19 September, 2011

從來冇諗過我會熱愛一份工作。

一向認為只有「唔駛做」先算得上係一份優差。

不過原來響不知不覺間我已經喜歡上我依家呢份工。


我份工嘅概況大致如下:

.有固定辦公時間但無固定工作量,有時一坐就坐足一日。

.永遠唔知下一秒會有咩做因為電腦無特定時間癡線而 user 亦無特定時間發癲。

.只需要有事時出現,無事時個人去咗邊係無人會理。

.可遲到可早退甚至自行失蹤。

.無固定工作地點,好天曬落雨淋。

.可著 casual wear 返工,甚至短褲。


好多人都會問我點解有 office 唔坐有太子爺唔做而要走出去捱。

係因為我知道我唔係一個可以接受到著住恤衫西褲響 office 坐定定嘅人。


起初我都以為自己係因為「自由」而鍾意呢份工。

但原來唔係。


睇《HOUSE》嘅時候我諗通咗。

我鍾意呢份工係因為夠「challenging」同埋我「like solving the puzzle」。

再加上工作上嘅對手係一件唔需要有任何感情交流嘅死物。

簡單而直接。