最近分別同兩個認識無耐嘅女仔朋友傾偈。
提到一啲我對婚姻同生活嘅諗法同態度時。
佢哋都不約而同咁形容我為一隻「無腳嘅雀仔」。
「唔結婚唔要小朋友」呢個原則固之然未能得到佢哋嘅認同。
更推論到嘅係佢哋覺得呢個世界係冇想「唔結婚唔要小朋友」嘅女人。
另外我又同佢哋講其實我一直都想離開香港,好想去睇下呢個世界。
最理想嘅係不斷去唔到嘅國家住下,每兩、三年就轉換一個國度。
一直到老到等死嘅時候先返嚟香港。
或者客死異鄉。
唔知點解每次當我熟悉咗一個地方,熟習咗一個環境、一份工。
當我無法再響嗰度發掘出一啲新事物嘅時候。
我就會有離開嘅念頭。
好多時,甚至對人都係一樣。
我明白,幻想同實踐係兩回事。
一直無出走嘅原因,主要都係因為父母。
連搬走都無辦法,仲講咩離開香港。
唔想背上「不孝」之名,唯有乖乖留低。
香港有冇嘢值得我留戀?
暫時係冇。
不過我有時又會懷疑自己。
究竟我係真係「想走」定只係想自己「想走」...
9 則留言:
好多人都同你一樣想出走,睇下外面嘅世界,但又被現實環境掣肘,因為我哋重情或者係~諗太多!我同你既情況就好接近!都有諗過"客死異鄉"!
結婚生仔唔係所有女人都想,因為與其嫁左會後悔,倒不如單身。
但有一點,每個人都會在人生不同既階段改變固有的想法。
無腳雀仔可能有腳,只係未發肓成形罷了。
俾你啟發咗。
可能我係一隻以為自己係雀嘅「跛腳鴨」...
認同人生在不同階段有不同想法。此刻我完全沒有結婚生仔的念頭。最想做到財務自由,沒有家累,到處去。不保證過了三十會不會突然想生仔。話說,我老爸後生似你。討厭結婚,喜歡自由自在,但到了四十,忽然想有個家,就跟我媽結婚生我了,哈哈。最大問題是他年輕時沒有儲錢,信奉今朝有酒今朝醉,成家時年紀大,我小學未畢業他已經退了休,經濟上有很大問題。
Shumc,
其實自從我契仔出咗世之後,我已經冇以前咁抗拒結婚生仔。
亦曾經有諗過不如搏殺多幾年之後四十歲左右成家立室。
不過經一經你分享之後,我諗我又要重新考慮 ...
我好驚我響婚禮上要唱呢首歌嘅呢兩句歌詞。
《唯獨你是不可取替》
如早知今生跟你有幸可相愛 在當初應更努力為未來
若果知道自己有回頭的機會,年輕時就不要去太盡囉!
唔想結婚又唔想生仔的女人 + 冇腳雀仔 <- 三毛
好可惜,佢死左。晶哥大可以向o個個方向進發,尋找呢個類型既女仔。
i guess u still havent met the right person whom you can truly love...
That's also the reason why u feel u dont belong to anywhere.
惠子: 我邊配得起一個作家。
Anonymous: you got the point.
Anonymous: Agree!!The right person can be only found by coincidence, but not seeking!Good luck, 晶哥!
發佈留言