29 4月, 2012

豁出去漫遊

上星期響偶然嘅情況之下嚟到香港站嘅預辦登機大堂。


望住嗰塊 Check-in Information 顯示板。

真係想試下響咩都唔安排唔準備之下買一張機票去一個未知嘅地方。


一件看似簡單不過嘅事。

要實行,談何容易...



金魚的記憶

一般人都以為金魚嘅記憶只有3秒。

但後來經過實驗驗證。

原來金魚嘅記憶時間至少有3個月。


我大概,係一條金魚。

善忘得連自己都嚇親。


對睇過嘅戲,好多時好快就已經對劇情冇咩印象。

所以每逢放假我都可以摷返一啲戲出嚟。

當未睇過一樣咁翻睇。


對見過嘅人,對鍾意過嘅人。

亦都可以好快忘記。

(呢點應該係同記憶力無關?)


近期發生嘅事,記憶都只會維持響3個月左右。

以前發生嘅事,好多卻又響腦入面揮之不去。


對自己同身邊嘅人和事都無心裝載。

可能先係問題所在。