28 May, 2012

《阿飛正傳》

第一次睇《阿飛正傳》。

原來 王家衛 啲戲都幾啱我睇。


不過唔知點解。

某啲對白我覺得好得但又好好笑。


張國榮 真係好靚仔。

張曼玉 亦都好靚女。




27 May, 2012

重見天日

換咗眼鏡。

終於見得返呢個世界嘅色彩。

因為之前嗰副係全視線鏡片。

一見太陽就「灰」咗。

陽光普照時想望真啲呢個世界。

但都係灰灰黑黑。

連個人都灰埋。


21 May, 2012

我想我的思念是一種病 久久不能痊癒


張震嶽《思念是一種病》

作詞:齊秦/張震嶽
作曲:齊秦/張震嶽
編曲:張震嶽/吳蒙惠/黃冠豪

當你在穿山越嶺的另一邊 我在孤獨的路上沒有盡頭

一輩子有多少的來不及 發現已經失去最重要的東西
恍然大悟早已遠去 為何總是在犯錯之後 才肯相信錯的是自己
他們說這就是人生 試著體會
試著忍住眼淚 還是躲不開應該有的情緒
我不會奢求世界停止轉動 我知道逃避一點都沒有用
只是這段時間裡 尤其在夜裡 還是會想起難忘的事情
我想我的思念是一種病 久久不能痊癒

*當你在穿山越嶺的另一邊 我在孤獨的路上沒有盡頭
時常感覺你在耳後的呼吸 卻未曾感覺你在心口的鼻息
(Oh 思念是一種病 Oh 思念是一種病 一種病)

汲汲營營忘記身邊的人需要愛和關心 藉口總是拉遠了距離
不知不覺無聲無息 我們總是在抱怨事與願違 卻不願意回頭看看自己
想想自己 到底做了什麼蠢事情 也許是上帝給我一個試煉
只是這傷口需要花點時間 只是會想念過去的一切
那些人事物會離我遠去 而我們終究也會遠離變成回憶

Repeat *

多久沒有說我愛你 多久沒有擁抱你所愛的人
當這個世界 不再那麼美好 只有愛可以讓他更好
我相信 一切都來得及 別管那些紛紛擾擾
別讓不開心的事 停下了腳步 就怕你不說 就怕你不做
別讓遺憾繼續 一切都來得及


16 May, 2012

搵笨

母親節飲茶時啲長輩好開心咁叫咗呢個點心拼盤。

叫「五福臨門」。

$128


15 May, 2012

麻木

我一直好討厭我所住地區嘅交通。


我唔怕車程耐同車程遠。

但我好憎要等車。


每日放工都要面對一條百幾二百人嘅人龍。

確實係一種煎熬。


最近。

我連對排隊等車都已經冇埋感覺。


究竟。

仲有冇啲咩可以再觸動到我嘅情緒?


不溫不火。

有時會覺得自己唔再似一個活生生嘅人。


14 May, 2012

似曾相識

有啲嘢。

係會入咗腦一世都唔會忘記嘅。


例如。

香水味。


街上遇到一個陌生人。

飄過一陣曾經熟識嘅香水味。


不過。

我已經唔記得係喺邊一個人嘅身上得到呢個氣味嘅記憶。


13 May, 2012

波係圓嘅

英超最後一輪終於響峰迴路轉之下曲終人散。


我支持嘅曼聯衛冕失敗。

仲要係俾死敵曼城拎咗聯賽冠軍。


好多有睇曼城場波嘅人都話好假。


我睇波從來都唔會將「打假波」呢樣嘢記喺個腦度。

輸打贏要向來唔係我風格。


曼聯失落聯賽錦標。

怪就只好怪自己唔爭氣。


下年再嚟過。



12 May, 2012

興之所至

忽然想去旅行。


由決定地點到訂好所有嘢。

兩日搞掂。


從未如此愴悴。



11 May, 2012

劈友

雖然集集都係向左走向又走之後斬斬斬。

但依然欲罷不能。


我需要斬人發洩。


《真•三國無双6》+《真•三國無双6 猛將伝》


10 May, 2012

善惡到頭終有報

如果好人會有好報。

我等。


可惜。

通常都係報應行先。

09 May, 2012

《ReIMAGINE LESLIE CHEUNG》

無論我以往聽過幾多首歌都好。

都總會有滄海遺珠。


因為一首《最冷一天》。

所以我買咗呢隻碟。


08 May, 2012

至理名言

某日坐小巴。

有對老夫老妻響度傾晚飯食咩好。


老公:日本嘢?

老婆:唔鍾意。

老公:越南嘢?

老婆:唔鍾意。

老公:泰國嘢?

老婆:唔鍾意。

老公:點解你咩都唔鐘意食嘅呢?

然後老婆好悔氣咁答:

「唔鍾意就係唔鍾意架啦!邊有得解架!
 你唔鍾意食某一樣嘢有冇得解丫?你解我聽丫!」


無錯。

唔鍾意就係唔鍾意。

無得解嘅。


鍾意一個人,無得解。

唔鍾意一個人,亦都無得解。

07 May, 2012

《賽德克·巴萊》

期望越大,失望越大。


唔係話非常唔好睇。

只不過真係雷聲大雨點小。

同埋太冗長。


上、下集總共係 145 + 132 分鐘。

一集過 180 分鐘左右就真係乜都夠。

亦可以令部戲更加緊湊。



06 May, 2012

超齡

人大咗,原來好多嘢都已經冇你份。


想申請 working visa 出國咩?

唔好意思先生,你已經超齡。


想報讀課程咩?

唔好意思先生,你已經超齡。


想申請專業培訓班轉行咩?

唔好意思先生,你已經超齡。


更顯著嘅超齡特徵係。

啲小朋友開始唔再叫你做「哥哥」。

而係天真無邪咁你叫「叔叔」。

05 May, 2012

使命感

如果要我揀一份政府工嚟做。

我諗我一定揀審計署。


政府部門被審計署審查完之後公佈問題。

仲樣衰過被廉署查完請飲咖啡。


做一個唔討好嘅角色或者崗位。

硬係有啲特別嘅吸引力。

04 May, 2012

得個殼

同一個差不多一年冇見嘅朋友食飯。

傾下近況。


飯後。

佢話我同一年前好唔同。

我一向嘅「自我」無咗。

無以前咁「串咀」。

亦無咗嗰份「不可一世」嘅氣焰。

聽落似乎係好事。

但其實唔係。

因為佢話咁樣嘅我似一個無靈魂嘅人。


原以為我已經還原。

但似乎真係要等半年。



(舊文:倒數開始

03 May, 2012

記得不記得

如何界定是否已經忘記舊情人?


當你忘記了他或她的電話號碼。

相信就是時候了。


02 May, 2012

我不信愛人離開竟可變密友

朋友跟前度重逢。

藕斷絲連。


我說。

我從來不明白、不理解。

為何可以、可能、需要跟前度繼續做朋友?

是想辛苦別人?

還是想辛苦自己?


拋棄人的那個,何苦去刺激對方。

被拋棄的那個,更毋須去折磨自己。


完了。

就是完。



鄧麗欣《再見不是朋友》

我不信愛人離開竟可變密友
我早有滿城朋友代你聚頭

像情人溫柔 怕無端牽動我
無謂要放未放手

01 May, 2012

宮崎駿動畫系列

雖然未齊全集,但都已經好滿足。


響 HMV 訂,部份只賣 2 for $189.