30 January, 2006

抖抖

今朝宣佈結果,我算是成功了,總算冇白費力氣;所以今日可以抖抖。

尋晚訓唔著,o係高登開o左兩個 post,第一個係〝想死〞;呢個的確o係星期六晚o既想法。post 入面冇內容,因為我只係想死,冇打算真係死,更冇考慮點死。

第二個 post 係〝晶哥電台〞;唔開心o既時候聽下自己鍾意o既歌的確會舒服o的,未至於會開心番,但至少可以舒緩一下。

有一天假期,仍決定出街走走,shopping。買o左一樣冇乜必要但想買好耐o既無謂o野,又買o左一式兩件等(搵)o左好耐居然o係澳洲會有貨o既o野。又食o左一餐味道還可以但又頗貴o既日本o野,至愛o既滑蛋豬扒飯 + 魚生十片,約 HK$120。感覺滿足。

夜晚睇o左一套戲,《The Cave》,冇期望,冇失望,無無聊聊兩個鐘,應該有續集。

訓得幾好。