19 1月, 2011

是天生一對?還是臭味相投?

一直覺得我父母係「天生一對」,但我鍾意形容佢哋係「臭味相投」。

尤其係當佢哋兩個響同一陣線一齊批評我嘅時候。


今日響鵝頸橋食車仔麵遇到一對夫婦,我又有相同感覺。

個老公由坐響我隔離嗰一刻開始已經口不停,呢樣嗰樣意見多多。

煩完一大輪落完單之後又到個老婆「咦咦哦哦」,煩到抽筋。

之後又一唱一和唔知批評啲咩。


我只好帶上 headphone 繼續食我嘅麵。

響我眼中,佢哋兩個人中我任何一個都頂唔順。

而佢哋完全係接受對方。

我唔知佢哋一齊幾耐,但我覺得唔離開已經好利害。

我諗除咗「愛」,相信無嘢可以將兩個咁嘅人扣埋響一齊。


當然,都可以係其實頂唔順不過已經習慣咗。

又或者係因為無處可逃...