09 1月, 2011

記得舊年響舊公司坐電梯時有個亞姐忽然同我個當日著黑色衫嘅女上司搭訕。

亞姐(語重心長):著黑色衫唔好架。我之前成日著黑色,著咁耐就衰足咁耐。又行衰運又病。依家唔著喇。著黑色真係唔好。唔好著呀。

當時我哋只係 O晒咀。


依家諗返,可能亞姐呢個驚天大理論係成立嘅。


皆因,我幾乎每日都係著黑色。

衫褲鞋襪底褲同揹袋都係以黑色為主打。

最近甚至連睡衣都係黑色。

遲啲我間房嘅新傢俬,全部都係黑色...