胡思亂想...然後思緒混亂...將自己迫埋死角...之後搵人傾訴...問你死未?
o係 facebook 度搵番一班舊同學/舊朋友。十年冇見,雖不至面目全非,但都變o左唔少。有好多個,已經成家立室,有o的,仲做埋老豆,意料之外。但其實以我o地o既年紀,又確實係差唔多時候。有好多我覺得佢o地應該結婚o既,仲係單身。有好多我覺得佢o地應該係浪子o既,就偏偏結o左婚。有一對,o岩o岩o係一月結婚。男方同女方我都識,係讀預科時o既同學。計一計,佢地都已經拍o左九年拖。見到佢地o的結婚相,好 sweet。見到人地拍九年拖,之後結婚。而自己就拍八年拖,之後分手。不無感慨...