放假一天同女朋友入東涌東薈城名店倉逛空手而回想坐 昂平360但又唔夠時間快快樂樂的一天
星期六及星期日每日十二圈已上癮...
今日受o左兩巴掌。上晝一巴、下晝一巴。一巴係男,一巴係女。一巴星醒o左我做事,另一巴星醒o左我做人。犯賤,唔打唔醒神...
o係澳洲o既時候,曾經有一段頹廢o既日子。冇返學,冇返工,冇出街,隱蔽中年一名。自覺似一條行屍。o係香港o既呢幾個月,有工返,有學返,有街出。尤其係上個月,幾乎日日朝九晚九忙到嘔。冇生活,冇思想,冇自己時間。深深體會,原來咁先係一條行屍...
依家o既香港,有幾何會見到藍天白雲?天氣好o既時候,人都會開朗o的。難怪o係香港生活o既日子,我總係死氣沉沉...
每逢星期一都特別眼訓因為星期日晚唔願訓越夜訓,越覺得個假期正在延長尋晚又成三點幾先訓睇o個套已經睇過兩次o既《旺角黑夜》睇完,黯然去訓...唔想星期一來臨...