24 10月, 2011

《One More Time》

一向好鍾意 鄭中基 首《One More Time》。


尋日朝早邊聽住呢首歌邊上網搵呢首歌嘅MV。

點知俾我響 youtube 發現咗一段動畫。

原來呢首歌係改編自一套日本動畫《秒速5厘米》嘅主題曲。


一向少睇動畫嘅我,一睇之下已經完完全全咁被呢個動畫吸引住。


短短嘅5分幾鐘,可以比一套90分鐘嘅電影更有感覺更震撼。

短短嘅5分幾鐘,我完全感受到兩個人互相思念但又分隔開嘅嗰種心情。


睇住個MV我響度諗,我一直想拍嘅就係呢啲故事、呢啲畫面、呢啲感覺。

動畫入面男女主角嘅眼神,都係充滿盼望。

整個故事嘅發展,亦都令人感覺到好悲。

充滿「無奈感」。


最攞膽嘅,係MV最尾嗰一段。

男主角重遇女主角,打算轉頭相認,先嚟一架火車將兩人分隔。

正當你以為第一架火車即將走過之際,反方向再嚟多架。

「無奈」到極點。


天,就係咁鍾意弄人...




就係呢啲眼神...


2 則留言:

Karen 說...

"正當你以為第一架火車即將走過之際,反方向再嚟多架。"
明明是無奈,但經你這麼一說,感覺有點好笑!
似乎你適合行星爺路線的片!

晶哥 說...

可能我真係睇得太多周星馳了...