我啲屋企人係基督徒。
而我自細亦喺天主教學校讀書。
但由我懂性開始(其實可能到依家都未懂?!)
或者講係由我有獨立思想開始。
我已經知道呢個宗教唔適合我。
一,我冇咁偉大。
二,我亦冇咁戇居。
身邊有兩個同事係好虔誠嘅基督徒。
最近同佢哋接觸多咗。
聽多咗佢哋講嘅道理。
慢慢咁就有啲嘢入咗腦。
響一星期前有啲嘢好困擾我嘅時候。
我竟然有一下嘅衝動想叫呢兩位同事帶我返教會。
好在最後魔鬼仍然企響我身邊阻止咗我咁做。
但我終於體驗到點解啲人響絕望時需要宗教作為精神支柱。
因為除咗宗教之外,佢就乜嘢都冇了。