05 July, 2011

劉建明

最近晚晚都瞓得唔好。

經常發夢。

瞓咗好似無瞓。

精神差過未瞓。

所以,我好憎發夢。

遲早,我會好憎瞓覺。


我一向都會抑制自己嘅情緒。

唔會響任何人面前做出一啲好瘋狂嘅行為。

或者係因為咁。

響尋晚發嘅夢入面。

我從未試過咁歇斯底里。


已經唔太完全記得個夢嘅內容。

記憶中係我做好人。

結果俾人誤解,俾人屈。

最記得我響夢入面歇斯底里咁大喊。

「我只係想好人做好自己啫。點解你哋咁都唔信我?」

之後,我醒咗。


對句白好熟。

個態度、個精神狀態。

好似似曾相識。


哦!

無間道 - 劉建明...