面對同事,一般我都會保持距離。
個距離遠到,可以係如同陌生人一樣。
佢哋唔會有我私人電話號碼,唔會知我嘅任何底蘊。
同事就係同事,唔係朋友。
公事以外,私事免談。
收工之後,不相往還。
所有人,都覺得我好冷漠。
我好叻催眠自己。
其實都係訓練出嚟。
由於我父母唔鍾意俾人知太多屋企嘢。
所以我幫自己建立咗一個全新嘅家庭背景。
有人問起就可以順背如流。
有時幾乎連自己都當啲資料係真嘅一樣。
簡單啲講,其實我係要扮窮。
試圖硬闖我嘅世界?
不要妄想。
因為我唔會俾任何人有機可乘。
如果傾到兩咀嘅同事問我攞 facebook account.
我會有禮貌咁答佢:我好少玩。同埋我唔 add 同事。
如果係對住一個我無好感嘅同事而佢又問我。
我會答佢另一句:Facebook?! 咩嚟?
而實情係,佢哋見我日日 facebook 不離手...