22 June, 2011

嘥口水

好多時一個人搵另一個人傾訴。

其實並唔係想尋求意見或者另一個答案。

而係想藉著討論嘅過程去肯定自己心目中早有嘅定案。


老實講。

即係「多舊魚」。


若果係一個好朋友搵我傾訴。

當我發覺佢心中早有嘅決定係會害死佢嘅話。

我仍然會好語重心長咁盡量希望可以改變到佢嘅諗法。

但若然係一件無傷大雅嘅小事唔死得人。

我一般都會「盲從附和」我個朋友。

等佢快快樂樂咁隨心而行。

又或者我會刻意唱反調同佢搞對抗。

等佢響爭拗中更堅定自己嘅立場。


由於我睇得咁通嘅關係。

所以我好少搵人傾訴。

多數都係搵人「分享」我自己同自己傾完之後嘅結論。