰一刻嘅甜蜜。


依家嘅新一代係攬住各自玩電話。


26 4月, 2014

《一個複雜故事》

其實我好鍾意睇張學友做戲。


24 4月, 2014

留名

早前參加咗一個攝影活動。

最近主辦單位搞咗個展覽同印製咗一本攝影集。

我影嘅三張相有其中兩張都有收錄在內。


拎住本攝影集嘅時候覺得自己為保留香港嘅歷史出咗少少力而忽然有啲感觸。


23 4月, 2014

《戀戰沖繩》

掛念沖繩。

於是睇套戲來止癢。


22 4月, 2014

給老闆的手信

長假期後覆工嘅第一日。

我送咗份厚禮俾我老細。


辭職信。

21 4月, 2014

反差

由瞓醒一刻開始掛念沖繩。

到中午出街同強國人迫。

再整碗地道魚蛋併牛腩河。

成個人即刻回歸現實。


聽日又要返工...



20 4月, 2014

旅行的意義

我說過,我不會再一個人去旅行。

因為,孤獨夠了。



由於表弟在沖繩舉行婚禮,所以我今年的第一趟旅行,真的不再一個人。

跟別人一起旅行,感覺真的很不同。

最大的分別在於,發生任何事也有身邊人一同分享。


人,不應該是孤獨一人的。



不過在旅程的後期,我還是抽了一些時間獨處。

一個人坐在沙灘望海。

一個人坐交通工具接近一下當地人。


獨處,也可以很享受的。



沖繩,比我預期的美麗得多。

美麗得,我望著大海就髒話;因為太震撼。

美麗得,連我也有結婚的衝動;雖然這失常只維持了五分鐘。



《戀戰沖繩》的沙灘、酒店。

還有哥哥及王菲身處過的咖啡店。



這趟旅程,我感受到甚麼叫歡樂。

無比的快樂。




02 3月, 2014

2014年要做的事(四)

16/. 認識咖啡。

17/. 認識酒精。

01 3月, 2014

決心

踏入 2014 年已經兩個月。

15 樣要做嘅事只係做到以下四樣:


4/. 每星期入戲院睇戲(至少一次)

8/. 不再自閉(多約朋友行街睇戲食飯聯誼)

10/. 每日影一張相(時間係起身嗰一刻,影嘅係窗外)

14/. 學影相


要加把勁。

我信我做到。

22 2月, 2014

如果

網上見到一張圖。

於是我又有感而發寫一段。


一個女人如果肯:

1. 唔問我 Facebook 密碼
2. 肯開個聯名戶口
3. 唔會偷睇我手機
4. 夏天熱辣辣都肯俾我拖
5. 唔會成日聽唔到電話響
6. 可以靜少少
7. 唔話我班兄弟係豬朋狗友
8. 唔會明知我攰都迫我陪佢行街
9. 唔會迫我合照

咁,或者我會考慮結婚。



17 2月, 2014

玩命

如果有機會,我絕對會試。


Rooftopping 這個活動向來都是玩命的行為,不過總會有些人樂此不疲。最近又有兩個俄羅斯人走到了世界第二高大樓:興建中的上海中心大廈的最高點,而且沒有使用任何安全裝備,拍攝了令人冷汗直冒的影片。

這兩個俄羅斯人 Vitaliy Raskalov 和 Vadim Makhorov 膽生毛,去了上海中心大廈玩 Rooftop,因為上海中心大廈仍然在興建當中,所以他們更走上了工程用的起重機上,在最高點俯瞰整個上海(可惜空氣污染嚴重,能見度很低)。最可怕的是他們完全是徒手爬上起重機,沒有任何例如繩索或者安全帶之類的設備,一旦失足就肯定玩完,650 米可不是開玩笑。

至於他們是怎樣走到哪裡,他們解釋,是在農曆新年的時候,當所有工人都回家團聚,就趁著這個空檔潛入地盤,走到最高點。在那裡他們拍攝了不少照片,亦有使用第一身攝錄機讓大家感受玩命的感覺。這樣的行為當然很受爭議,如果真的有意外除了他們喪命,也會帶來其他人的麻煩。今次他們無事歸來,如果沒有畏高症的話,可以看看下面的製作特輯,感受一下。








15 2月, 2014

酒後吐真言

春茗。

兩個同事飲醉酒。


同事一。

每次食飯都會自隊。

對於佢酒後嘅行徑我已經見慣。

平時沈默寡言,醉後口沬橫飛。

而且會變咗一部錄音機,不斷重複相同嘅說話。

尚可接受。


同事二。

第一次見佢飲醉。

可能平時做人壓力太大。

醉後不斷搵人訴苦同道歉。

不斷向人懺悔同叫人唔好怪佢之類。

最怕呢類人。

真係想一鎚打暈佢。


我唔飲酒。

一滴都唔飲。

有時都想知道自己飲醉之後究竟係點。

14 2月, 2014

31 1月, 2014

初一的意義

利是同食食食。



30 1月, 2014

《殭屍》

期待已久。

年三十晚。

睇《殭屍》



28 1月, 2014

《救火英雄》

比預期中好!




24 1月, 2014

小病是福

因為一碗麵。

我病咗兩日。

又痾又嘔。


不過亦因為咁。

我得到充足嘅睡眠叉足兩日電。

同輕咗幾磅。

20 1月, 2014

淪陷

香港。

越來越唔好住。

越來越冇家嘅感覺。

周圍都係大陸人同普通話,大陸人同普通話,大陸人同普通話。


19 1月, 2014

食撻

唔知由幾時開始,葡撻成為咗我嘅至愛。

由 KFC 到 澳門瑪嘉烈 都唔放過。


18 1月, 2014

16 1月, 2014

已經好耐無見過藍天。



15 1月, 2014

遊玩時開心一點不必掛念我

我開始覺得我已經單身單到去一個悲哀嘅地步。


(用呢個標題係因為啱啱聽到《活著多好》)

14 1月, 2014

偶遇

自從發現你之後。

無論咩日子。

無論咩時間。

無論逗留幾耐。

每次去到嗰度。

都總會至少遇到你一次。


我同自己講。

唔係有緣。

只係巧合。


我不斷同自己講。

係巧合。

13 1月, 2014

2014年要做的事(三)

12/. 學射擊

13/. 學書法

14/. 學影相

15/. 學聽黑膠碟


12 1月, 2014

麻甩佬的浪漫

一年一度,麻甩佬的浪漫。

羊腩煲,扣肉煲,煎蠔餅,鹵水鵝,臘味煲仔飯。

仲有,可樂。


10 1月, 2014

繼光香香雞

遲早唔駛再專程去台灣食嘢。


09 1月, 2014

溫暖牌

新年。

亞媽勾咗條新頸巾俾我。

等咗九日天氣終於轉涼。

開齋。




08 1月, 2014

07 1月, 2014